Railway | ട്രെയിനിൽ ഉച്ചത്തിലുള്ള സംസാരവും സംഗീതവും വേണ്ട! സ്ലീപ്പർ, എസി കോച്ചുകളിൽ രാത്രി 10 മണിക്ക് ശേഷം പാലിക്കേണ്ട പുതിയ നിയമങ്ങൾ പുറപ്പെടുവിച്ച് റെയിൽവേ; അറിയാം കൂടുതൽ

ന്യൂഡെൽഹി: (www.kvartha.com) രാത്രി സമയങ്ങളിൽ ട്രെയിനുകളിൽ യാത്ര ചെയ്യുന്ന യാത്രക്കാർക്കായി ഇന്ത്യൻ റെയിൽവേ പുതിയ നിയമങ്ങൾ പുറപ്പെടുവിച്ചു. യാത്രക്കാരുടെ സൗകര്യം കണക്കിലെടുത്താണ് തീരുമാനം. ടിടിഇ, കാറ്ററിംഗ് സ്റ്റാഫ്, മറ്റ് റെയിൽവേ ഉദ്യോഗസ്ഥർ എന്നിവരോട് ട്രെയിനുകളിൽ പൊതു മര്യാദകൾ പാലിക്കാനും ആവശ്യപ്പെട്ടിട്ടുണ്ട്. ട്രെയിൻ കമ്പാർട്ടുമെന്റുകളിൽ പുകവലി, മദ്യപാനം തുടങ്ങിയ പ്രവർത്തനങ്ങളിൽ യാത്രക്കാർക്ക് വിലക്കുണ്ട്.

പുതിയ നിയമങ്ങൾ

* സീറ്റിലോ കമ്പാർട്ടുമെന്റിലോ കോച്ചിലോ ഒരു യാത്രക്കാരനും ഉച്ചത്തിൽ മൊബൈൽ ഫോണിൽ സംസാരിക്കാൻ പാടില്ല
* ഇയർഫോണില്ലാതെ ഉച്ചത്തിലുള്ള സംഗീതം കേൾക്കാൻ പാടില്ല
* രാത്രി 10 മണിക്ക് ശേഷം ലൈറ്റ് തെളിയിക്കരുത്
* രാത്രി 10 മണിക്ക് ശേഷം ടിടിഇക്ക് യാത്രക്കാരുടെ ടിക്കറ്റ് പരിശോധിക്കാൻ കഴിയില്ല. നിങ്ങളുടെ യാത്ര രാത്രി 10 മണിക്ക് ശേഷം ആരംഭിക്കുകയാണെങ്കിൽ, ഈ നിയമം ബാധകമല്ല.
* രാത്രി വിളക്കുകൾ ഒഴികെ എല്ലാ ലൈറ്റുകളും ഓഫ് ചെയ്യണം

* കൂട്ടമായി യാത്ര ചെയ്യുന്ന യാത്രക്കാർ രാത്രി 10 മണിക്ക് ശേഷം പരസ്‌പരം ഉച്ചത്തിൽ സംസാരിക്കാൻ പാടില്ല
* മധ്യ ബെർത്തിലെ സഹയാത്രികന് സീറ്റ് തുറന്ന് കിടക്കാൻ ലോവർ ബെർത്തുകാരൻ അനുവദിക്കേണ്ടതാണ്.
* ട്രെയിൻ സർവീസുകളിൽ ഓൺലൈനായി രാത്രി 10 മണിക്ക് ശേഷം ഭക്ഷണം നൽകാനാകില്ല. എന്നിരുന്നാലും, ഇ-കാറ്ററിംഗ് സേവനങ്ങൾ ഉപയോഗിച്ച് രാത്രിയിലും ട്രെയിനിൽ നിങ്ങളുടെ ഭക്ഷണമോ പ്രഭാതഭക്ഷണമോ മുൻകൂട്ടി ഓർഡർ ചെയ്യാം.