Elope | 'കയ്യിൽ പണമില്ല, കാമുകന്റെയടുത്തേക്ക് പോകാൻ യുവതിക്ക് തുണയായത് കർണാടക സർക്കാരിന്റെ സൗജന്യ ബസ് യാത്ര പദ്ധതി'! 11 മാസം പ്രായമുള്ള കുഞ്ഞിനെ ഉപേക്ഷിച്ച് വീട് വിട്ടിറങ്ങിയ യുവതിക്കായി തിരച്ചിൽ

'യുവതിക്ക് മറ്റൊരാളുമായി അടുപ്പമുണ്ടെന്ന് മനസിലായപ്പോൾ പണവും ആഭരണങ്ങളും മൊബൈൽ ഫോണുമെല്ലാം ഭർതൃവീട്ടുകാർ പിടിച്ചുവച്ചിരുന്നു. എന്നാൽ സൗജന്യ യാത്രാ പദ്ധതി പ്രഖ്യാപിച്ചയുടൻ, യുവതി കുഞ്ഞിനെ ഉപേക്ഷിച്ച് വീട്ടിൽ നിന്ന് രക്ഷപ്പെട്ട് സൗജന്യ സർക്കാർ ബസിൽ യാത്ര ചെയ്യുകയായിരുന്നു', പൊലീസ് വൃത്തങ്ങൾ പറഞ്ഞു.

'ഹുബ്ബള്ളി സ്വദേശിനിയായ യുവതി പുത്തൂരിൽ കൂലിപ്പണി ചെയ്തിരുന്ന നാട്ടുകാരനായ യുവാവുമായി പ്രണയത്തിലായിരുന്നു. ഈ ബന്ധത്തെ വീട്ടുകാർ എതിർത്തതിനെ തുടർന്ന് മറ്റൊരു വിവാഹം കഴിച്ചു.
വിവാഹം കഴിഞ്ഞിട്ടും കാമുകനുമായി ബന്ധം തുടർന്നു. കാമുകൻ ഒരു ഫാമിൽ ജോലി ചെയ്യുകയാണ്. യുവതി വീട് വിട്ടതിനെ തുടർന്ന് ഭർത്താവിന്റെ വീട്ടുകാർ രാത്രിയിൽ പുത്തൂരിൽ വന്ന് തിരച്ചിൽ നടത്തിയെങ്കിലും ഇരുവരെയും കണ്ടെത്താനായില്ല.

ആധാർ കാർഡ് ബന്ധിപ്പിക്കാനെന്ന വ്യാജേനയാണ് യുവതി വീട്ടിൽ നിന്നിറങ്ങിയതെന്ന് ബന്ധുക്കൾ പറയുന്നു. എന്നാൽ, ഹുബ്ബള്ളിയിൽ നിന്ന് പുത്തൂരിലേക്ക് യാത്ര ചെയ്യാൻ കണ്ടക്ടറെ കാണിക്കാനാണ് ആധാർ കാർഡ് കൊണ്ടുവന്നതെന്നാണ് വിവരം. കാമുകന്റെ ബന്ധുക്കളും യുവാവിനായി തിരച്ചിൽ നടത്തിവരികയാണ്. പുത്തൂരിൽ നിന്ന് ഇരുവരും സിദ്ധക്കാട്ടേക്ക് രക്ഷപ്പെട്ടതായി ടവർ ലൊക്കേഷൻ കാണിക്കുന്നു', പൊലീസ് പറഞ്ഞു. കൂടുതൽ അന്വേഷണം നടന്നുവരികയാണ്.

Keywords: News, National, Bizarre, Free Bus Travel, Karnataka Bus, Viral stories, Karnataka,   Karnataka: Woman Makes Use Of Newly-Launched Free Bus Travel To Elope With Lover.
< !- START disable copy paste -->