Agniveers | മുൻ അഗ്നിവീരന്മാർക്ക് സിഐഎസ്എഫ് ജോലികളിൽ 10 ശതമാനം സംവരണം പ്രഖ്യാപിച്ചു; ശാരീരികക്ഷമതാ പരീക്ഷയിലും ഇളവ് നൽകും

ന്യൂഡെൽഹി: (www.kvartha.com) സെൻട്രൽ ഇൻഡസ്ട്രിയൽ സെക്യൂരിറ്റി ഫോഴ്സിൽ (CISF) മുൻ അഗ്നിവീരന്മാർക്ക് ആഭ്യന്തര മന്ത്രാലയം 10 ശതമാനം സംവരണം പ്രഖ്യാപിച്ചു. ഒരാഴ്ച മുമ്പ് ബിഎസ്എഫിലും മുൻ അഗ്‌നിവീരന്മാർക്ക് സംവരണം നൽകുമെന്ന് അറിയിപ്പ് വന്നിരുന്നു. 1968ലെ സെൻട്രൽ ഇൻഡസ്ട്രിയൽ സെക്യൂരിറ്റി ഫോഴ്‌സ് ആക്‌ട് പ്രകാരമുള്ള നിയമങ്ങളിൽ ഭേദഗതി വരുത്തി വിജ്ഞാപനത്തിലൂടെയാണ് പ്രഖ്യാപനം.

ഉയർന്ന പ്രായപരിധിയിൽ ഇളവുകൾ നൽകുമെന്നും മന്ത്രാലയം വിജ്ഞാപനത്തിൽ പറയുന്നു. ഉദ്യോഗാർഥി അഗ്നിവീറിന്റെ ആദ്യ ബാച്ചിന്റെ ഭാഗമാണോ അല്ലെങ്കിൽ തുടർന്നുള്ള ബാച്ചുകളുടെ ഭാഗമാണോ എന്നതിനെ ആശ്രയിച്ചിരിക്കും ഈ ഇളവ്. ആദ്യ ബാച്ചിലെ മുൻ അഗ്നിവീരന്മാർക്ക് അഞ്ച് വർഷവും തുടർന്നുള്ള ബാച്ചുകളിലെ അഗ്നിവീരന്മാർക്ക് മൂന്ന് വർഷവും പ്രായപരിധിയിൽ ഇളവ് നൽകും. < !- START disable copy paste -->