PF Interest | പിഎഫ് പലിശ നിരക്കിൽ വർധനവ്; പുതിയ നിരക്കുകൾ ഇങ്ങനെ; പണം അക്കൗണ്ടിൽ എപ്പോഴെത്തും? വിശദമായി അറിയാം

 


ന്യൂഡെൽഹി: (www.kvartha.com) എംപ്ലോയീസ് പ്രൊവിഡന്റ് ഫണ്ട് ഓർഗനൈസേഷൻ (EPFO) ചൊവ്വാഴ്ച ചേർന്ന യോഗത്തിൽ 2022-23 സാമ്പത്തിക വർഷത്തേക്ക് എംപ്ലോയീസ് പ്രൊവിഡന്റ് ഫണ്ടിന്റെ (EPF) പലിശ നിരക്കിൽ വർധനവ് വരുത്താൻ തീരുമാനിച്ചിരുന്നു. ഇത്തവണ അത് 8.15 ശതമാനമായാണ് വർധിപ്പിച്ചിരിക്കുന്നത്. കഴിഞ്ഞ തവണത്തേക്കാൾ 0.05 ശതമാനം കൂടുതലാണിത്. നേരത്തെ 8.1 ശതമാനം പലിശ ലഭിച്ചിരുന്നു, ഇത് നാല് പതിറ്റാണ്ടിനിടയിലെ ഏറ്റവും താഴ്ന്ന നിരക്കായിരുന്നു. ഔദ്യോഗിക കണക്കുകൾ പ്രകാരം ഇപിഎഫ്ഒ ഈ വർഷം ജനുവരിയിൽ 14.86 ലക്ഷം ഉപഭോക്താക്കളെ ചേർത്തിട്ടുണ്ട്.

PF Interest | പിഎഫ് പലിശ നിരക്കിൽ വർധനവ്; പുതിയ നിരക്കുകൾ ഇങ്ങനെ; പണം അക്കൗണ്ടിൽ എപ്പോഴെത്തും? വിശദമായി അറിയാം

വരിക്കാരുടെ ഫണ്ടുകൾ ഇപിഎഫ്ഒ പല സ്ഥലങ്ങളിൽ നിക്ഷേപിക്കുന്നു. അവിടെ നിന്നുള്ള വരുമാനത്തിൽ നിന്നാണ് വരിക്കാർക്ക് പലിശ നൽകുന്നത്. 1989-90 മുതൽ 1999-2000 വരെയാണ് ഇപിഎഫിന് ഏറ്റവും കൂടുതൽ പലിശ ലഭിച്ചത്. ഇതിനിടയിൽ 12 ശതമാനം പലിശ തുടർച്ചയായി ലഭിച്ചു. എന്നാൽ അതിനുശേഷം തകർച്ചയുടെ കാലഘട്ടം ആരംഭിച്ചു. 2021-22ൽ ഇത് 8.1 ശതമാനമായി കുറഞ്ഞു.

പിഎഫ് പദ്ധതി

സ്വകാര്യ ജോലി ചെയ്യുന്ന ജീവനക്കാർക്കാണ് പിഎഫ് പദ്ധതി. 20-ൽ കൂടുതൽ ജീവനക്കാർ ജോലി ചെയ്യുന്ന സ്ഥാപനത്തിന് ഈ നിയമം ബാധകമാണ്. ഇത് പ്രകാരം, ജീവനക്കാരന്റെ അടിസ്ഥാന ശമ്പളത്തിന്റെ 12% പിഎഫ് ഫണ്ടിൽ നിക്ഷേപിക്കുകയും അതേ തുക തൊഴിലുടമയും നിക്ഷേപിക്കുകയും ചെയ്യുന്നു. തൊഴിലുടമയുടെ വിഹിതത്തിൽ 8.33 ശതമാനം എംപ്ലോയീസ് പെൻഷൻ സ്കീമിൽ (EPS) നിക്ഷേപിച്ചിരിക്കുന്നു. ബാക്കിയുള്ള 3.67 ശതമാനം തുക ഇപിഎഫിലേക്കാണ്. വിരമിച്ച ശേഷം ജീവനക്കാർക്ക് പിഎഫ് തുക ഒറ്റത്തവണയായും ഇപിഎസ് തുക പെൻഷനായും ലഭിക്കും.

അക്കൗണ്ടിൽ എത്ര പണം വരും?

ഒരു ജീവനക്കാരന്റെ പിഎഫ് അക്കൗണ്ടിൽ 10 ലക്ഷം രൂപയുണ്ടെങ്കിൽ അയാൾക്ക് 81,500 രൂപ പലിശ ലഭിക്കും. കഴിഞ്ഞ തവണത്തേക്കാൾ വെറും 500 രൂപ കൂടുതലാണിത്. ഈ തുകയ്ക്ക് കഴിഞ്ഞ തവണ 81,000 രൂപ പലിശ ലഭിച്ചിരുന്നു. അതുപോലെ, അക്കൗണ്ടിൽ ഒരു ലക്ഷം രൂപ നിക്ഷേപിച്ചിട്ടുണ്ടെങ്കിൽ, നിങ്ങൾക്ക് 8,150 രൂപ ലഭിക്കും. അതായത് കഴിഞ്ഞ തവണത്തെ അപേക്ഷിച്ച് ഇത്തവണ ഒരു ലക്ഷത്തിന് 50 രൂപ അധികം ലഭിക്കും.

