ജ്യോ­തിര്‍­മ­യി ഡേ കൊ­ല­ക്കേ­സ്: വ­നി­താ പ­ത്ര­പ്ര­വര്‍­ത്ത­കയ്­ക്ക് ജാമ്യം

Jyotirmoy Dey

മുംബൈ:  മ­ഹാ­ന­ഗ­ര­ത്തി­ലെ പ്ര­ശസ്­ത ക്രൈം റി­പ്പോര്‍­ട്ടര്‍ ജെ ഡേ­ എ­ന്ന ജ്യോ­തിര്‍മ­യി ഡേയെ വ­ധിച്ച കൊ­ല­ക്കേ­സില്‍ റി­മാന്റി­ലാ­യി­രു­ന്ന പ്ര­തിയും വ­നി­താ പ­ത്ര­പ്ര­വര്‍­ത്ത­ക­യുമാ­യ ജി­ഗ്‌­നാ­ വോ­റ­യ്­ക്ക് മുംബൈ കോട­തി ജാ­മ്യം­നല്‍­കി. 2011 ജൂണ്‍ 11നാ­ണ് മി­ഡ് ഡേ­യു­ടെ കു­റ്റാ­ന്വേ­ഷ­ണ വി­ഭാ­ഗ എ­ഡി­റ്റര്‍ ജെ ഡേ­യെ പ­ട്ടാ­പ്പ­കല്‍ ബൈ­ക്കി­ലെ­ത്തിയ അ­ധോ­ലോ­ക­ത്തി­ലെ ഷാര്‍­പ്പ് ഷൂ­ട്ടര്‍­മാര്‍ വെ­ടി­വെച്ചു­കൊ­ല­പ്പെ­ടു­ത്തി­യ­ത്.

2011 നവംബര്‍ 25നാ­ണ് ജി­ഗ്ന വോറ­യെ അ­റ­സ്റ്റു­ചെ­യ്­ത­ത്. ഒ­രു­ല­ക്ഷം രൂ­പ­യുടെ ബോ­ണ്ടിലും നി­രവ­ധി വ്യവസ്ഥകളോടെയാണ്‌ ഇ­വര്‍­ക്ക് ജാ­മ്യം­നല്‍­കി­യത്. പാസ്‌­പോര്‍­ട്ട് കോ­ട­തി­യില്‍ ഹാ­ജ­രാ­ക്കാനും ര­ണ്ടാ­ഴ്­ചയി­ലൊ­രി­ക്കല്‍ മുംബൈ ക്രൈം­ബ്രാ­ഞ്ചി­നു മു­ന്നില്‍ ഹാ­ജ­രാ­ക­ണ­മെന്നും ജാമ്യവ്യവസ്ഥയിലുണ്ട്. അ­റ­സ്­റ്റി­ലാ­കു­മ്പോള്‍ ജി­ഗ്ന­ വോ­റ മുംബൈ ഡെ­യ്‌ലി­യു­ടെ ഡെ­പ്യൂ­ട്ടി ബ്യൂറോ ചീ­ഫാ­യി പ്ര­വര്‍­ത്തി­ച്ചു­വ­രി­ക­യാ­യി­രു­ന്നു.

Jigna Vora

2012 ഡി­സം­ബ­റില്‍ 12 പേ­രെ പ്ര­തി­ചേര്‍­ത്ത് പോ­ലീ­സ് നല്‍കി­യ കു­റ്റ­പ­ത്ര­ത്തില്‍ ജിഗ്നയു­ടെ പേ­രു­ണ്ടാ­യി­രു­ന്നില്ല. എ­ന്നാല്‍ ഫെ­ബ്രു­വ­രി­യില്‍ ഇവ­രെ പ്ര­തി­യാ­ക്കി കു­റ്റ­പത്രം കോ­ട­തി­യില്‍ സ­മര്‍­പ്പി­ക്കു­ക­യാ­യി­രുന്നു. കൊ­ല­പാതക­ത്തി­നും­ ഗൂഢാ­ലോ­ച­ന­യ്ക്കും തെ­ളി­വു­ന­ശി­പ്പി­ച്ച­തി­നു­മാണ് ജിഗ്ന വോ­റ­ക്കെ­തി­രെ കു­റ്റം­ചു­മ­ത്തി­യി­ട്ടു­ള്ളത്. അ­ധോ­ലോ­ക രാ­ജാ­വ് ഛോ­ട്ടാരാ­ജന്‍ നി­യോ­ഗി­ച്ച­വ­രാ­ണ് ജെ ഡേ­യെ കൊ­ല­പ്പെ­ടു­ത്തി­യ­തെ­ന്ന് പോ­ലീ­സ് ഉ­റ­പ്പി­ച്ചി­ട്ടുണ്ട്. ഛോ­ട്ടാ­രാ­ജനും കേ­സില്‍ പ്ര­തി­യാണ്. ജിഗ്ന വോറ­യെ ഉ­പ­യോ­ഗി­ച്ചാ­ണ് ഛോ­ട്ടാ­രാ­ജന്‍ വ­ധി­ക്ക­പ്പെ­ട്ട ജെ ഡേ­യു­ടെ നീ­ക്ക­ങ്ങള്‍ മ­ന­സ്സി­ലാ­ക്കി­യ­ത്.

