ബംഗളൂരു: (KVARTHA) വിവാമോചന നിയമങ്ങള്‍ രാജ്യത്ത് ദുരുപയോഗം ചെയ്യാന്‍ തുടങ്ങിയിട്ട് കാലമേറെയായിട്ടും ശക്തമായ നടപടികള്‍ ഉണ്ടായിട്ടില്ല, അതിന്റെ രക്തസാക്ഷിയാണ് ബംഗുളൂരുവിലെ ടെക്കിയായ അതുല്‍ (34). ബ്യൂട്ടിപാര്‍ലറില്‍ പോകുന്നതിന് അടക്കമുള്ള തുക അകന്ന് കഴിയുന്ന ഭര്‍ത്താവ് നല്‍കണമെന്ന് ആവശ്യപ്പെട്ട് യുവതി നല്‍കിയ പരാതിയില്‍, ഏതാനും മാസങ്ങള്‍ക്ക് മുമ്പ് കോടതി രൂക്ഷവിമര്‍ശനം നടത്തിയിരുന്നു. ആര്‍ഭാടത്തിനുള്ള പണം സ്വയം അധ്വാനിച്ച് കണ്ടെത്തണമെന്നും നിര്‍ദ്ദേശിച്ചു. എന്നാല്‍ പല കേസുകളിലും സ്ത്രീകള്‍ നിയമം ദുരുപയോഗം ചെയ്യുന്നുണ്ട് എന്നതാണ് യാഥാര്‍ത്ഥ്യം. അത് നമ്മുടെ സിസ്റ്റത്തിന്റെ പ്രശ്നം കൂടിയാണ്. ഓരോ ദിവസവും കോടതിമുറികളില്‍ എത്ര ജീവനുകളാണ് ഓരോ ദിവസവും പന്താടുന്നത് എന്ന യാഥാര്‍ത്ഥ്യം വളരെ വേദനാജനകമാണ്.

വേര്‍പിരിഞ്ഞ ഭാര്യയും അവളുടെ കുടുംബവും നല്‍കിയ കേസുകള്‍ നേരിടുന്നതിനുള്ള നിരന്തര നിയമപോരാട്ടങ്ങളില്‍ കുടുങ്ങി, മാസങ്ങളോളം സ്വന്തം കുട്ടിയെ കാണാന്‍ കഴിയാതെയാണ് അതുല്‍ ആത്മഹത്യ ചെയ്തത്. കേസ് നടപടിക്രമങ്ങളുടെ മെല്ലെപ്പോക്ക്, ഭാര്യയേയും മകളേയും വേര്‍പിരിഞ്ഞതിന്റെ വൈകാരിക പ്രശ്നങ്ങള്‍, പരിഹാരം കണ്ടെത്താനുള്ള കഴിവില്ലായ്മ എന്നിവ ഈ യുവാവിനെ മാനസികമായി തകര്‍ത്തു. നീതി നല്‍കാനുള്ള സംവിധാനങ്ങള്‍ തങ്ങളെ കൈവിടുന്നെന്ന്  തോന്നുന്ന നിരവധി പേരുടെ അവസ്ഥ ഇത് തന്നെയാണ്. ഇന്ത്യയില്‍, വിവാഹമോചനം, ജീവനാംശം, ഗാര്‍ഹിക പ്രശ്നങ്ങള്‍ എന്നിവയെ നിയന്ത്രിക്കുന്ന നിയമങ്ങള്‍ തുല്യമായ പരിഹാരങ്ങള്‍ നല്‍കുന്നതിനും ദുര്‍ബലരായ കക്ഷികളെ സംരക്ഷിക്കുന്നതിനും രൂപകല്‍പ്പന ചെയ്തിട്ടുള്ളതാണ്, പ്രത്യേകിച്ച് ചരിത്രപരമായും വ്യവസ്ഥാപരമായും വിവേചനവും അടിച്ചമര്‍ത്തലും നേരിട്ട സ്ത്രീകളെ സംരക്ഷിക്കുന്നതിന്. എന്നിരുന്നാലും, ഈ നിയമങ്ങള്‍, പലപ്പോഴും ദുരുപയോഗം ചെയ്യുന്നു.

