Bust | റേവ് പാർട്ടിയിൽ പോലീസ് റെയ്ഡ്: 64 പേരെ കസ്റ്റഡിയിലെടുത്തു; '15 യുവതികളെ അബോധാവസ്ഥയിൽ കണ്ടെത്തി'
ADVERTISEMENT
● കസ്റ്റഡിയിലെടുത്തവരുടെ രക്തസാമ്പിളുകൾ വിശദമായ പരിശോധനയ്ക്ക് അയച്ചിട്ടുണ്ട്.
● പൊലീസ് വിശദമായ അന്വേഷണം നടത്തിവരികയാണ്.
ബംഗളൂരു: (KVARTHA) മൈസൂരു മീനാക്ഷിപുരയിലെ സ്വകാര്യ ഫാംഹൗസിൽ നടന്ന റേവ് പാർട്ടിയിൽ പൊലീസ് റെയ്ഡ് നടത്തി. 64 പേരെ കസ്റ്റഡിയിലെടുത്തു. പാർട്ടിയിൽ പങ്കെടുത്ത പതിനഞ്ചോളം യുവതികളെ അബോധാവസ്ഥയിൽ കണ്ടെത്തിയതായും റിപ്പോർട്ടുകളുണ്ട്. സംഭവസ്ഥലത്തുനിന്ന് നിരവധി വാഹനങ്ങളും പിടിച്ചെടുത്തിട്ടുണ്ട്.
കസ്റ്റഡിയിലെടുത്തവരുടെ രക്തസാമ്പിളുകൾ വിശദമായ പരിശോധനയ്ക്ക് അയച്ചിട്ടുണ്ട്. രാസലഹരി പിടിച്ചെടുത്തതായി റിപ്പോർട്ടുകളൊന്നുമില്ല. യുവതികളുടെ അബോധാവസ്ഥയ്ക്ക് കാരണം രാസലഹരി ഉപയോഗമാണോ അതോ മറ്റേതെങ്കിലും കാരണങ്ങളാണോ എന്നത് പരിശോധിക്കുന്നതിനായി വിശദമായ മെഡിക്കൽ പരിശോധനകൾ നടത്തുന്നു.
ഈ സംഭവത്തിൽ കർണാടക മുഖ്യമന്ത്രി സിദ്ധരാമയ്യ കർശന നടപടികൾ സ്വീകരിക്കുമെന്ന് അറിയിച്ചു. പൊലീസ് വിശദമായ അന്വേഷണം നടത്തിവരികയാണെന്നും അദ്ദേഹം കൂട്ടിച്ചേർത്തു.
#Karnataka #raveparty #drugabuse #policeraid #mysore #india
