IndiGo Flight | രണ്ടാഴ്ചയ്ക്കിടെ രണ്ടാമത്തെ സംഭവം; സാങ്കേതിക തകരാറിനെ തുടര്‍ന്ന് ഇന്‍ഡിഗോ വിമാനം കറാച്ചിയില്‍ ലാന്‍ഡ് ചെയ്തു
Jul 17, 2022, 11:31 IST
ന്യൂഡെല്‍ഹി: (www.kvartha.com) സാങ്കേതിക തകരാറിനെ തുടര്‍ന്ന് പാകിസ്താനിലെ കറാച്ചി വഴി തിരിച്ചുവിട്ടു. ശാര്‍ജയില്‍നിന്ന് ഹൈദരാബാദിലേക്ക് പറക്കുകയായിരുന്ന ഇന്‍ഡിഗോ വിമാനമാണ് അടിയന്തരമായി ലാന്‍ഡ് ചെയ്തത്. യാത്രക്കാരെല്ലാം സുരക്ഷിതരാണെന്ന് അധികൃതര്‍ അറിയിച്ചു.
പൈലറ്റ് സാങ്കേതിക തകരാര്‍ കണ്ടെത്തിയതിനെ തുടര്‍ന്ന് മുന്‍കരുതല്‍ എന്ന നിലയില്‍ ഇന്‍ഡിഗോയുടെ 6ഇ-1406 എന്ന വിമാനമാണ് തിരിച്ചുവിട്ടത്. ഹൈദരാബാദിലേക്കുള്ള യാത്രയ്ക്കായി കറാച്ചിയിലേക്ക് അധിക വിമാനം അയച്ചതായും ഇന്‍ഡിഗോ പ്രസ്താവനയില്‍ അറിയിച്ചു. രണ്ടാഴ്ചയ്ക്കിടെ സാങ്കേതിക തകരാര്‍മൂലം പാകിസ്താനില്‍ ഇറക്കുന്ന രണ്ടാമത്തെ വിമാനമാണിത്.
ഈ മാസം ആദ്യം ഡെല്‍ഹിയില്‍നിന്ന് ദുബൈയിലേക്കുള്ള സ്പൈസ് ജെറ്റ് വിമാനം സാങ്കേതിക തകരാറിനെ തുടര്‍ന്ന് കറാച്ചിയില്‍ ഇറക്കിയിരുന്നു. വിമാനത്തിലുണ്ടായിരുന്ന 138 യാത്രക്കാര്‍ പിന്നീട് ഇന്‍ഡ്യയില്‍നിന്ന് അയച്ച വിമാനത്തില്‍ ദുബൈയിലേക്ക് പോയി.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
