Gautam Gambhir | ലോകകപ്പില്‍ പങ്കെടുക്കാനാണ് പാക് ടീം ഇന്‍ഡ്യയിലെത്തിയത്, അവര്‍ നമ്മുടെ അതിഥികളാണ്, അവരോട് ബഹുമാനമില്ലാതെ പെരുമാറരുത്; ആരാധകരോട് ഗൗതം ഗംഭീര്‍

'നിങ്ങളുടെ ടീമിനെ പിന്തുണച്ചോളൂ, പക്ഷേ കളിക്കാന്‍ വരുന്ന താരങ്ങളെ അപമാനിക്കരുത്. അവര്‍ നമ്മുടെ അതിഥികളാണ്. പാകിസ്താന്‍ ലോകകപ്പ് കളിക്കാനാണ് ഇവിടെയെത്തിയതെന്ന് എല്ലാവരും ഓര്‍ക്കണം.' ഗംഭീര്‍ വ്യക്തമാക്കി.

വിസ ലഭിക്കുന്നതിലെ പ്രശ്‌നങ്ങള്‍ കാരണം പാസ്താന്റെ ആരാധകര്‍ക്ക് കളി കാണാന്‍ ഇന്‍ഡ്യയിലെത്താന്‍ സാധിച്ചിട്ടില്ല. 1,20,000 പേര്‍ സ്റ്റേഡിയത്തില്‍ കളി കാണുന്നുണ്ടെന്നാണ് കണക്കുകള്‍ വ്യക്തമാക്കുന്നത്. ഒരു ലക്ഷത്തിലേറെ കാണികളെ ഉള്‍ക്കൊള്ളാന്‍ സാധിക്കുന്ന നരേന്ദ്ര മോദി സ്റ്റേഡിയം മത്സരത്തിനും മണിക്കൂറുകള്‍ക്കു മുന്‍പു തന്നെ ഏറെക്കുറെ നിറഞ്ഞിരുന്നു.

അഞ്ചു വട്ടം ലോകകപ്പ് നേടിയിട്ടുള്ള ഓസ്‌ട്രേലിയയെയും അഫ്ഗാനിസ്താനെയും തോല്‍പിച്ച ശേഷമാണ് ഇന്‍ഡ്യ പാകിസ്താനെതിരെ ഇറങ്ങുന്നത്. പാകിസ്താന്‍ നെതര്‍ലന്‍ഡ്‌സിനെയും ശ്രീലങ്കയെയും കീഴടക്കി. ശ്രീലങ്കയെ തോല്‍പിച്ച അതേ ടീമുമായാണ് പാകിസ്താാന്‍ കളിക്കാനിറങ്ങുന്നത്.

ഇന്‍ഡ്യ പ്ലേയിങ് ഇലവന്‍: രോഹിത് ശര്‍മ (കാപ്റ്റന്‍), ശുഭ്മന്‍ ഗില്‍, വിരാട് കോലി, ശ്രേയസ് അയ്യര്‍, കെഎല്‍ രാഹുല്‍ (വികറ്റ് കീപര്‍), ഹാര്‍ദിക് പാണ്ഡ്യ, രവീന്ദ്ര ജഡേജ, ഷാര്‍ദൂല്‍ ഠാകൂര്‍, കുല്‍ദീപ് യാദവ്, ജസ്പ്രീത് ബുമ്ര, മുഹമ്മദ് സിറാജ്.