ടോള്‍ ബൂത്തുകളിലെ സൈനീക വിന്യാസത്തിനെതിരെ നടത്തിയ പ്രതിഷേധം സൈന്യത്തിനെതിരെയല്ല സര്‍ക്കാരിനും സര്‍ക്കാരിന്റെ നയത്തിനുമെതിരെയാണ് ; പരീക്കറിന്റെ കത്തിന് മമതയുടെ മറുപടി

പശ്ചിമബംഗാളിലെ ചില ടോള്‍ ബൂത്തുകളിലെ സൈനീക വിന്യാസത്തിനെതിരെ മമത രൂക്ഷ വിമര്‍ശനം നടത്തിയിരുന്നു. ഇതേതുടര്‍ന്ന് പരീക്കര്‍ സൈന്യത്തിന്റെ മനോവീര്യം ചോര്‍ക്കുന്ന പ്രസ്താവനകള്‍ നടത്തരുതെന്ന് ആവശ്യപ്പെട്ട് മമതയ്ക്ക് കത്തെഴുതിയുന്നു. ഈ കത്തിന് മറുപടി നല്‍കുകയായിരുന്നു മമത.

തന്റെ പരാതി സൈന്യത്തിനെതിരല്ല. നിങ്ങളുടെ സര്‍ക്കാരിനും സര്‍ക്കാരിന്റെ നയത്തിനുമെതിരെയാണ്. കാരണം സൈന്യം നിങ്ങളുടെ നിര്‍ദ്ദേശങ്ങള്‍ക്ക് അനുസരിച്ചാണ് പ്രവര്‍ത്തിക്കുന്നത്. എന്നാല്‍ സൈന്യത്തിന്റെ കഴിവിനെയും രാജ്യസ്‌നേഹത്തെയും ഞങ്ങള്‍ ബഹുമാനിക്കുന്നു' എന്നും പരീക്കറിന് അയച്ച കത്തില്‍ മമത പറയുന്നു. ഒപ്പം പരീക്കര്‍ അയച്ച കത്ത് തനിക്ക് ലഭിക്കുന്നതിന് മണിക്കൂറുകള്‍ക്ക് മുമ്പ് തന്നെ മാധ്യമങ്ങളിലൂടെ പുറത്തുവന്നതിലുള്ള ആശ്ചര്യവും അവര്‍ കത്തില്‍ പ്രകടിപ്പിച്ചു. തന്റെ നീണ്ടകാലത്തെ രാഷ്ട്രീയ ജീവിതത്തിനിടയില്‍ പകപോക്കലിനായി ആദരണീയമായ ഒരു സംഘത്തെ ദുരുപയോഗം ചെയ്യുന്നത് ഇതിനുമുമ്പ് കണ്ടിട്ടില്ലെന്നും മമത പറയുന്നു.

അനാവശ്യവും അവ്യക്തവുമായ ആരോപണങ്ങള്‍ ഉന്നയിക്കുന്നത് കൂട്ടിന് രാഷ്ട്രീയ പാര്‍ട്ടികളും രാഷ്ട്രീയക്കാരുമുണ്ടെന്ന വിലയിരുത്തല്‍ നിങ്ങളുടെ പാര്‍ട്ടിക്കാണ് അനുയോജ്യം. ഞങ്ങള്‍ അതില്‍പ്പെടില്ല. രാജ്യത്തെ പ്രതിനിധീകരിക്കുന്ന ഒരേയൊരു വക്താവ് താനാണെന്ന് വരുത്തിതീര്‍ക്കാനുള്ള ശ്രമമാണ് പരീക്കര്‍ നടത്തുന്നത്.
ആരാധനാലയത്തിന് നേരെ തീപന്തം എറിഞ്ഞതിനെതുടര്‍ന്ന് സംഘര്‍ഷാവസ്ഥ; നാലുപേര്‍ പിടിയില്‍