Minister | 'പൊതുപരിപാടിക്കിടെ പരസ്യമായി മദ്യപിച്ച് മന്ത്രി'; വീഡിയോ വൈറല്‍; വിവാദമായപ്പോള്‍ പ്രതികരണം ഇങ്ങനെ!

അഹ് മദാബാദ്: (www.kvartha.com) പൊതുപരിപാടിക്കിടെ പരസ്യമായി മദ്യപിച്ച് മന്ത്രി. ഗുജറാത് മന്ത്രി രാഘവ് ജി പട്ടേലാണ് പൊതുജനമധ്യത്തില്‍ മദ്യം കഴിച്ച് വിവാദത്തിലായത്. ആദിവാസി ദിനത്തോട് അനുബന്ധിച്ച് നടത്തിയ പരിപാടിയില്‍ പങ്കെടുക്കുന്നതിനിടെയാണ് സംഭവം.

മന്ത്രി മദ്യം കുടിക്കുന്നതിന്റെ വീഡിയോയും വൈറലായിരുന്നു. ഗുജറാതിലെ ആദിവാസി വിഭാഗത്തിന്റെ ആചാരങ്ങളിലൊന്നാണ് മദ്യസേവ. ഭൂമിക്കും മണ്ണിനും മദ്യം നല്‍കുക എന്നത് അവരുടെ ആചാരങ്ങളുടെ ഭാഗമാണ്. ഇങ്ങനെ നല്‍കിയതിന് ശേഷം മുഖ്യ പൂജാരി ഈ ചടങ്ങിനെത്തിയ എല്ലാവര്‍ക്കും ഇലയില്‍ മദ്യം നല്‍കും. ഇത്തരത്തില്‍ നല്‍കിയ മദ്യമാണ് മന്ത്രി കുടിച്ചത്.

അതേസമയം, ഇത്തരമൊരു ആചാരത്തെ കുറിച്ച് അറിയില്ലെന്നായിരുന്നു സംഭവം വിവാദമായതോടെ മന്ത്രി യുടെ പ്രതികരണം. ആദ്യമായാണ് ഇത്തരമൊരു പരിപാടിയില്‍ പങ്കെടുക്കുന്നതെന്നും അതിനാലാണ് അബദ്ധം പറ്റിയതെന്നും അദ്ദേഹം പറഞ്ഞു. മദ്യനിരോധനം നിലവിലുള്ള സംസ്ഥാനങ്ങളിലൊന്നാണ് ഗുജറാത്. എന്നാല്‍, ആദിവാസി വിഭാഗങ്ങള്‍ അവരുടെ ചടങ്ങുകളില്‍ മദ്യം ഉപയോഗിക്കാറുണ്ട്.