ഹരിയാനയിലെ കര്ണാലില് ബിജെപി യോഗത്തില് പ്രതിഷേധിച്ച കര്ഷകര്ക്ക് നേരെ ലാത്തി വീശി പൊലീസ്; നിരവധിപേര്ക്ക് പരിക്ക്
Aug 28, 2021, 17:29 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ന്യൂഡെല്ഹി: (www.kvartha.com 28.08.2021) ഹരിയാനയില് കര്ണാലിലെ കര്ഷക പ്രതിഷേധത്തിന് നേരെ പൊലീസ് ലാത്തി വീശി. ബി ജെ പി നേതാക്കളുടെ യോഗത്തിലേക്ക് പ്രതിഷേധവുമായി എത്തിയ കര്ഷകര്ക്ക് നേരെയാണ് പൊലീസ് ലാത്തി ചാര്ജ് നടത്തിയത്. സംഘര്ഷത്തില് നിരവധി കര്ഷകര്ക്ക് പരിക്കേറ്റു. കര്ഷകരുടെ മൂന്നാം ഘട്ട സമര പ്രഖ്യാപനത്തിന് പിന്നാലെയാണ് സംഘര്ഷമുണ്ടായത്.
പഞ്ചായത്ത് തെരഞ്ഞെടുപ്പുമായി ബന്ധപ്പെട്ട് മുഖ്യമന്ത്രി മനോഹര് ലാല് ഖട്ടാര് വിളിച്ചു ചേര്ത്ത ബി ജെ പി ജനപ്രതിനിധികളുടെ യോഗത്തിനെതിരെ ആയിരുന്നു കര്ഷകരുടെ പ്രതിഷേധം. കര്ഷകരെ പൊലീസ് പിരിച്ചുവിടാന് പൊലീസ് ശ്രമിച്ചതോടെയാണ് സംഘര്ഷമുണ്ടായത്. പിരിഞ്ഞുപോകാന് വിസമ്മതിച്ച കര്ഷകര്ക്ക് നേരെ ലാത്തി വീശുകയായിരുന്നു. സംഘര്ഷത്തില് പരിക്കേറ്റവരെ ആശുപത്രിയിലേക്ക് മാറ്റി. സംഭവത്തില് കടുത്ത പ്രതിഷേധവുമായി സംയുക്ത കിസാന് മോര്ച രംഗത്തെത്തിയിട്ടുണ്ട്. ഹരിയാനയിലെ എല്ലാ ദേശീയപാതകളും ഉപരോധിക്കാന് കിസാന് മോര്ച ആഹ്വാനം ചെയ്തു.
കര്ഷകര്ക്ക് നേരെ നടന്ന പൊലീസിന്റെ ലാത്തി ചാര്ജില് പ്രതിഷേധിച്ച് കര്ഷകര് റോഡ് ഉപരോധിച്ചു. ഇതോടെ, കര്ണലില് ദേശീയ പാതയില് മൂന്ന് കിലോമീറ്ററോളം ഗതാഗത കുരുക്ക് അനുഭവപ്പെട്ടു. കൂടൂതല് കര്ഷകര് കര്ണാല് ടോള് പ്ലാസക്ക് സമീപം സംഘടിച്ചെത്തുന്നുണ്ട്.
അതേസമയം കര്ഷക പ്രക്ഷോഭം നടക്കുന്ന കര്ണാലിലേക്കുള്ള എല്ലാ പ്രവേശനകവാടങ്ങളിലും പൊലീസ് സുരക്ഷ ക്രമീകരണങ്ങള് ശക്തമാക്കിയിട്ടുണ്ട്. പ്രതിഷേധത്തെ നേരിടാന് അടുത്ത സംസ്ഥാനങ്ങളില് നിന്നുള്ള പൊലീസ് ഉദ്യോഗസ്ഥരെയും വിന്യസിച്ചിട്ടുണ്ട്.
കേന്ദ്രസര്കാരിന്റെ 3 വിവാദ കാര്ഷിക നിയമങ്ങളില് പ്രതിഷേധിച്ചാണ് കര്ഷക സംഘടനകള് ഗുരുദ്വാര കര് സേവയില് പ്രതിഷേധക്കാരുടെ യോഗം വിളിച്ചു ചേര്ത്തത്. കര്ഷകരുടെ ഒത്തുചേരല് ഒഴിവാക്കാന് ഗുരുദ്വാരയിലേക്കുള്ള എല്ലാ പ്രവേശന കവാടങ്ങളും ജില്ലാ ഭരണകൂടം അടച്ചുപൂട്ടിയിരുന്നു.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
