HDFC | എച്ച്‌ഡിഎഫ്‌സി ബാങ്ക് ഉപഭോക്താവാണോ? ഇനി ഇ എം ഐ അടവ് ചിലവ് കൂടും; ഞെട്ടിക്കുന്ന തീരുമാനവുമായി രാജ്യത്തെ ഏറ്റവും വലിയ സ്വകാര്യ ബാങ്ക്

ഇനി ഭവനവായ്പ, വ്യക്തിഗത വായ്പ, വാഹന വായ്പ എന്നിവയുടെ ഇഎംഐകൾ ചിലവേറിയതായി മാറും. മാറ്റത്തിന് ശേഷം, ഒറ്റരാത്രിക്കുള്ള എംസിഎൽആർ നിരക്ക് 8.50ൽ നിന്ന് 8.60 ശതമാനമായി ഉയർന്നു. ഒരു മാസത്തെ എംസിഎൽആർ 8.55 ശതമാനത്തിൽ നിന്ന് 8.65 ശതമാനമായി. മൂന്ന് മാസത്തെ എംസിഎൽആർ നിരക്ക് 8.80 ശതമാനത്തിൽ നിന്ന് അഞ്ച് ബേസിസ് പോയിന്റ് ഉയർന്ന് 8.85 ശതമാനമായി. ആറ് മാസത്തെ എംസിഎൽആർ നിരക്കും അഞ്ച് ബേസിസ് പോയിന്റ് വർധിച്ച് 9.05 ശതമാനത്തിൽ നിന്ന് 9.10 ശതമാനമായി.

ഉപഭോക്തൃ വായ്പകളുമായി ബന്ധപ്പെട്ടിരിക്കുന്ന ഒരു വർഷത്തെ എംസിഎൽആർ, 9.15 ശതമാനത്തിൽ നിന്ന് അഞ്ച് ബേസിസ് പോയിൻറ് വർധിച്ച് 9.20 ശതമാനമായി. എന്നിരുന്നാലും, രണ്ട് വർഷത്തെയും മൂന്ന് വർഷത്തെയും എംസിഎൽആർ 9.20 ശതമാനത്തിലും 9.25 ശതമാനത്തിലും സ്ഥിരത നിലനിർത്തി.

മറ്റ് പ്രമുഖ ബാങ്കുകളുടെ എംസിഎൽആറിലേക്ക് വരുമ്പോൾ, ഐസിഐസിഐ ബാങ്കിന്റെ വാർഷിക എംസിഎൽആർ 8.95 ശതമാനമാണ്. പഞ്ചാബ് നാഷണൽ ബാങ്കിൽ 8.65 ശതമാനവും യെസ് ബാങ്കിൽ 10.25 ശതമാനവും ബാങ്ക് ഓഫ് ഇന്ത്യയിൽ 8.70 ശതമാനവുമാണ്. അതേസമയം, ആർബിഐ പലിശ നിരക്ക് വർധിപ്പിച്ചിട്ടില്ല. റിപ്പോ നിരക്കിൽ ആർബിഐ മാറ്റമൊന്നും വരുത്തിയിട്ടില്ല. ഇത് 6.50 ശതമാനമായി തുടരുന്നു. എം‌എസ്‌എഫ് നിരക്ക് 6.75 ശതമാനവും എസ്‌ഡിഎഫ് നിരക്ക് 6.25 ശതമാനവുമാണ്.

Keywords: News, National, New Delhi, HDFC, Bank Loan, MCLR, HDFC hikes lending rates; EMIs to increase. < !- START disable copy paste -->