സർക്കാരിൽ നിന്ന് അനുമതി ലഭിച്ചാൽ പണം അക്കൗണ്ടിലെത്തും

യോഗത്തിലെ തീരുമാനത്തിന് ശേഷം, പലിശ നിരക്ക് വിവരങ്ങൾ അംഗീകാരത്തിനായി ധനമന്ത്രാലയത്തിലേക്ക് അയയ്ക്കും. സർക്കാർ അനുമതി ലഭിച്ചതിന് ശേഷം, 2022-23 ലെ ഇപിഎഫിന്റെ പലിശ വരിക്കാരുടെ അക്കൗണ്ടിലേക്ക് ക്രെഡിറ്റ് ചെയ്യപ്പെടും.

പിഎഫ് അക്കൗണ്ടിന്റെ ബാലൻസ് അറിയാൻ

1. വെബ്സൈറ്റിൽ നിന്ന്

ഓൺലൈനായി പിഎഫ് ബാലൻസ് പരിശോധിക്കാൻ, EPF പാസ്ബുക് പോർടൽ https://passbook(dot)epfindia(dot)gov(dot)in/MemberPassBook/Login സന്ദർശിക്കുക. യുഎഎൻ, പാസ്‌വേഡ് എന്നിവ നൽകി ലോഗിൻ ചെയ്യുക. ഇതിന് ശേഷം Download/View Passbook എന്നതിൽ ക്ലിക് ചെയ്യുക. ഇത് ചെയ്തുകഴിഞ്ഞാൽ, പാസ്ബുക് നിങ്ങളുടെ മുന്നിൽ ദൃശ്യമാകും, അതിൽ നിങ്ങൾക്ക് ബാലൻസ് കാണാൻ കഴിയും.

2. ഉമാംഗ് (UMANG) ആപ് വഴി

ഉമാംഗ് ആപ് ഡൗൺലോഡ് ചെയ്യുക. ആപിലെ EPFO ​​ക്ലിക്ക് ചെയ്യുക. ഇതിൽ Employee Centric Services എന്നത് തെരഞ്ഞെടുക്കുക. ഇതിനുശേഷം, View Passbook എന്നതിൽ ക്ലിക് ചെയ്ത് നിങ്ങളുടെ യുഎഎൻ, പാസ്‌വേഡ് എന്നിവ നൽകുക. തുടർന്ന് രജിസ്റ്റർ ചെയ്ത മൊബൈൽ നമ്പറിൽ വന്ന ഒടിപി നൽകി നിങ്ങൾക്ക് പിഎഫ് ബാലൻസ് പരിശോധിക്കാം.

3. മിസ്ഡ് കോൾ

ഇപിഎഫ്ഒയിൽ രജിസ്റ്റർ ചെയ്ത മൊബൈൽ നമ്പറിൽ നിന്ന് ബാലൻസ് പരിശോധിക്കാനും കഴിയും. മിസ്ഡ് കോളിലൂടെ ബാലൻസ് വിവരങ്ങൾ ലഭിക്കുന്നതിന്, പിഎഫ് വരിക്കാരൻ രജിസ്റ്റർ ചെയ്ത മൊബൈൽ നമ്പറിൽ നിന്ന് 011-22901406 എന്ന നമ്പറിലേക്ക് മിസ്ഡ് കോൾ ചെയ്യുക. കുറച്ച് സമയത്തിന് ശേഷം, അകൗണ്ട് വിവരങ്ങൾ എസ് എം എസ് വഴി നിങ്ങളുടെ മൊബൈലിൽ വരും.

4. എസ് എം എസ് (SMS) വഴി അറിയാം

എസ്എംഎസിലൂടെ പിഎഫ് ബാലൻസ് അറിയാൻ, ഇപിഎഫ്ഒയിൽ രജിസ്റ്റർ ചെയ്ത മൊബൈൽ നമ്പറിൽ നിന്ന് 7738299899 എന്ന നമ്പറിലേക്ക് എസ്എംഎസ് ചെയ്യുക. ഇതിനായി ഈ നമ്പറിലേക്ക്, EPFO ​​UAN LAN (ഭാഷ) എന്ന് ടൈപ് ചെയ്ത് അയക്കുക. നിങ്ങൾക്ക് ഇൻഗ്ലീഷിൽ വിവരങ്ങൾ ആവശ്യമുണ്ടെങ്കിൽ, LAN-ന് പകരം ENG എന്ന് എഴുതുക. ഹിന്ദിയിലുള്ള വിവരങ്ങൾക്ക്, LAN-ന് പകരം HIN എന്ന് എഴുതുക. തുടർന്ന് നിങ്ങളുടെ മൊബൈലിൽ പിഎഫ് ബാലൻസ് സംബന്ധിച്ച സന്ദേശം വരും.

Keywords: New Delhi, National, News, Rate, Cash, Organisation, Worker, Pension, Government, Online, Website, Top-Headlines, EPFO hikes interest rate on employees' provident fund.

RT disable copy paste -->
ഇവിടെ വായനക്കാർക്ക് അഭിപ്രായങ്ങൾ രേഖപ്പെടുത്താം. സ്വതന്ത്രമായ ചിന്തയും അഭിപ്രായ പ്രകടനവും പ്രോത്സാഹിപ്പിക്കുന്നു. എന്നാൽ ഇവ കെവാർത്തയുടെ അഭിപ്രായങ്ങളായി കണക്കാക്കരുത്. അധിക്ഷേപങ്ങളും വിദ്വേഷ - അശ്ലീല പരാമർശങ്ങളും പാടുള്ളതല്ല. ലംഘിക്കുന്നവർക്ക് ശക്തമായ നിയമനടപടി നേരിടേണ്ടി വന്നേക്കാം.

Tags

Share this story

wellfitindia