Arrested | പ്രായപൂര്‍ത്തിയാകാത്ത പെണ്‍കുട്ടിയെ സ്‌കൂളില്‍ വെച്ച് നിരവധി തവണ പീഡിപ്പിച്ചെന്ന കേസില്‍ പ്യൂണ്‍ അറസ്റ്റില്‍
Sep 11, 2022, 17:22 IST
ADVERTISEMENT
മുംബൈ: (www.kvartha.com) പ്രായപൂര്‍ത്തിയാകാത്ത പെണ്‍കുട്ടിയെ സ്‌കൂളില്‍ വെച്ച് നിരവധി തവണ പീഡിപ്പിച്ചെന്ന കേസില്‍ പ്യൂണ്‍ അറസ്റ്റില്‍. സെപ്റ്റംബര്‍ അഞ്ചിന് അധ്യാപകദിനത്തിലാണ് കേസിനാസ്പദമായ സംഭവം നടന്നത്. 15കാരിയായ പെണ്‍കുട്ടി തനിച്ച് നില്‍ക്കുന്നത് കണ്ട പ്രതി ആളൊഴിഞ്ഞ സ്ഥലത്തേക്ക് കൊണ്ടുപോയി ശാരീരികമായി ഉപദ്രവിക്കുകയായിരുന്നു.
വീട്ടിലെത്തിയ ശേഷം പെണ്‍കുട്ടിയുടെ പെരുമാറ്റത്തില്‍ അസ്വാഭാവികത തോന്നിയ വീട്ടുകാര്‍ സ്‌കൂളില്‍ വിവരമറിയിച്ചതോടെയാണ് സംഭവം പുറത്തായത്. ഇതോടെ പ്യൂണ്‍ സ്‌കൂളില്‍ വരാതായി. തുടര്‍ന്ന് ഗംദേവി പൊലീസ് സ്റ്റേഷനില്‍ സ്‌കൂള്‍ മാനേജ്മെന്റ് തന്നെ ഇയാള്‍ക്കെതിരെ പരാതിയും നല്‍കി.
പെണ്‍കുട്ടിയെ ഇയാള്‍ നിരവധി തവണ ഉപദ്രവിച്ചുവെന്നും കുട്ടിയുടെ ഫോണിലേക്ക് വീഡിയോ കോള്‍ വിളിച്ചിരുന്നുവെന്നും അന്വേഷണത്തില്‍ കണ്ടെത്തി. പോക്സോ ഉള്‍പെടെയുള്ള വകുപ്പുകള്‍ ചുമത്തിയാണ് 28കാരനായ പ്യൂണിനെതിരെ കേസെടുത്തത്.
വെള്ളിയാഴ്ചയാണ് പ്യൂണിനെ അറസ്റ്റുചെയ്യുന്നത്. കോടതിയില്‍ ഹാജരാക്കിയ പ്രതിയെ സെപ്റ്റംബര്‍ 14 വരെ റിമാന്‍ഡ് ചെയ്തു.
Keywords: Mumbai School Peon Held For Assaulting 15-Year-Old Girl: Police, Mumbai, News, Local News, Molestation, Complaint, Arrested, Police, National.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
