No Import Ban | ലാപ്ടോപ്, ടാബ്ലെറ്റ് എന്നിവയുടെ ഇറക്കുമതിക്ക് വിലക്കില്ല; പുതിയ ലൈസന്സിങ് സംവിധാനം കൊണ്ടുവരുമെന്ന് ഐടി മന്ത്രാലയം
Aug 5, 2023, 16:05 IST
ADVERTISEMENT
ന്യൂഡെല്ഹി: (www.kvartha.com) ലാപ്ടോപുകള്, ടാബ്ലെറ്റ് മറ്റ് ഐടി ഹാര്ഡ്വെയറുകള് എന്നിവയുടെ ഇറക്കുമതി നിയന്ത്രണങ്ങളെക്കുറിച്ചുള്ള ആശങ്കകള്ക്കിടയില്, ഉത്തരവ് ഉടനടി പ്രാബല്യത്തില് വരില്ലെന്നും, സുഗമമായ പരിവര്ത്തനത്തിന് ബഫര് പിരീഡ് നല്കുമെന്നും ഐടി മന്ത്രാലയവുമായി ബന്ധപ്പെട്ട ഉദ്യോഗസ്ഥര് അറിയിച്ചു.
അതേസമയം ഇവയുടെ ഇറക്കുമതിയുമായി ബന്ധപ്പെട്ട പുതിയ ലൈസന്സിങ് സംവിധാനം ഏര്പെടുത്താനുള്ള ഒരുക്കത്തിലാണ് കേന്ദ്ര സര്കാര്. ലാപ്ടോപുകള്ക്കും മൊബൈല് ഫോണുകള്ക്കുമുള്ള പുതിയ ഇറക്കുമതി നിയമങ്ങള് ഒക്ടോബര് 31 വരെ പ്രാബല്യത്തില് വരില്ലെന്ന് വാണിജ്യ, വ്യവസായ മന്ത്രാലയം വെള്ളിയാഴ്ച പുറത്തിറക്കിയ വിജ്ഞാപനത്തില് അറിയിച്ചു. അതിനാല് പുതിയ നിയമങ്ങള് നവംബര് 1 മുതല് പ്രാബല്യത്തില് വരും. നിയന്ത്രണ ഉത്തരവ് ആശങ്കകള്ക്ക് ആക്കം കൂട്ടി.
ഐടി ഹാര്ഡ്വെയറിനായുള്ള പ്രൊഡക്ഷന്-ലിങ്ക്ഡ് ഇന്സെന്റീവ് (പിഎല്ഐ) സ്കീമിന് കീഴില് ഈ ഉല്പന്നങ്ങളുടെ ആഭ്യന്തര ഉത്പാദനം പ്രോത്സാഹിപ്പിക്കുന്നതിന് സഹായിക്കുന്നതിന് ലാപ്ടോപുകള്, ടാബ്ലെറ്റുകള്, പേഴ്സണല് കംപ്യൂടറുകള് എന്നിവയുടെ ഇറക്കുമതിക്ക് ഇന്ഡ്യന് സര്കാര് ലൈസന്സിംഗ് ആവശ്യകത ഏര്പെടുത്തിയതിന് തൊട്ടുപിന്നാലെയാണ് വ്യക്തത വന്നത്.
ഇറക്കുമതി നിയന്ത്രണങ്ങള് വിതരണത്തെ ബാധിക്കുമെന്ന ആശങ്കയും വിലയില് വര്ധനവുണ്ടാക്കുമെന്ന ആശങ്കയും ഈ പ്രഖ്യാപനം ഉയര്ത്തുകയുണ്ടായി. വിലകുറഞ്ഞ ഇറക്കുമതിയില് നിന്ന് ആഭ്യന്തര ഉല്പാദന സംവിധാനത്തെ സംരക്ഷിക്കുന്നതിനും ശക്തിപ്പെടുത്തുന്നതിനുമാണ് എല്ലാം ചെയ്യുന്നതെന്നും ഐടി സഹമന്ത്രി രാജീവ് ചന്ദ്രശേഖര് ഈ നീക്കത്തെ ന്യായീകരിച്ചു പറഞ്ഞു.
'വിശ്വസനീയവും പരിശോധിച്ചുറപ്പിച്ചതുമായ സംവിധാനങ്ങള് ഇന്ഡ്യന് ടെക് ഇകോസിസ്റ്റം ഉപയോഗിക്കുന്നുവെന്ന് ഉറപ്പാക്കുന്നു,'- ചന്ദ്രശേഖര് തല് പോസ്റ്റ് ചെയ്തു. വിശ്വസനീയമായ ഹാര്ഡ്വെയറും സിസ്റ്റങ്ങളും ഉറപ്പാക്കുക, ഇറക്കുമതി ആശ്രിതത്വം കുറയ്ക്കുക, ഈ വിഭാഗത്തിലുള്ള ഉല്പന്നങ്ങളുടെ ആഭ്യന്തര ഉല്പാദനം വര്ധിപ്പിക്കുക എന്നിവയാണ് ഗവണ്മെന്റിന്റെ ലക്ഷ്യം.
Keywords: News, National, National-News, Laptop, Tablet, Ban, Import, Technology,Technology-News, No ban on import of laptops and tablets; New Licensing System Will Be Introduced: IT Ministry
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
