മദ്യലഹരിയില്‍ കാറോടിച്ച യുവതി പോലീസുകാരനോട് ചെയ്തത് ഇതാണ്!

കൊല്‍ക്കത്ത: (www.kvartha.com 28.07.2017) മദ്യലഹരിയില്‍ അലക്ഷ്യമായി വാഹനമോടിച്ച 38കാരിയെ തടഞ്ഞു നിര്‍ത്തിയ പോലീസുകാരന് യുവതി നല്‍കിയത് ആലിംഗനവും ചുംബനങ്ങളും. കൊല്‍ക്കത്ത ചിന്‍ഗ്രിഘട്ട ഇഎം ബൈപാസില്‍ വ്യാഴാഴ്ചയാണ് സംഭവം. യുവതിയെയും ഒപ്പമുണ്ടായിരുന്ന യുവാവിനെയും മറ്റൊരു യുവതിയെയും പോലീസ് കസ്റ്റഡിയിലെടുത്തു.


അര്‍ധരാത്രി പാര്‍ട്ടി കഴിഞ്ഞ് മദ്യലഹരിയില്‍ കാറോടിച്ച യുവതിക്ക് ഈസ്‌റ്റേണ്‍ മെട്രോപൊളിറ്റന്‍ ബൈപാസിനു സമീപമെത്തിയപ്പോള്‍ നിയന്ത്രണം നഷ്ടമാവുകയും കാര്‍ ഡിവൈഡറിലിടിക്കുകയും ചെയ്തു. അപകടത്തില്‍പെട്ട ഇവരെ രക്ഷപ്പെട്ടുത്താനെത്തിയ ടാക്‌സി ഡ്രൈവറെ യുവതി അടിച്ചു. കാറില്‍ നിന്നും ഇവരെ പുറത്തെടുക്കാന്‍ ശ്രമിച്ച ഭിന്ദനഗര്‍ പോലീസ് കോണ്‍സ്റ്റബിളിനെ യുവതി ബലമായി കെട്ടിപ്പിടിക്കുകയും ചുംബിക്കുകയുമായിരുന്നു.

സംഭവസ്ഥലത്തുനിന്നും ഒരു സ്ത്രീയുടെ സഹായത്തോടുകൂടി യുവതിയെ പിടിച്ചുമാറ്റുകയായിരുന്നു. തുടര്‍ന്ന് മദ്യപിച്ച് അലക്ഷ്യമായി വാഹനമോടിച്ചതിന് യുവതിയെയും സഹയാത്രികരെയും പോലീസ് കസ്റ്റഡിയിലെടുത്തത് കേസ് രജിസ്റ്റര്‍ ചെയ്തു.