ചില സ്ത്രീകള്‍ അന്യായമായ, വ്യക്തിഗത നേട്ടങ്ങള്‍ക്കായി നിയമ വ്യവസ്ഥകള്‍ ചൂഷണം ചെയ്യുന്നെന്നും അതുവഴി നീതിക്കും ന്യായത്തിനെയും തുരങ്കം വയ്ക്കുന്നുവെന്നും ഒരു വിഭാഗം വിമര്‍ശകര്‍ ചൂണ്ടിക്കാണിക്കുന്നു. നാഷണല്‍ ക്രൈം റെക്കോര്‍ഡ്സ് ബ്യൂറോ (എന്‍സിആര്‍ബി) പല ആത്മഹത്യകളും പലപ്പോഴും തെറ്റിദ്ധാരണാജനകമായ എന്തെങ്കിലും ഒരു കാരണത്താല്‍ സ്വാഭാവിക മരണമാക്കി മാറ്റുന്നു. 75% ആത്മഹത്യകളും ചില പ്രധാന ഘടകങ്ങളുമായി ബന്ധപ്പെട്ടിരിക്കുന്നു. കുടുംബവുമായി ബന്ധപ്പെട്ട പ്രശ്‌നങ്ങളും ശാരീരികവും മാനസികവുമായ ആരോഗ്യസ്ഥിതി മോശമാകുന്നത് കാരണം ഉണ്ടാകുന്ന ക്ലേശങ്ങള്‍  പകുതിയിലധികം ആത്മഹത്യകളുടെ കാരണങ്ങളാണ്. വിവാഹ ബന്ധവുമായി ബന്ധപ്പെട്ട പ്രശ്നങ്ങള്‍ ആത്മഹത്യയ്ക്കുള്ള മൂന്നാമത്തെ പ്രധാന കാരണമായി കണക്കാക്കപ്പെടുന്നു. ആത്മഹത്യ ചെയ്യുന്ന സ്ത്രീകളുടെയും പുരുഷന്മാരുടെയും എണ്ണം താരതമ്യപ്പെടുത്താവുന്ന ചുരുക്കം ചില മേഖലകളില്‍ ഒന്നാണിത് എന്നത് ശ്രദ്ധേയമാണ്.

വിവാഹം, വിവാഹമോചനം, ജീവനാംശം തുടങ്ങിയ പ്രശ്‌നങ്ങള്‍ പരിഹരിക്കുന്നതിന് ഇന്ത്യന്‍ നിയമവ്യവസ്ഥയില്‍ നിരവധി നിയമങ്ങളുണ്ട്.
പ്രധാന നിയമങ്ങളിതാണ്:

● ഹിന്ദു വിവാഹ നിയമം, 1955, ഹിന്ദുക്കളുടെ വിവാഹവും വിവാഹമോചനവും നിയന്ത്രിക്കുകയും ജീവനാംശവും ഉപജീവനത്തിനുള്ള തുകയും  നല്‍കുകയും ചെയ്യുന്നു.

● പ്രത്യേക വിവാഹ നിയമം, 1954, ഒരു മതേതര നിയമമാണ്, ഇത് മിശ്രവിവാഹങ്ങള്‍ അനുവദിക്കുകയും മറ്റ് നിയമ പരിഹാരങ്ങള്‍ നിയന്ത്രിക്കുകയും ചെയ്യുന്നു

●  ഗാര്‍ഹിക പീഡനത്തില്‍ നിന്നുള്ള സ്ത്രീകളുടെ സംരക്ഷണ നിയമം (PWDVA), 2005, ഇത് ഗാര്‍ഹിക പീഡനങ്ങളില്‍ നിന്ന് സ്ത്രീകളെ സംരക്ഷിക്കുകയും സാമ്പത്തിക ആശ്വാസം, താമസാവകാശം, സംരക്ഷണം എന്നിവ നല്‍കുകയും ചെയ്യുന്നു.

●  ക്രിമിനല്‍ പ്രൊസീജ്യര്‍ കോഡിന്റെ 125-ാം വകുപ്പ്, സാമ്പത്തിക വരുമാനമില്ലാത്ത ഭാര്യമാര്‍ക്കും കുട്ടികള്‍ക്കും മാതാപിതാക്കള്‍ക്കും സാമ്പത്തിക സഹായം ഉറപ്പാക്കുന്നു.

വിവാഹമോചനത്തിന് മുമ്പോ അതിന് ശേഷമോ സ്ത്രീകള്‍ക്ക് സാമ്പത്തിക സുരക്ഷിതത്വം നല്‍കാനും അവര്‍ ദരിദ്രാവസ്ഥ നേരിടുന്നില്ലെന്ന് ഉറപ്പാക്കാനും ഈ നിയമങ്ങള്‍ ലക്ഷ്യമിടുന്നു.  ഈ നിയമങ്ങള്‍ നടപ്പാക്കുന്നതും പ്രയോഗിക്കുന്നതും ദുരുപയോഗം ചെയ്യുന്നതായി ഇടയ്ക്കിടെ  ആരോപണങ്ങള്‍ ഉയരുന്നു.

