ആസാമിലേയ്ക്ക് പ്രവേശിക്കാൻ വാക്സിനേഷൻ പൂർത്തിയാക്കിയാൽ മാത്രം പോര, നെഗറ്റിവ് ആർടി-സിപിആർ റിസൾടും വേണം!
Jul 19, 2021, 12:02 IST
ADVERTISEMENT
ഗുവാഹതി: (www.kvartha.com 19.07.2021) മറ്റ് സംസ്ഥാനങ്ങളിൽ നിന്ന് അസമിലേയ്ക്ക് എത്തുന്നവരിൽ കോവിഡ് നിയമം കൂടുതൽ കർശനമാക്കി സംസ്ഥാന സർക്കാർ. വാക്സിനേഷൻ പൂർത്തിയാക്കിയാൽ മാത്രം പോര, നെഗറ്റിവ് ആർടി-സിപിആർ റിസൾട്ടും നിർബന്ധമാണെന്നും സർക്കാർ. വാക്സിനേഷൻ പൂർത്തിയാക്കിയവർക്കും രോഗബാധയേൽക്കുന്നത് ശ്രദ്ധയിൽ പെട്ടതോടെയാണ് കോവിഡ് നിയമങ്ങൾ കൂടുതൽ കർശനമാക്കിയത്. കോവിഡ് രോഗികളിൽ അഞ്ച് ശതമാനവും വാക്സിനേഷൻ പൂർത്തിയാക്കിയവരാണ്.
ജൂൺ 25, 2021 ൽ പുറത്തിറക്കിയ കോവിഡ് പ്രോടോകോൾ പ്രകാരം വിമാന-ട്രെയിൻ യാത്രികർക്ക് കോവിഡ് ടെസ്റ്റ് റിസൾട് നിർബന്ധമാക്കിയിരുന്നില്ല. എന്നാൽ ജൂലൈ 15 ന് പുറത്തിറക്കിയ കോവിഡ് പ്രോടോകോളിൽ നെഗറ്റീവ് റിസൾട് നിർബന്ധമാക്കിയിട്ടുണ്ട്.
ദിബ്രുഗർഹ് ജില്ലയിൽ ഐസിഎംആർ നടത്തിയ സർവേയിൽ കോവിഡ് പോസിറ്റീവ് ആയ രോഗികളിൽ 5.3 ശതമാനം വാസിനേഷൻ പൂർത്തിയാക്കിയവരാണ്. മെയ്, ജൂൺ മാസങ്ങളിലാണ് സർവേ നടത്തിയത്. രണ്ട് ഡോസ് വാക്സിനെടുത്തവരിൽ രോഗത്തിന്റെ കാഠിന്യം കുറവാണെന്നും സർവേയിൽ കണ്ടെത്തിയിട്ടുണ്ട്.
SUMMARY : The Assam government tightens entering of people from other parts of India. The state government said screening procedure for people entering the state is mandatory, with no exemption for even those who have received both doses of COVID-19 vaccine.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്സ്ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
