Giriraj Singh | 'ഹലാൽ മാംസം മാത്രം കഴിക്കുന്ന മുസ്ലീങ്ങളെ അഭിനന്ദിക്കുന്നു', ഹിന്ദുക്കൾ 'ഝട്ക' മാത്രം കഴിക്കണമെന്ന് കേന്ദ്രമന്ത്രി; ഒറ്റയടിക്ക് അറക്കുന്ന മൃഗങ്ങളുടെ മാംസമാണ് കഴിക്കേണ്ടതെന്നും ഗിരിരാജ് സിംഗ്

ഹലാൽ മാംസം മാത്രം കഴിക്കുന്ന മുസ്ലീങ്ങളെ ഞാൻ അഭിനന്ദിക്കുന്നു. ഹിന്ദുക്കളും അവരുടെ സ്വന്തം മതപാരമ്പര്യങ്ങളോട് സമാനമായ പ്രതിബദ്ധത പ്രകടിപ്പിക്കണം. ഹൈന്ദവ കശാപ്പ് രീതി ഝട്കയാണ്. ഹിന്ദുക്കൾ 'അറവ്' (മൃഗബലി) നടത്തുമ്പോഴെല്ലാം അവർ അത് ഒറ്റയടിക്ക് ചെയ്യുന്നു. ഹിന്ദുക്കൾ എപ്പോഴും ഝട്കയിൽ ഉറച്ചുനിൽക്കണം. അതുപോലെ, ഹലാൽ മാംസം കഴിച്ച് അവർ സ്വയം സ്വയം മലീമസമാകുന്നില്ല', മാധ്യമപ്രവർത്തകരോട് സംസാരിക്കവെ അദ്ദേഹം പറഞ്ഞു.

അറവുശാലകളും ഝട്ക മാംസം മാത്രം വില്‍ക്കുന്ന കടകളും സ്ഥാപിക്കുന്നതിന്റെ ആവശ്യകതയും കേന്ദ്രമന്ത്രി ഊന്നിപ്പറഞ്ഞു. ഉത്തർപ്രദേശിലെ യോഗി ആദിത്യനാഥ് സർക്കാരിൽ നിന്ന് പ്രചോദനം ഉൾക്കൊണ്ട് ഹലാൽ എന്ന് ലേബൽ ചെയ്ത ഭക്ഷ്യ ഉൽപന്നങ്ങളുടെ വിൽപ്പന നിരോധിക്കണമെന്ന് ആവശ്യപ്പെട്ട് ഏതാനും ആഴ്ചകൾക്ക് മുമ്പ് ഇദ്ദേഹം ബീഹാർ മുഖ്യമന്ത്രി നിതീഷ് കുമാറിന് കത്തെഴുതിയിരുന്നു.

Keywords: News, Malayalam, National, Gujrath, Giriraj Singh, Halal, jhatka, Hindus should give up halal meat, eat only jhatka: Union minister Giriraj