Age of Consent | ലൈംഗിക ബന്ധത്തിനുള്ള അനുമതിയില് പ്രായപരിധി കുറയ്ക്കുന്നത് പരിഗണനയില്; 18- ല് നിന്ന് 16 ആക്കിയേക്കാം
Jun 16, 2023, 15:42 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ന്യൂഡെല്ഹി: (www.kvartha.com) ലൈംഗിക ബന്ധത്തിനുള്ള പ്രായപരിധി 16 ലേക്ക് കുറയ്ക്കാന് നീക്കം. അനുമതിയോടെയുള്ള ലൈംഗികബന്ധത്തിന് പ്രായപരിധി കുറയ്ക്കുന്നത് സംബന്ധിച്ചുള്ള അഭിപ്രായം ആരാഞ്ഞ് കേന്ദ്ര നിയമ കമീഷന് രംഗത്തെത്തിയിരിക്കുകയാണ്.
പ്രായപരിധി 18- ല് നിന്ന് 16 ആക്കി കുറയ്ക്കുന്നതാണ് പരിഗണനയിലുള്ളത്. കേന്ദ്ര വനിതാ ശിശുക്ഷേമ മന്ത്രാലയത്തോടാണ് അഭിപ്രായം തേടിയത്. മെയ് 31-ന് വനിത ശിശുക്ഷേമ മന്ത്രാലയത്തിന് അയച്ച കത്തിലാണ് ഇക്കാര്യത്തില് നിലപാട് വ്യക്തമാക്കാന് കേന്ദ്ര നിയമ കമീഷന് ആവശ്യപ്പെട്ടിരിക്കുന്നത്.
പല സംസ്ഥാനങ്ങളിലും 16 വയസ് കഴിഞ്ഞവര് പരസ്പരം പ്രണയത്തിലായി സമ്മതത്തോടെ ലൈംഗികബന്ധത്തില് ഏര്പെട്ട ഒട്ടനേകം സംഭവങ്ങള് കോടതികള്ക്ക് മുന്നില്വന്നു. ഇത്തരം കേസുകളില് പ്രായപരിധിയിലെ വ്യത്യാസത്തിനായി നിയമനിര്മ്മാണം സാധ്യമാണോ എന്ന് കര്ണാടക, മധ്യപ്രദേശ് ഹൈകോടതികള് കേന്ദ്ര നിയമ കമീഷനോട് ആരാഞ്ഞിരുന്നു. ഇതേത്തുടര്ന്നാണ് ഇപ്പോഴത്തെ നടപടി.
പ്രായപരിധി സംബന്ധിച്ച ഇപ്പോഴത്തെ നിലപാട് സമൂഹ്യ യാഥാര്ഥ്യം കൂടി പരിഗണിച്ച് പുനഃപരിശോധിക്കണമെന്ന് നിയമ കമീഷന്റെ കത്തില് ചൂണ്ടിക്കാട്ടിയിട്ടുണ്ട്. ഇന്ഡ്യയിലെ ചില ഗോത്ര വിഭാഗങ്ങളില് ഇപ്പോഴും ചെറിയ പ്രായത്തില് വിവാഹം നടക്കുന്നുണ്ട്. പരസ്പരം വിവാഹിതരായ ശേഷവും ആളുകള് പോക്സോ കേസില് അറസ്റ്റിലായി ജയിയില് കിടക്കേണ്ടി വരുന്നു എന്ന വിഷയവും ഇക്കാര്യത്തില് ചൂണ്ടിക്കാട്ടുന്നു.
നിലവില് അനുമതിയോടെയാണെങ്കില് പോലും 18 വയസിന് താഴെ പ്രായമുള്ള കുട്ടികളുമായുള്ള ലൈംഗികബന്ധം ഇന്ഡ്യയില് കുറ്റകരമാണ്. പോക്സോ വകുപ്പ് പ്രകാരം ഇത്തരം സംഭവങ്ങളില് കേസ് രെജിസ്റ്റര് ചെയ്ത് നടപടി സ്വീകരിക്കാറാണ് പതിവ്.
Keywords: News,National,National-News, Gih Court, Judiciary, Age, Consent, Law, POCSO, Law Commission, Ministry of Women and Child Development, Children, Legislative, Law panel cites reference of HC, seeks Centre’s view on revising age of consent.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