Chota Rajan

ഛോ­ട്ടാ­രാ­ജന്റെ അ­ധോ­ലോ­ക നീ­ക്ക­ങ്ങള്‍ തു­റ­ന്നു­കാ­ട്ടി­യ­തി­നാ­ണ് ജ്യോ­തിര്‍­മ­യി ഡേ വ­ധി­ക്ക­പ്പെ­ട്ട­ത്. ഘാ­ത­ക സം­ഘ­ത്തി­ന് അ­ഞ്ച് ല­ക്ഷം രൂ­പ­യാ­ണ് പ്ര­തി­ഫ­ല­മാ­യി നല്‍­കി­യത്. മുംബൈ അ­ധോ­ലോ­ക­ത്തി­ലെ ഷാര്‍പ്പ് ഷൂ­ട്ട­റാ­യ സ­തീ­ഷ് കാ­ലി­യ­യെ­യാ­ണ് ഛോ­ട്ടാ­രാ­ജന്‍ ദൗത്യം ഏല്‍­പ്പി­ച്ചത്. കൊ­ല­പാ­ത­ക­ത്തി­നുള്ള A .32 അ­മേ­രി­ക്കന്‍ നിര്‍മ്മി­ത റി­വോള്‍­വര്‍ കാ­ലി­യ­യ്­ക്കു കൈ­മാ­റി­യതും ഛോ­ട്ടാ­രാ­ജന്‍ ത­ന്നെ­യാ­യി­രു­ന്നു.

അ­ഡ്വാന്‍­സാ­യി ര­ണ്ട് ല­ക്ഷവും കൊ­ല­യ്­ക്കു ശേ­ഷം ബാ­ക്കി­തു­കയും നല്‍കി. ജെ ഡേ­യെ വെ­ടി­വെ­ച്ചു­വീ­ഴ്­ത്താന്‍ മൂ­ന്നോ­ളം ദിവ­സം തീ­വ്ര­ശ്ര­മ­മാ­ണ് ഘാ­ത­ക സം­ഘം ന­ട­ത്തി­യത്. സ­തീ­ഷ് കാലി­യ ത­ന്നെ­യാ­ണ് പ­ത്ര­പ്ര­വര്‍­ത്തക­ന്റെ നെ­ഞ്ചി­ലേ­ക്ക് അ­ഞ്ച് റൗ­ണ്ട് നി­റ­യു­തിര്‍­ത്തത്. ഹൃ­ദ­യ­ത്തി­ല്‍ ത­റ­ച്ച വെ­ടി­യു­ണ്ട­യാ­ണ് മ­ര­ണ­ത്തി­നു­കാ­ര­ണ­മാ­യ­ത്. കൊ­ല­യ്­ക്കു­ശേ­ഷം പ്ര­തി­കള്‍ കേ­ര­ള­ത്തി­ലെയും മ­ഹാ­രാ­ഷ്ട്ര­യി­ലേയും ത­മി­ഴ്‌­നാ­ട്ടി­ലേയും ക്ഷേ­ത്ര ന­ഗ­രി­ക­ളി­ലാ­ണ് ഒ­ളി­വില്‍ കഴിഞ്ഞത്.
Keywords:  Mumbai, Reporter, Journalist, National, Murder case, Bail, Jyotirmoy Dey, Jigna Vora