ന്യൂഡൽഹി: (KVARTHA) കാലാവസ്ഥാ പ്രവചനം കൂടുതൽ കൃത്യമാക്കാൻ ഒരുങ്ങി ഇന്ത്യ. ഇതിനായി ഹൈ പെർഫോമൻസ് കമ്പ്യൂട്ടിങ് (എച്ച്പിസി-HPC) അവതരിപ്പിച്ച് ഇന്ത്യൻ ഇൻസ്റ്റിറ്റ്യൂട്ട് ഓഫ് ട്രോപ്പിക്കൽ മെറ്റീരിയോളജി (ഐഐടിഎം-IITM). അർക്ക, അരുണിക (ARKA, ARUNIKA) എന്നാണ് ഈ സൂപ്പർ കമ്പ്യൂട്ടറുകൾക്ക് പേര് നൽകിയിരിക്കുന്നത്. ഭൗമശാസ്ത്ര മന്ത്രാലയത്തിന് കീഴിലുള്ള ഇന്ത്യൻ ഇൻസ്റ്റിറ്റ്യൂട്ട് ഓഫ് ട്രോപ്പിക്കൽ മെറ്റീരിയോളജി (ഐഐടിഎം) ആണ് ഈ സംവിധാനങ്ങൾ വികസിപ്പിച്ചെടുത്തിരിക്കുന്നത്. സെപ്റ്റംബർ 26ന് പ്രധാനമന്ത്രി നരേന്ദ്ര മോദി ഇവ ഉദ്ഘാടനം ചെയ്തതു.

ചുഴലിക്കാറ്റുകൾ, കനത്ത മഴ, ഇടിമിന്നൽ, ഉഷ്‌ണതരംഗം, വരൾച്ച, മറ്റ് തീവ്ര കാലാവസ്ഥാ പ്രതിഭാസങ്ങൾ എന്നിവയെ നേരത്തെകൂട്ടി പ്രവചിക്കാന്‍ ഈ സൂപ്പർ കമ്പ്യൂട്ടറുകൾ സഹായിക്കും. ഈ നൂതന എച്ച്പിസി പ്രയോജനപ്പെടുത്തിക്കൊണ്ട് കാലാവസ്ഥ പ്രവചനം നടത്താനും കാലാവസ്ഥ വ്യതിയാനത്തെ കാലേക്കൂട്ടി തന്നെ നേരിടാനും അതുയർത്തുന്ന വെല്ലുവിളികൾ ചെറുത്തു തോൽപ്പിക്കാനും കഴിയും എന്ന് ഐഐടിഎമ്മിലെ പ്രോജക്‌ട് ഡയറക്‌ടർ (എച്ച്പിസി, ഐഐടിഎം) സൂര്യചന്ദ്ര റാവു പറഞ്ഞു. ഇത് കാലാവസ്ഥാ പ്രവചനത്തിൽ ഒരു പുതിയ അധ്യായം തുറക്കുമെന്നും അദ്ദേഹം കൂട്ടിച്ചേർത്തു.

ഈ പദ്ധതിയിലൂടെ, കാലാവസ്ഥാ പ്രവചനം കൂടുതൽ കൃത്യവും വിശ്വസനീയവുമായിരിക്കും. ഒരു ചതുരശ്ര കിലോമീറ്റർ വരെയുള്ള ചെറിയ പ്രദേശത്തെ കാലാവസ്ഥ പോലും നമുക്ക് മുൻകൂട്ടി അറിയാൻ കഴിയും. 
 പൂനെ ഇന്ത്യൻ ഇൻസ്റ്റിറ്റ്യൂട്ട് ഓഫ് ട്രോപ്പിക്കൽ മെറ്റീരിയോളജി (ഐഐടിഎം), നോയിഡയിലെ നാഷണൽ സെൻ്റർ ഫോർ മീഡിയം റേഞ്ച് വെതർ ഫോർകാസ്റ്റിങ്‌ (എൻസിഎംസിആർഡബ്യുഎഫ്-NCMCRWF ) എന്നിവിടങ്ങളിലാണ് ഇവ സ്ഥാപിക്കുക. ഈ സംരംഭം കാലാവസ്ഥാ ഗവേഷണത്തിന് ഒരു വലിയ നാഴികക്കല്ലായിരിക്കും.

With Param Rudra Supercomputers and HPC system, India takes significant step towards self-reliance in computing and driving innovation in science and tech. https://t.co/ZUlM5EA3yw

— Narendra Modi (@narendramodi) September 26, 2024

ഐഐടിഎമ്മിൽ സ്ഥാപിക്കുന്ന എച്ച്പിസിക്ക് 11.77 പെറ്റ ഫ്ലോപ്‌സും 33 പെറ്റാബൈറ്റ് സ്റ്റോറേജുമാണുളളത്. അതുപോലെ, എൻസിഎംസിആർഡബ്യുഎഫിൽ സ്ഥാപിക്കുന്ന സംവിധാനത്തിന് 8.24 പെറ്റ ഫ്ലോപ്‌സ് കണക്കുകൂട്ടൽ ശേഷിയും ഉണ്ടാകും. ഇതോടൊപ്പം, 1.9 പെറ്റ ഫ്ലോപ്‌സ് ശേഷിയുള്ള ആർട്ടിഫിഷ്യൽ ഇന്റലിജൻസ്, മെഷീൻ ലേണിംഗ് ആപ്ലിക്കേഷനുകളും ഉൾപ്പെടുത്തിയിട്ടുണ്ട്.

പൂനെയിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് ട്രോപ്പിക്കൽ മെറ്റീരിയോളജി (ഐഐടിഎം) നോയിഡയിലെ നാഷണൽ സെൻ്റർ ഫോർ മീഡിയം റേഞ്ച് വെതർ ഫോർകാസ്റ്റിങ്‌ (എൻസിഎംസിആർഡബ്യുഎഫ്) എന്നീ പ്രമുഖ സ്ഥാപനങ്ങളിലാണ് ഈ സംവിധാനങ്ങൾ സ്ഥാപിച്ചിരിക്കുന്നത്. ഈ പദ്ധതിക്ക് 850 കോടി രൂപയുടെ നിക്ഷേപമാണ് നടത്തിയിരിക്കുന്നത്.

#supercomputer #weatherforecasting #India #technology #climatechange #innovation