COVID | കോവിഡിൽ നിന്ന് സുഖം പ്രാപിച്ച് മാസങ്ങൾക്ക് ശേഷവും മസ്തിഷ്‌ക ക്ഷതം തുടരുന്നു; രക്തപരിശോധനയിലൂടെ കണ്ടെത്താനായെന്ന് വരില്ല; കൊറോണയെ കുറിച്ച് ഞെട്ടിക്കുന്ന പുതിയ പഠനം!

ഇംഗ്ലണ്ടിലും വെയിൽസിലും ആശുപത്രിയിൽ പ്രവേശിപ്പിച്ച 800-ലധികം രോഗികളുടെ സാമ്പിളുകൾ വിശകലനം ചെയ്ത ശേഷമാണ് ഗവേഷകർ ഈ നിഗമനത്തിലെത്തിയത്. 'നേച്ചർ കമ്മ്യൂണിക്കേഷൻസ്' ജേണലിൽ പ്രസിദ്ധീകരിച്ച പഠനത്തിൽ കോവിഡ് -19 മൂലമുണ്ടാകുന്ന മസ്തിഷ്ക ക്ഷതത്തിന്റെ ശക്തമായ ജൈവ അടയാളങ്ങൾ ആശുപത്രിയിൽ നിന്ന് ഡിസ്ചാർജ് ചെയ്യപ്പെട്ട് മാസങ്ങൾക്ക് ശേഷവും നിലനിൽക്കുന്നതായി പറയുന്നു.

തലവേദന, പേശിവേദന (മാൽജിയ) പോലുള്ള ചില ന്യൂറോളജിക്കൽ ലക്ഷണങ്ങൾ പലപ്പോഴും ചെറിയ തോതിലാണെങ്കിലും തലച്ചോറിനെ ബാധിക്കുന്ന നീര്‍ക്കെട്ട് (എൻസെഫലൈറ്റിസ്), അപസ്മാരം, സ്ട്രോക്ക് എന്നിവയുൾപ്പെടെ കൂടുതൽ പ്രാധാന്യമുള്ളതും ജീവിതത്തെ മാറ്റാൻ സാധ്യതയുള്ളതുമായ പുതിയ ന്യൂറോളജിക്കൽ പ്രശ്നങ്ങൾ സംഭവിക്കുന്നതായി പഠനത്തിൽ വ്യക്തമായി.

രക്തപരിശോധനയിലൂടെ കണ്ടെത്താനാകാത്ത എൻസെഫലൈറ്റിസും മസ്തിഷ്‌ക ക്ഷതവും നിലനിൽക്കുന്നതിനുമുള്ള സാധ്യതയെക്കുറിച്ചുള്ള വിവരങ്ങൾ ഈ പഠനം നൽകുന്നുണ്ടെന്ന് ലിവർപൂൾ യൂണിവേഴ്സിറ്റിയിലെ ഇൻഫെക്ഷൻ ന്യൂറോ സയൻസ് ലബോറട്ടറിയുടെ പ്രിൻസിപ്പൽ ഇൻവെസ്റ്റിഗേറ്ററും ഡയറക്ടറുമായ ബെനഡിക്റ്റ് മൈക്കൽ പറഞ്ഞു. < !- START disable copy paste -->