മുംബൈയിൽ ലിഫ്റ്റിനുള്ളിൽ ഹൈഡ്രജൻ ബലൂണുകൾ പൊട്ടിത്തെറിച്ചു; വൻ ദുരന്തം ഒഴിവായി, ഞെട്ടിക്കുന്ന ദൃശ്യങ്ങൾ പുറത്ത്

മുംബൈ: (KVARTHA) ഗോരേഗാവിലെ റെസിഡൻഷ്യൽ ബിൽഡിംഗിലെ ലിഫ്റ്റിനുള്ളിൽ ഹൈഡ്രജൻ ബലൂണുകൾ പൊട്ടിത്തെറിച്ച് അപകടം. ഗോരേഗാവ് വെസ്റ്റിൽ പെട്രോൾ പമ്പിന് എതിർ വശത്തുള്ള അൻമോൾ ടവറിലാണ് സംഭവം നടന്നത്. അപകടത്തിന്റെ ഞെട്ടിക്കുന്ന സിസിടിവി ദൃശ്യങ്ങൾ പുറത്തുവന്നിട്ടുണ്ട്.

വൻ ദുരന്തം ഒഴിവായി

ലിഫ്റ്റിൽ ഉണ്ടായിരുന്നവർ ഹൈഡ്രജൻ ബലൂണുകളുമായി നിൽക്കുമ്പോഴാണ് പെട്ടെന്ന് തീപിടിച്ച് പൊട്ടിത്തെറിച്ചത്. ഭാഗ്യവശാൽ ലിഫ്റ്റിന്റെ വാതിൽ തുറന്നുതന്നെ ഇരിക്കുകയായിരുന്നു. അതിനാൽ തീപിടിച്ച ഉടൻ തന്നെ ഉള്ളിലുണ്ടായിരുന്നവർക്ക് പുറത്തേക്ക് ചാടി രക്ഷപ്പെടാൻ സാധിച്ചു. അപകടത്തിൽ രണ്ട് പേർക്ക് നിസാര പരിക്കേറ്റു. ഒരാൾ പരിക്കൊന്നുമില്ലാതെ അത്ഭുതകരമായി രക്ഷപ്പെട്ടു. ലിഫ്റ്റിന്റെ വാതിൽ അടഞ്ഞിരുന്നുവെങ്കിൽ വലിയ ദുരന്തം സംഭവിക്കുമായിരുന്നു.

View this post on Instagram

A post shared by Aaj Ka Bharat 🇮🇳|Youth . News . Media (@aajkabharat_official)

അപകടകാരണം ഹൈഡ്രജൻ

അലങ്കാര പണികൾക്കായി ഉപയോഗിക്കുന്ന വർണ്ണ ബലൂണുകളാണിവ. റോഡ്‌സൈഡുകളിൽ ഇവയുടെ വിൽപന സാധാരണമാണ്. വായുവിൽ പൊങ്ങിനിൽക്കാൻ ഇവയിൽ നിറയ്ക്കുന്നത് ഹൈഡ്രജൻ വാതകമാണ്. ഇത് അതിവേഗം തീപിടിക്കുന്ന ഒന്നാണ്. 

ചെറിയ സ്പാർക്കോ, സ്റ്റാറ്റിക്ക് ഡിസ്ചാർജോ (പെട്ടെന്ന് ഷോക്ക് അടിക്കുന്ന പോലെയോ സ്പാർക്കോ ഉണ്ടാകുന്നത്) സംഭവിക്കുമ്പോൾ ഹൈഡ്രജൻ ബലൂണുകൾ പൊട്ടിത്തെറിക്കും. ലിഫ്റ്റിനുള്ളിലെ ചെറിയ സ്പാർക്ക് ആവാം അപകടത്തിന് കാരണമായത്.

വിദഗ്ധരുടെ മുന്നറിയിപ്പ്

ഗ്യാസ് ബലൂണുകൾ അടഞ്ഞു കിടക്കുന്ന ലിഫ്റ്റുകളിൽ കൊണ്ടുപോകുന്നതുമായി ബന്ധപ്പെട്ട് ഗൗരവമായ ആശങ്കയാണ് ഉയർന്നിരിക്കുന്നത്. ഫയർ സേഫ്റ്റി വിദഗ്ധർ ഹൈഡ്രജന്‍ ഗ്യാസ് നിറച്ച പാർട്ടി ബലൂണുകൾ മഹാരാഷ്ട്രയിൽ ഉടനീളമുള്ള ഹൈ റൈസ് ബിൽഡിങ്ങുകളിലെ ലിഫ്റ്റുകളിൽ കൊണ്ടുപോകുന്നതിനെതിരെ നിരന്തരം മുന്നറിയിപ്പുകൾ നൽകുന്നുണ്ട്. ഹീലിയം ബലൂണുകൾ സുരക്ഷിതമാണെങ്കിലും വിലക്കുറവ് കാരണം പലരും ഹൈഡ്രജൻ ബലൂണുകളാണ് ഉപയോഗിക്കുന്നത്.

പുതിയ വാർത്തകൾ അറിയാൻ ഞങ്ങളുടെ വാട്സ്ആപ്പ് ചാനൽ ഫോളോ ചെയ്യുക. ഈ വാർത്ത സുഹൃത്തുക്കൾക്കും കുടുംബാംഗങ്ങൾക്കും വാട്സ്ആപ്പ് ഗ്രൂപ്പുകളിലും ഷെയർ ചെയ്യൂ. അഭിപ്രായം കമന്റായി രേഖപ്പെടുത്താനും മറക്കരുത്.

Article Summary: A group of people narrowly escaped a major disaster when hydrogen-filled balloons exploded inside an elevator at Anmol Tower in Goregaon West, Mumbai. CCTV footage shows the sudden blast, which left two people with minor injuries. Experts warn against using cheap hydrogen gas for party balloons due to its highly flammable nature.

#MumbaiNews #Goregaon #BalloonExplosion #HydrogenBalloon #SafetyAlert #ElevatorAccident #MumbaiDiaries #FireSafety #AnmolTower