വിവാഹിതരാകാൻ പോകുന്നവർ ഇനി ഇത് വാങ്ങേണ്ടതില്ല; ദമ്പതികൾക്ക് ഏറ്റവും കൂടുതൽ ആവശ്യമുള്ള ‘സാധനം’ സർക്കാർ നിങ്ങൾക്ക് സൗജന്യമായി നൽകും

ലക്നൗ: (www.kvartha.com 06.07.2017) വിവാഹിതരാകാൻ പോകുന്നവർ ഇനി ഗർഭ നിരോധന ഉറ വാങ്ങേണ്ടതില്ല. ദമ്പതികൾക്ക് ഏറ്റവും കൂടുതൽ ആവശ്യമുള്ള ഈ 'സാധനം' ശാഖൺ (വിവാഹ സമ്മാനമായി) നൽകാൻ സർക്കാർ തീരുമാനിച്ചു. ഉത്തർ പ്രദേശ് സർക്കാറാണ് കുടുംബാസൂത്രണത്തിന്റെ ഭാഗമായി ആശാ വർക്കേഴ്സ് മുഖേന ഇത് വീടുകളിലെത്തിക്കുന്നത്. ജൂലൈ 11 ലോക ജനസംഖ്യ ദിനത്തിലാണ്  മിഷൻ പരിവാർ വികാസിന്റെ ഭാഗമായി പദ്ധതി ആവിഷ്ക്കരിക്കുന്നത്.

ഗർഭ നിരോധന ഉറക്ക് പുറമെ അടിയന്തിര ഗർഭനിരോധന ഗുളികകളും നൽകുന്നുണ്ട്. കൂടാതെ, ടവ്വൽ, നഖം വെട്ടി, ചീപ്പ്, കണ്ണാടി എന്നിവക്കൊപ്പം ആരോഗ്യ വകുപ്പിന്റെ കത്തും അടങ്ങിയതാണ് ഗിഫ്റ്റ്. കുടുംബാസൂത്രണത്തിന്റെ പ്രാധാന്യവും ജനസംഖ്യ നിയന്ത്രിക്കുന്നതിന്റെ ആവശ്യവും രേഖപ്പെടുത്തിയിട്ടുള്ള കത്തിൽ രണ്ട് കുട്ടികളായി പരിമിതപ്പെടുത്തണമെന്നും രേഖപ്പെടുത്തിയിട്ടുണ്ട്.


വധുവിനും വരനും വേറെ വേറെ കിറ്റുകൾ നൽകുമെന്ന് മിഷൻ പരിവാർ വികാസ് മാനേജർ അവനീഷ് സക്‌സീന പറഞ്ഞു. വിവാഹ ജീവിതത്തിന്റെ മഹത്വം അറിയിക്കുക കൂടിയാണ് ഇത് കൊണ്ട് ഉദ്ദേശിക്കുന്നതെന്ന് അദ്ദേഹം വ്യക്തമാക്കി.


ആർക്കെങ്കിലും മനസ്സിലാകാതെ വരികയോ എന്തെങ്കിലും സംശയമുണ്ടെങ്കിലോ ആശാ വർക്കേഴ്‌സിനോട് ചോദിക്കാമെന്ന് യു പി ഹെൽത് മിഷൻ ഡയറക്ടർ അലോക് കുമാർ പറഞ്ഞു.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം )

Summary: Newly wed couples in UP will get a 'shagun'(ceremonial offering) from the state government. To be distributed through neighbourhood ASHA workers, the 'shagun' will actually be a kit promoting family planning message and compiring condoms and oral contraceptive pills among other things.