HUID | സ്വർണാഭരണങ്ങളിൽ എച് യു ഐ ഡി ഹോൾമാർകിംഗ് ജൂലൈ 1 മുതൽ നിർബന്ധം; നിയമത്തിലെ പോരായ്മകൾ പരിഹരിക്കണമെന്ന് അഡ്വ. എസ് അബ്ദുൽ നാസർ

കൊച്ചി: (www.kvartha.com) ബ്യൂറോ ഓഫ് ഇൻഡ്യൻ സ്റ്റാൻഡേർഡ്സ് (BIS) സ്വർണാഭരണങ്ങളുടെ പരിശുദ്ധി രേഖപ്പെടുത്തുന്ന ഹോൾമാർക് എച് യു ഐ ഡി (HUID) ജൂലൈ ഒന്ന് മുതൽ നിർബന്ധമാക്കുന്നു. ഓൾ കേരള ഗോൾഡ് ആൻഡ് സിൽവർ മർചന്റസ് അസോസിയേഷന് വേണ്ടി സംസ്ഥാന ട്രഷറർ അഡ്വ. എസ് അബ്ദുൽ നാസർ ഹൈകോടതിയിൽ സമർപിച്ച റിട് ഹർജിയിൽ മൂന്നുമാസത്തെ സ്റ്റേ അനുവദിച്ചിട്ടുണ്ടായിരുന്നു. ഇതിന്റെ കാലാവധി ജൂൺ 30ന് അവസാനിക്കുകയാണ്.

രണ്ട് ഗ്രാം മുതൽ എല്ലാ ആഭരണങ്ങളിലും എച് യു ഐ ഡി നിർബന്ധമാണ്. മുദ്ര പതിപ്പിക്കാത്ത ആഭരണങ്ങൾ ജൂലൈ ഒന്ന് മുതൽ വിൽക്കുന്നത് വലിയ ശിക്ഷാർഹമാണ്. ജൂലൈ ഒന്ന് മുതൽ ബി ഐ എസ് ഉദ്യോഗസ്ഥരുടെ കട പരിശോധനയിൽ ഹോൾമാർക് മുദ്ര പതിപ്പിക്കാത്ത ആഭരണങ്ങൾ കണ്ടെത്തിയാൽ വലിയ പിഴ ചുമത്താനും ലൈസൻസ് റദ്ദാക്കാനടക്കമുള്ള അധികാരവുമുണ്ട്.
 
കേരളത്തിലെ ഒട്ടുമിക്ക ജ്വലറികളും ഹോൾമാർക് ലൈസൻസ് എടുത്തിട്ടുണ്ടെന്ന് അഡ്വ. എസ് അബ്ദുൽ നാസർ പറഞ്ഞു. ഒറ്റ ഒറ്റ ആഭരണങ്ങൾക്ക് എച് യു ഐ ഡി മുദ്ര പതിച്ചു നൽകുന്നില്ല. ആഭരണ പരിശുദ്ധിയിൽ കുറവ് വന്നാൽ അതിന്റെ ഉത്തരവാദികൾ വ്യാപാരികളല്ല. നിർമാതാക്കളും, ഹോൾമാർകിങ് സെന്ററുകളുമാണ് ഉത്തരവാദികൾ. അവരുടെ പങ്ക് പരിധിയിൽ ഉൾപ്പെടുത്തണം. നിയമത്തിൽ ഒട്ടേറെ പോരായ്മകളുണ്ട്. അത് പരിഹരിക്കാനുള്ള നടപടികൾ സ്വീകരിക്കണമെന്നും അദ്ദേഹം ആവശ്യപ്പെട്ടു. < !- START disable copy paste -->