Railway | ട്രെയിൻ യാത്രക്കാർക്ക് സന്തോഷവാർത്ത: എസി ടിക്കറ്റ് നിരക്ക് 25% കുറയ്ക്കുമെന്ന് റെയിൽവേ ഉത്തരവ്; വന്ദേ ഭാരതിലും ബാധകം; ഇളവ് ലഭിക്കുക ഇങ്ങനെ; വിശദമായറിയാം

ഏതൊക്കെ ട്രെയിനുകളിൽ ഇളവ് ലഭിക്കും?

യാത്രക്കാരുടെ എണ്ണം കുറവുള്ള ട്രെയിനുകൾക്ക് ഈ ഇളവ് ബാധകമായിരിക്കും. കഴിഞ്ഞ 30 ദിവസത്തിനിടെ 50 ശതമാനത്തിലും താഴെ യാത്രക്കാരുള്ള ട്രെയിനുകളിലാണ് ഇളവുള്ളത്. യാത്രക്കാരുടെ എണ്ണം 50 ശതമാനത്തിനു താഴെയായാൽ യാത്രയുടെ ഏത് ഘട്ടത്തിലും ഇളവ് അനുവദിക്കാമെന്നാണ് നിർദേശം. ഈ പദ്ധതിയിലൂടെ ഈ ട്രെയിനുകളിലെ യാത്രക്കാരുടെ എണ്ണം വർധിക്കുമെന്നാണ് പ്രതീക്ഷിക്കുന്നത്.

നിയമങ്ങൾ

അതേസമയം ഡിസ്കൗണ്ടിൽ ബുക്ക് ചെയ്ത ടിക്കറ്റിന് റീഫണ്ട് നൽകില്ല. കൂടാതെ അവധി ദിവസങ്ങളിലോ ഉത്സവ ദിവസങ്ങളിലോ സർവീസ് നടത്തുന്ന സ്‌പെഷ്യൽ ട്രെയിനുകൾക്ക് ഈ കിഴിവ് പദ്ധതി ബാധകമല്ല. യാത്രക്കാരുടെ എണ്ണത്തിനനുസരിച്ച് 25 ശതമാനം വരെ നിരക്കിൽ കുറവുണ്ടാകും. അടിസ്ഥാന ടിക്കറ്റ് നിരക്കിലാണ് മാറ്റം വരുത്തുക. റിസർവേഷൻ ചാർജ്, സൂപ്പർ ഫാസ്റ്റ് സർച്ചാർജ്, ജിഎസ്ടി തുടങ്ങിയവ വേറെ ഈടാക്കും. കിഴിവ് ഉടനടി പ്രാബല്യത്തിൽ വരും.