ഭോപ്പാൽ: (KVARTHA) പെൺകുട്ടികളുടെ മതപരിവർത്തനം നടത്തുന്നവർക്കെതിരെ വധശിക്ഷ നൽകുന്നതിനുള്ള നിയമം കൊണ്ടുവരുമെന്ന് മധ്യപ്രദേശ് മുഖ്യമന്ത്രി മോഹൻ യാദവ്. അന്താരാഷ്ട്ര വനിതാ ദിനത്തോടനുബന്ധിച്ച് നടന്ന ഒരു പരിപാടിയിൽ സംസാരിക്കുകയായിരുന്നു അദ്ദേഹം.

പെൺകുട്ടികളെ ബലാത്സംഗം ചെയ്യുന്നവർക്കുള്ള ശിക്ഷയ്ക്ക് സമാനമായി, മതപരിവർത്തനം നടത്തുന്നവർക്കും വധശിക്ഷ നൽകാനാണ് സർക്കാർ ആലോചിക്കുന്നതെന്ന് മുഖ്യമന്ത്രി പറഞ്ഞു. പെൺകുട്ടികളെ ഉപദ്രവിക്കുന്നവരെ സർക്കാർ വെറുതെ വിടില്ലെന്നും നിയമവിരുദ്ധ മതപരിവർത്തനങ്ങളെ കർശനമായി നേരിടുമെന്നും അദ്ദേഹം വ്യക്തമാക്കി.

'നിഷ്കളങ്കരായ പെൺകുട്ടികളെ ബലാത്സംഗം ചെയ്യുന്നവർക്കെതിരെ സർക്കാർ കർശന നടപടിയെടുക്കും. അവർക്ക് വധശിക്ഷ നൽകാനുള്ള വ്യവസ്ഥ നിലവിൽ ഉണ്ട്. ഇതിനു പുറമെ, മതപരിവർത്തനം നടത്തുന്നവർക്കെതിരെയും മധ്യപ്രദേശ് മതസ്വാതന്ത്ര്യ നിയമത്തിൽ വധശിക്ഷക്കുള്ള വ്യവസ്ഥ ഉണ്ടാക്കും', മോഹൻ യാദവ് പറഞ്ഞു.

സ്ത്രീ സുരക്ഷയ്ക്കും പെൺകുട്ടികളുടെ സംരക്ഷണത്തിനും സർക്കാർ പ്രതിജ്ഞാബദ്ധമാണെന്നും അദ്ദേഹം എക്സിൽ കുറിച്ചു. പെൺകുട്ടികളെ ബലാത്സംഗം ചെയ്യുന്നവർക്ക് വധശിക്ഷ നൽകിയതിന് പിന്നാലെയാണ്, പെൺകുട്ടികളെ മതപരിവർത്തനം ചെയ്യുന്നവർക്കും വധശിക്ഷ നൽകാനുള്ള നിയമം കൊണ്ടുവരുന്നത് എന്നും അദ്ദേഹം കൂട്ടിച്ചേർത്തു.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക. 

Madhya Pradesh Chief Minister Mohan Yadav announced that the government will bring in a law to impose the death penalty on those who forcibly convert girls. This decision comes in line with the existing punishment for assault.

#MadhyaPradesh #MohanYadav #ReligiousConversion #WomensRights #DeathPenalty #India