Mohan Bhagwat | 'ദൈവത്തിന്റെ കണ്ണിൽ എല്ലാവരും തുല്യർ'; ജാതി-സമുദായങ്ങളെ സൃഷ്ടിച്ചത് പുരോഹിതരെന്ന് ആർഎസ്എസ് മേധാവി മോഹൻ ഭാഗവത്
Feb 6, 2023, 11:03 IST
ന്യൂഡെൽഹി: (www.kvartha.com) പുരോഹിതരാണ് ജാതിയും സമുദായവും സൃഷ്ടിക്കുന്നതെന്നും ദൈവത്തിന്റെ ദൃഷ്ടിയിൽ എല്ലാവരും തുല്യരാണെന്നും ആർഎസ്എസ് മേധാവി മോഹൻ ഭാഗവത്. സമൂഹത്തിലെ വിഭാഗീയത മറ്റുള്ളവർ എപ്പോഴും മുതലെടുത്തിട്ടുണ്ടെന്നും അതിനെ തുടർന്ന് നാട്ടിൽ അക്രമങ്ങൾ ഉണ്ടായതായും അദ്ദേഹം കൂട്ടിച്ചേർത്തു. ശിരോമണി രോഹിദാസിന്റെ 647-ാം ജന്മവാർഷികത്തോടനുബന്ധിച്ച് നടന്ന പരിപാടിയിൽ സംസാരിക്കുകയായിരുന്നു മോഹൻ ഭാഗവത്.
രാജ്യത്ത് മനസാക്ഷിയും ബോധവും ഒന്നാണെന്നും അതിൽ വ്യത്യാസമില്ലെന്നും അഭിപ്രായങ്ങൾ മാത്രമാണ് വ്യത്യസ്തമെന്നും ഭഗവത് പറഞ്ഞു. ഞങ്ങൾ മതം മാറ്റാൻ ശ്രമിച്ചിട്ടില്ല, അത് മാറിയാൽ മതം ഉപേക്ഷിക്കണം. സന്യാസിമാരും ഡോ. ബാബാസാഹേബ് അംബേദ്കറെപ്പോലുള്ള അറിയപ്പെടുന്ന വ്യക്തികളും സമൂഹത്തിൽ നിലനിൽക്കുന്ന തൊട്ടുകൂടായ്മയെ എതിർത്തിരുന്നു. തൊട്ടുകൂടായ്മയാൽ വിഷമിച്ച ഡോ. അംബേദ്കർ ഹിന്ദുമതം ഉപേക്ഷിച്ചു, എന്നാൽ അദ്ദേഹം മറ്റൊരു മതത്തിലേക്കും മാറിയില്ല, ഗൗതം ബുദ്ധൻ കാണിച്ച പാത തെരഞ്ഞെടുത്തുവെന്നും ആർഎസ്എസ് മേധാവി പറഞ്ഞു.
എല്ലാത്തരം ജോലികളെയും ബഹുമാനിക്കാൻ പറഞ്ഞ ഭാഗവത്, ജോലിയുടെ പിന്നാലെ പോകുന്നത് നിർത്താൻ ആവശ്യപ്പെട്ടു. ആളുകൾ എന്ത് ജോലി ചെയ്താലും അത് ബഹുമാനിക്കണം. സമൂഹത്തിലെ തൊഴിലില്ലായ്മയുടെ പ്രധാന കാരണങ്ങളിലൊന്നാണ് തൊഴിലാളികളോടുള്ള ബഹുമാനമില്ലായ്മയെന്നും അദ്ദേഹം കൂട്ടിച്ചേർത്തു.
Keywords: News,National,India,New Delhi,Top-Headlines,Politics,party,Politicalparty, RSS, Everyone Equal In Eyes Of God, Castes Created By Priests: RSS Chief Mohan Bhagwat
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
