(KVARTHA) പഹൽഗാമിലെ ഭീകരാക്രമണവുമായി ബന്ധപ്പെട്ട് നിർണായക വിവരങ്ങൾ പുറത്തുവരുന്നു. ആക്രമണം നടക്കുന്നതിന് 15 ദിവസം മുൻപ് മാത്രം കട തുടങ്ങിയ ഒരു വ്യാപാരിയെ ദേശീയ അന്വേഷണ ഏജൻസി (NIA) കസ്റ്റഡിയിലെടുത്തു. ആക്രമണം നടന്ന ദിവസം ഇയാൾ കട തുറക്കാതിരുന്നത് സംശയങ്ങൾക്ക് ഇടയാക്കിയിട്ടുണ്ട്. കേന്ദ്ര ഏജൻസികൾ നിലവിൽ വ്യാപാരിയെ ചോദ്യം ചെയ്തുവരികയാണ്.

അതേസമയം, പഹൽഗാം ഭീകരാക്രമണത്തിന് മുൻപ് രഹസ്യാന്വേഷണ ഏജൻസികൾ മുന്നറിയിപ്പ് നൽകിയിരുന്നു എന്ന റിപ്പോർട്ടുകൾ പുറത്തുവന്നിട്ടുണ്ട്. ശ്രീനഗറിലെ താഴ്വരകൾക്ക് സമീപം താമസിക്കുന്നവരെ ലക്ഷ്യമിട്ടാണ് ആക്രമണം നടത്താൻ സാധ്യതയുണ്ടായിരുന്നത്. പ്രധാനമന്ത്രിയുടെ ക്രത ശ്രീനഗർ ട്രെയിൻ ഫ്ലാഗ് ഓഫ് ചടങ്ങ് തടസ്സപ്പെടുത്തുകയായിരുന്നു ഭീകരരുടെ പ്രധാന ലക്ഷ്യമെന്നും സൂചനകളുണ്ട്.

ഈ മുന്നറിയിപ്പിന്റെ അടിസ്ഥാനത്തിൽ സുരക്ഷാ സേന ഡാച്ചിഗാം, നിഷാത് തുടങ്ങിയ പ്രദേശങ്ങളിൽ പട്രോളിംഗ് ശക്തമാക്കിയിരുന്നു. ശ്രീനഗറിൽ മുതിർന്ന പോലീസ് ഉദ്യോഗസ്ഥരെ പ്രത്യേകമായി നിയോഗിക്കുകയും ചെയ്തു. രണ്ടാഴ്ചയോളം വ്യാപകമായ തിരച്ചിൽ നടത്തിയെങ്കിലും ഭീകരരെ കണ്ടെത്താനായില്ല. 

ഒടുവിൽ പഹൽഗാമിൽ ഭീകരാക്രമണം നടന്ന ദിവസമാണ് ഈ ദൗത്യം നിർത്തിവെച്ചത്. കേന്ദ്രസർക്കാരിന്റെ സുരക്ഷാ വീഴ്ചയാണ് പഹൽഗാം ആക്രമണത്തിന് കാരണമെന്ന് പ്രതിപക്ഷം ശക്തമായി വിമർശിക്കുന്നതിനിടയിലാണ് ഈ റിപ്പോർട്ടുകൾ പുറത്തുവരുന്നത്.

പ്രധാനമന്ത്രി നരേന്ദ്രമോദി പാക്കിസ്ഥാന് ശക്തമായ തിരിച്ചടി നൽകുമെന്ന് ആവർത്തിച്ചു. അംഗോളയുടെ പ്രസിഡന്റുമായുള്ള കൂടിക്കാഴ്ചയ്ക്ക് ശേഷം നടത്തിയ വാർത്താസമ്മേളനത്തിലാണ് അദ്ദേഹം ഇക്കാര്യം വ്യക്തമാക്കിയത്. ഭീകരവാദത്തെ പൂർണ്ണമായി തുടച്ചുനീക്കാൻ രാജ്യം പ്രതിജ്ഞാബദ്ധമാണെന്നും, ഭീകരവാദത്തെ പിന്തുണയ്ക്കുന്നവരെയും ഇല്ലാതാക്കുമെന്നും മോദി കൂട്ടിച്ചേർത്തു. 

പൊതുവെ ഹിന്ദിയിൽ സംസാരിക്കുന്ന പ്രധാനമന്ത്രി ഈ വിഷയത്തിൽ ഇംഗ്ലീഷിലാണ് സംസാരിച്ചത് എന്നത് ശ്രദ്ധേയമാണ്. വൈകുന്നേരം നാവികസേനാ മേധാവി ദിനേശ് കെ. ത്രിപാഠിയുമായി പ്രധാനമന്ത്രി ഔദ്യോഗിക വസതിയിൽ ഒരു മണിക്കൂറോളം കൂടിക്കാഴ്ച നടത്തി. പ്രതിരോധ മന്ത്രി രാജ്‌നാഥ് സിംഗ് മേയ് ഒൻപതിന് നടത്താനിരുന്ന റഷ്യൻ സന്ദർശനം റദ്ദാക്കിയതും ശ്രദ്ധേയമാണ്.

പഹൽഗാം ഭീകരാക്രമണത്തിന് പിന്നിൽ പാക് കരസേനാ മേധാവി അസിം മുനീറാണെന്ന മുൻ സൈനിക ഉദ്യോഗസ്ഥൻ ആദിൽ രാജയുടെ വെളിപ്പെടുത്തൽ പാക്കിസ്ഥാനെ പ്രതിരോധത്തിലാക്കിയിട്ടുണ്ട്. വ്യക്തിപരമായ താൽപ്പര്യങ്ങൾക്കുവേണ്ടിയാണ് മുനീർ ഈ ആക്രമണം നടത്തിയതെന്നും, ഇത് തടയാൻ പാക് ചാരസംഘടനയായ ഐ.എസ്.ഐ ശ്രമിച്ചുവെന്നും ആദിൽ രാജ ആരോപിച്ചു. 

ഇതിനിടെ അതിർത്തി കടക്കാൻ ശ്രമിച്ച ഒരു പാക് ജവാനെ അതിർത്തി രക്ഷാ സേന (BSF) പിടികൂടി. നേരത്തെ അബദ്ധത്തിൽ അതിർത്തി കടന്ന ഒരു ബി.എസ്.എഫ് ജവാനെ പാക്കിസ്ഥാൻ തടവിലാക്കിയിരുന്നു.

പഹൽഗാം ഭീകരാക്രമണത്തെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.

Summary: In the aftermath of the Pahalgam terror assault, NIA detained a shopkeeper who opened his business just 15 days prior. Intelligence agencies reportedly issued warnings before the assault  which aimed to disrupt the PM's Srinagar event. A former Pak officer implicated the Pak army chief.

#Pahalgam, #Terrorism, #NIAInvestigation, #Kashmir, #IndiaPakistan, #SecurityBreach