Attacks | 'സ്വകാര്യദൃശ്യങ്ങള്‍ പകര്‍ത്തി ഭീഷണിപ്പെടുത്തിയ സുഹൃത്തിന്റെ ജനനേന്ദ്രിയം 32-കാരന്‍ മുറിച്ചുമാറ്റി'

സംഭവത്തെ കുറിച്ച് പൊലീസ് പറയുന്നത്:

ചികിത്സയില്‍ കഴിയുന്ന രണ്ടുപേരും മുനിസിപല്‍ കോര്‍പറേഷനിലെ കരാര്‍ തൊഴിലാളികളാണ്. ഒരുവര്‍ഷം മുമ്പാണ് ഇരുവരും പരിചയപ്പെട്ടത്. ഏതാനും മാസങ്ങള്‍ക്ക് മുമ്പ് 30-കാരന്‍ സുഹൃത്തായ 32-കാരനെ ഹോടെലിലേക്ക് കൂട്ടിക്കൊണ്ടുപോവുകയും അവിടെവെച്ച് ഇരുവരും ലൈംഗികബന്ധത്തിലേര്‍പെടുകയും ചെയ്തു.

ഇതിന്റെ ദൃശ്യങ്ങള്‍ 30-കാരന്‍ മൊബൈല്‍ ഫോണില്‍ പകര്‍ത്തിയിരുന്നു. പിന്നീട് ഈ ദൃശ്യങ്ങള്‍ ഉപയോഗിച്ച് ഇയാള്‍ ഭീഷണിപ്പെടുത്തിയെന്നാണ് പ്രതിയുടെ മൊഴി. ദൃശ്യങ്ങള്‍ സാമൂഹികമാധ്യമങ്ങളില്‍ പ്രചരിപ്പിക്കുമെന്ന് ഭീഷണിപ്പെടുത്തി പലതവണയായി പണം തട്ടിയതായും 32-കാരന്‍ പറഞ്ഞു.

ശനിയാഴ്ച ഇരുവരും വീണ്ടും ഹോടെലില്‍വെച്ച് കണ്ടുമുട്ടി. തുടര്‍ന്ന് മൊബൈല്‍ഫോണില്‍നിന്ന് വീഡിയോ നീക്കംചെയ്യാന്‍ പ്രതി സുഹൃത്തിനോട് ആവശ്യപ്പെട്ടു. ഇതേച്ചൊല്ലി വാക്കേറ്റവും തര്‍ക്കവും നടന്നതോടെ 30-കാരന്‍ സുഹൃത്തിനെ ആക്രമിച്ചു. ഇതിനിടെ മുറിയിലുണ്ടായിരുന്ന മൂര്‍ചയേറിയ ആയുധം ഉപയോഗിച്ച് പ്രതി സുഹൃത്തിന്റെ ജനനേന്ദ്രിയം മുറിച്ചുമാറ്റുകയായിരുന്നു.

ആക്രമണത്തിനിടെ പ്രതിയ്ക്കും പരിക്കേറ്റിട്ടുണ്ട്. ഇയാള്‍ ജില്ലാ ആശുപത്രിയില്‍ ചികിത്സയിലാണ്. ഇയാളുടെ ആരോഗ്യനില തൃപ്തികരമാണെന്നും ഗുരുതരമായി പരിക്കേറ്റ 30-കാരനെ ആശുപത്രിയിലേക്ക് മാറ്റിയെന്നും ബറേയ്ലി ജില്ലാ ആശുപത്രിയിലെ മെഡികല്‍ ഓഫീസര്‍ അറിയിച്ചു.

സംഭവത്തില്‍ ഇതുവരെയും പരാതിയൊന്നും ലഭിച്ചിട്ടില്ലെങ്കിലും അന്വേഷണം ആരംഭിച്ചിട്ടുണ്ട്. ഹോടെലിലെ സിസിടിവി ദൃശ്യങ്ങളടക്കം പരിശോധിച്ചുവരികയാണ്. ഉടന്‍തന്നെ കേസ് രെജിസ്റ്റര്‍ ചെയ്യും.

Keywords: Man, 32, Attacks friend's genitals in Uttar Pradesh, News, Attack, Hospital, Treatment, Police, CCTV, National.