Happiness | ലോകത്തിലെ ഏറ്റവും സന്തോഷമുള്ള രാജ്യങ്ങളുടെ പട്ടികയിൽ പാകിസ്താനെക്കാൾ പിന്നിലായി ഇന്ത്യ; യുദ്ധത്തിൽ തകർന്ന യുക്രൈനും മുന്നിൽ

 


ADVERTISEMENT

ന്യൂഡെൽഹി: (www.kvartha.com) ലോകത്തിലെ ഏറ്റവും വേഗത്തിൽ വളരുന്ന സമ്പദ്‌വ്യവസ്ഥയായി ഇന്ത്യ ഉയർന്നുവരുമ്പോഴും 2023ലെ വേൾഡ് ഹാപ്പിനസ് റിപ്പോർട്ടിൽ രാജ്യത്തിന് മികച്ച പ്രകടനം കാഴ്ചവക്കാനായില്ല. ലോകത്തിലെ ഏറ്റവും സന്തോഷമുള്ള രാജ്യങ്ങളുടെ പട്ടികയിൽ ഇന്ത്യ റാങ്കിംഗ് മെച്ചപ്പെടുത്തിയെങ്കിലും ഏറ്റവും മോശം സ്ഥാനത്താണ് ഇപ്പോഴുമുള്ളത്. നേരത്തെ 136-ാം സ്ഥാനത്തായിരുന്ന ഇന്ത്യ 10 പോയിന്റിന്റെ നേരിയ പുരോഗതിക്ക് ശേഷം 126-ാം സ്ഥാനത്തെത്തി.

Happiness | ലോകത്തിലെ ഏറ്റവും സന്തോഷമുള്ള രാജ്യങ്ങളുടെ പട്ടികയിൽ പാകിസ്താനെക്കാൾ പിന്നിലായി ഇന്ത്യ; യുദ്ധത്തിൽ തകർന്ന യുക്രൈനും മുന്നിൽ

അതേസമയം, ഏറ്റവും മോശമായ സാമ്പത്തിക പ്രതിസന്ധി നേരിടുന്ന പാകിസ്‌താന് താഴെയാണ് ഇന്ത്യയുടെ സ്ഥാനം. 137 രാജ്യങ്ങളിൽ പാകിസ്‌താൻ 108-ാം സ്ഥാനത്താണ്. യുദ്ധബാധിതരായ റഷ്യയും യുക്രൈനും ഇന്ത്യയേക്കാൾ ഉയർന്ന റാങ്ക് നേടി. റഷ്യ 70-ാം സ്ഥാനത്താണ്, യുക്രെയ്ൻ 2022-ലെ 136-ൽ നിന്ന് 2023-ൽ 92-ാം സ്ഥാനത്തെത്തി. റിപ്പോർട്ടിനെക്കുറിച്ച് സർക്കാരിന്റെ ഭാഗത്ത് നിന്ന് ഔദ്യോഗിക അഭിപ്രായമൊന്നും വന്നിട്ടില്ലെങ്കിലും, ഇന്ത്യൻ നെറ്റിസൺമാർ സാമൂഹ്യ മാധ്യമങ്ങളിൽ ഇത് ചർച്ചയാക്കി. യുഎന്‍ സുസ്ഥിരവികസന സൊല്യൂഷന്‍സ് നെറ്റ് വര്‍ക് ആണ് ഹാപ്പിനസ് റിപ്പോര്‍ട്ട് പ്രസിദ്ധീകരിക്കുന്നത്

റിപ്പോർട്ട് അനുസരിച്ച്, ഇന്ത്യയുടെ അയൽരാജ്യമായ നേപ്പാൾ 78-ാം സ്ഥാനത്താണ്. അടുത്തിടെ ഏറ്റവും മോശമായ സാമ്പത്തിക പ്രതിസന്ധി നേരിടുകയും ഇപ്പോൾ വീണ്ടെടുക്കുകയും ചെയ്യുന്ന ശ്രീലങ്ക
ഇന്ത്യയേക്കാൾ മുന്നിട്ട് നിൽക്കുന്നു. 112-ാം സ്ഥാനത്താണ് അയൽ രാജ്യം. ഫിന്‍ലന്‍ഡാണ് ഏറ്റവും സന്തോഷമുള്ള രാജ്യങ്ങളില്‍ ഒന്നാം സ്ഥാനത്ത്. ഡെന്‍മാര്‍ക് രണ്ടാം സ്ഥാനവും ഐസ്‌ലാന്‍ഡ് മൂന്നാം സ്ഥാനത്തുമുണ്ട്. ജീവിതത്തെ കുറിച്ചുള്ള ജനങ്ങളുടെ വിലയിരുത്തല്‍, പോസിറ്റീവ് വികാരങ്ങള്‍, നെഗറ്റീവ് ചിന്തകള്‍ എന്നിവയെ അടിസ്ഥാനമാക്കിയാണ് സന്തോഷ രാജ്യങ്ങളുടെ പട്ടിക തയാറാക്കുന്നത്.

Keywords: New Delhi, Pakistan, War, Ukraine, India, Report, Economic Crisis, National, News,  On happiness index, Pakistan, war-hit Ukraine fare better than India.
< !- START disable copy paste -->
Aster_MIMS
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം. അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന നിയമനടപടികൾ നേരിടേണ്ടിവന്നേക്കാം.
Web Desk Hub
Web Desk Hub

154168 Articles

Tags

Share this story

wellfitindia