വിവാഹമോചനത്തിലും ജീവനാംശ കേസുകളിലും സ്ത്രീകള്‍ നിയമങ്ങള്‍ ദുരുപയോഗം ചെയ്യുന്നു എന്നത് തര്‍ക്കവിഷയമാണ്.  
വിമര്‍ശകര്‍ പലപ്പോഴും നിയമങ്ങള്‍ ദുരുപയോഗം ചെയ്യപ്പെടുന്നെന്ന് പറയുന്നതിനുള്ള ചില കാരണങ്ങള്‍ പറയാം.

●  ഗാര്‍ഹിക പീഡനം സംബന്ധിച്ച് വ്യാജ പരാതി ഉന്നയിച്ച് സ്ത്രീകള്‍ ഇന്ത്യന്‍ ശിക്ഷാ നിയമത്തിലെ  സെക്ഷന്‍ 498A പ്രകാരം കള്ളക്കേസുകള്‍ കൊടുക്കുന്നു. പലപ്പോഴുമിത് ഭര്‍ത്താവിന്റെയോ ബന്ധുക്കളുടെയോ ക്രൂരതയുമായി ബന്ധപ്പെട്ടതാണ്, വലിയ നഷ്ടപരിഹാരം വാങ്ങുന്നതിനോ ഭര്‍ത്താവിന്റെ കുടുംബത്തെ ഉപദ്രവിക്കുന്നതിനോ ആയിരിക്കും ഇത്.

● പലപ്പോഴും അമിതമായ ജീവനാംശം ആവശ്യപ്പെടും, സാമ്പത്തിക ആവശ്യങ്ങള്‍ പെരുപ്പിച്ച് കാണിക്കും അല്ലെങ്കില്‍ ഉയര്‍ന്ന ജീവനാംശം ലഭിക്കുന്നതിനായി വരുമാന സ്രോതസ്സുകള്‍ മറച്ചുവെക്കും.

● ഭര്‍ത്താവില്‍ നിന്ന് സാമ്പത്തിക നേട്ടങ്ങളോ സഹതാപമോ നേടിയെടുക്കാന്‍ കുട്ടികളെ ഉപയോഗിക്കുന്നു.

● നീണ്ടുനില്‍ക്കുന്ന കേസ് നടപടികള്‍ സാമ്പത്തിക സഹായം വൈകിപ്പിക്കുന്നതിനോ, ബുദ്ധിമുട്ടിക്കുന്നതിനോ  വേര്‍പിരിഞ്ഞ പങ്കാളി കോടതി നടപടികള്‍ മനഃപൂര്‍വ്വം വൈകിപ്പിക്കുന്നതായി സ്ത്രീകള്‍ ആരോപിക്കപ്പെടുന്നു.

● താല്‍കാലിക സാമ്പത്തിക ആനുകൂല്യങ്ങള്‍ ഉറപ്പാക്കാന്‍ നിസ്സാരമായ കേസുകള്‍ ഫയല്‍ ചെയ്തു ഇടക്കാല ആശ്വാസ വ്യവസ്ഥകള്‍ ദുരുപയോഗം ചെയ്യുന്നു.

നടപടിക്രമങ്ങളിലെ വീഴ്ചകളുടെ വ്യക്തമായ ഉദാഹരണമാണ് രജനേഷ് വേഴ്സസ് നേഹ എന്ന കേസില്‍ സുപ്രീം കോടതിയുടെ നിര്‍ദ്ദേശങ്ങള്‍ പാലിക്കാതിരുന്നത്, കുടുംബ കോടതി ഇരുകക്ഷികളോടും തങ്ങളുടെ സാമ്പത്തിക സ്ഥിതി സത്യവാങ്മൂലത്തോടൊപ്പം സമര്‍പ്പിക്കണമെന്ന് ആവശ്യപ്പെട്ടിരുന്നു. ഈ വ്യക്തമായ നിര്‍ദ്ദേശം ഉണ്ടായിരുന്നിട്ടും, ഇത് കര്‍ശനമായി നടപ്പിലാക്കിയില്ല. അവകാശവാദങ്ങള്‍ പരിശോധിക്കുന്നതിനുള്ള സംവിധാനങ്ങളുടെ അപര്യാപ്തയും കള്ള പരാതികള്‍ക്കുള്ള പിഴയുടെ അഭാവവും കേസുകള്‍ കൊടുക്കുന്നതിന് പലരെയും പ്രേരിപ്പിക്കുന്നു.

#divorcelaws, #India, #women, #men, #abuse, #legalsystem, #domesticviolence