ന്യൂഡൽഹി: (KVARTHA) ജൂലൈ മാസത്തിൽ, രാജ്യത്തെ മുൻനിര ടെലികോം കമ്പനികളായ ജിയോ, എയർടെൽ, വി എന്നിവ തങ്ങളുടെ മൊബൈൽ പ്ലാനുകളുടെ നിരക്ക് 15 ശതമാനം വരെ ഉയർത്തിരുന്നു. പ്രീപെയ്ഡ്, പോസ്റ്റ് പെയ്‌ഡ്‌ എന്ന് വ്യത്യാസമില്ലാതെ എല്ലാ ഉപഭോക്താക്കളെയും ഇത് ബാധിച്ചു. 

ഇതോടെ, കൂടുതൽ ലാഭകരമായ പ്ലാനുകൾ വാഗ്ദാനം ചെയ്യുന്ന ബിഎസ്എൻഎല്ലിലേക്ക് നിരവധി ഉപഭോക്താക്കൾ മാറി. ഈ സാഹചര്യത്തിൽ, ഉപഭോക്താക്കളെ നിലനിർത്താനും വിപണിയിൽ തങ്ങളുടെ സ്ഥാനം ഉറപ്പിക്കാനും ജിയോ നിരവധി പുതിയതും വിലകുറഞ്ഞതുമായ റീചാർജ് പ്ലാനുകൾ അവതരിപ്പിച്ചിരിക്കുകയാണ്.

ജിയോ വീണ്ടും അതിശയിപ്പിക്കുന്നു

അൺലിമിറ്റഡ് കോളുകൾ, 2 ജിബി ഡാറ്റ എന്നിവയ്‌ക്കൊപ്പം ജിയോ സിനിമ, ജിയോ ടിവി, ജിയോ ക്ലൗഡ് എന്നിവയിലേക്കുള്ള സൗജന്യ ആക്‌സസ് നൽകുന്ന പുതിയ പ്ലാനുകളുമായാണ് ജിയോ വന്നിരിക്കുന്നത്. റിലയൻസ് ജിയോ രണ്ട് മികച്ച പ്ലാനുകൾ നൽകുന്നുണ്ട്. ഒന്ന് 999 രൂപയ്ക്കും മറ്റൊന്ന് 899 രൂപയ്ക്കും. രണ്ടും ഏകദേശം 90 ദിവസത്തെ സേവനം നൽകുന്നുണ്ട്. എന്നാൽ ഏതാണ് കൂടുതൽ ലാഭകരം? 

999 രൂപ പ്ലാൻ

ഈ പ്ലാനിൽ 98 ദിവസത്തെ മൊത്തം വാലിഡിറ്റിയുണ്ട്. ദിവസേന 2 ജിബി ഡാറ്റ എന്ന കണക്കിൽ, പ്ലാൻ കാലാവധിയിൽ ആകെ 196 ജിബി ഡാറ്റ ലഭ്യമാകും. അൺലിമിറ്റഡ് വോയ്‌സ് കോളുകൾക്കും പ്രതിദിനം 100 എസ്എംഎസുകൾക്കും പുറമേ, ജിയോയുടെ 5ജി നെറ്റ്‌വർക്ക് ലഭ്യമായ എല്ലാ പ്രദേശങ്ങളിലും അൺലിമിറ്റഡ് 5ജി ഡാറ്റയും ഈ പ്ലാനിൽ ഉൾപ്പെടുന്നു.

899 രൂപ പ്ലാൻ

ഈ പ്ലാൻ 90 ദിവസത്തേക്കാണ്. ഇതിൽ ദിവസേന 2 ജിബി ഡാറ്റ, അൺലിമിറ്റഡ് കോളിംഗ്, ദിവസം 100 സൗജന്യ എസ്എംഎസ് എന്നിവ ഉൾപ്പെടുന്നു. അധികമായി, 20 ജിബി ബോണസ് ഡാറ്റയും ലഭിക്കും. കൂടാതെ, കവറേജ് ഉള്ള എല്ലാ സ്ഥലങ്ങളിലും നിങ്ങൾക്ക് 5ജി സേവനം ഉപയോഗിക്കാം.

ഏതാണ് നല്ലത്?

999 രൂപയുടെ പ്ലാൻ 98 ദിവസത്തെ വാലിഡിറ്റിയും 196 ജിബി ഡാറ്റയും നൽകുമ്പോൾ, 899 രൂപയുടെ പ്ലാൻ 90 ദിവസത്തെ വാലിഡിറ്റിയോടൊപ്പം 200 ജിബി (20 ജിബി ബോണസ് ഉൾപ്പെടെ) ഡാറ്റ വാഗ്ദാനം ചെയ്യുന്നു. അതായത്, 100 രൂപ കൂടുതൽ ചെലവഴിച്ച് 999 രൂപയുടെ പ്ലാൻ എടുക്കുന്നവർക്ക് എട്ട് ദിവസം കൂടുതൽ സേവനം ലഭിക്കുമെങ്കിലും നാല് ജിബി ഡാറ്റ കുറവായിരിക്കും. 

എന്നാൽ, 899 രൂപയുടെ പ്ലാനിലെ 20 ജിബി ബോണസ് ഡാറ്റയുടെ ആനുകൂല്യം ലഭിക്കാൻ 98 രൂപ കൂടുതൽ ചെലവഴിക്കേണ്ടി വരും. 899 രൂപ പ്ലാൻ കൂടുതൽ ഡാറ്റയും കൂടുതൽ ദിവസത്തെ സേവനവും നൽകുന്നുവെന്നാണ് വിലയിരുത്തൽ. ജിയോ സിനിമ, ജിയോ ക്ലൗഡ്, ജിയോ ടിവി തുടങ്ങിയ ജിയോ ആപ്പുകളിലേക്കും ഉപഭോക്താക്കൾക്ക് ആക്‌സസ് ലഭിക്കും.

#Jio #RechargePlans #Comparison #DataBenefits #Telecom #Mobile #Review