Gift | കോയമ്പതൂരിലെ ആദ്യ വനിതാ ബസ് ഡ്രൈവര്‍ക്ക് കാര്‍ സമ്മാനമായി നല്‍കി കമല്‍ഹാസന്‍
Jun 27, 2023, 14:26 IST
ADVERTISEMENT
ചെന്നൈ: (www.kvartha.com) ജോലിനഷ്ടമായ മലയാളി ബസ് ഡ്രൈവര്‍ക്ക് ടാക്സി കാര്‍ സമ്മാനിച്ച് അഭിമാന താരമായി ഉലകായകന്‍ കമല്‍ ഹാസന്‍. കനിമൊഴി എംപിയുടെ യാത്രയുമായി ബന്ധപ്പെട്ട തര്‍ക്കത്തെ തുടര്‍ന്ന് ജോലിനഷ്ടമായ മലയാളി ബസ് ഡ്രൈവര്‍ ഷര്‍മിളയ്ക്കാണ് തെന്നിന്‍ഡ്യന്‍ താരം കാര്‍ സമ്മാനിച്ചത്.
കഴിഞ്ഞയാഴ്ചയാണ് ഷര്‍മിള ഓടിച്ചിരുന്ന ബസില്‍ ഡിഎംകെ നേതാവ് കനിമൊഴി യാത്ര ചെയ്തത്. എംപി അഭിനന്ദിക്കുന്നതിനിടെ ഷര്‍മിളയും വനിതാ കന്‍ഡക്ടറും തമ്മില്‍ തര്‍ക്കമുണ്ടായി. എംപി ബസില്‍നിന്ന് ഇറങ്ങിയതിന് പിന്നാലെ ഷര്‍മിളയും ബസ് പാതിവഴിയില്‍ നിര്‍ത്തി ഇറങ്ങി. വനിതാ കന്‍ഡക്ടര്‍ മോശമായി പെരുമാറി എന്നാണ് ഷര്‍മിളയുടെ പരാതി.
എന്നാല്‍ ഇപ്പോള്‍ ഷര്‍മിളയെ ചെന്നൈയിലേക്ക് വിളിച്ച് വരുത്തി കാര്‍ ബുക് ചെയ്യുന്നതിനായി മൂന്നുലക്ഷം രൂപയുടെ ചെക് കമല്‍ ഹാസന്‍ കൈമാറി. 'ഡ്രൈവര്‍ മാത്രമായി ഒതുങ്ങേണ്ട, ഒട്ടേറെ ഷര്‍മിളമാരെ വാര്‍ത്തെടുക്കാന്‍ കഴിയണം' എന്ന ആശംസയോടെയാണ് കമല്‍ ഹാസന്‍ കാര്‍ സമ്മാനിച്ചത്.
അതേസമയം ഷര്‍മിളയെ പിരിച്ചുവിട്ടത് വിവാദമായി. എന്നാല്‍ പിരിച്ചുവിട്ടതല്ല, ഷര്‍മിള കന്‍ഡക്ടറുമായി അടിയുണ്ടാക്കി പോയതാണെന്നാണ് ബസ് ഉടമ പറയുന്നത്.
കോയമ്പതൂരിലെ ആദ്യ വനിതാ ബസ് ഡ്രൈവറാണ് 24 കാരിയായ ഷര്‍മിള. പാലക്കാട് സ്വദേശി മഹേഷിന്റെയും ഷൊര്‍ണൂര്‍ സ്വദേശിനി ഹിമയുടെയും മകളാണ് ഷര്‍മിള.
Keywords: News, National, National-News, Kamal Haasan, Gift, Car, Coimbatore, Woman, Bus Driver, Chennai-News, Kamal Haasan gifts car to Coimbatore’s first woman bus driver.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
