ബാബാ രാംദേവിന്റെ അലോപതി പരാമര്‍ശം; പ്രതിഷേധസൂചകമായി കരിദിനം ആചരിച്ച് ഡോക്ടര്‍മാര്‍
Jun 1, 2021, 14:27 IST
ADVERTISEMENT
ന്യൂഡെല്‍ഹി: (www.kvartha.com 01.06.2021) ബാബാ രാംദേവിന്റെ അലോപതി പരാമര്‍ശത്തില്‍ പ്രതിഷേധിച്ച് ഡോക്ടര്‍മാര്‍ കരിദിനം ആചരിക്കുന്നു. ഡോക്ടര്‍മാരുടെ സംഘടനയായ ഫെഡറേഷന്‍ ഓഫ് റെസിഡന്റ് ഡോക്ടേഴ്‌സ് അസോസിയേഷന്‍ (ഫോര്‍ഡ) ആണ് കരിദിനത്തിന് ആഹ്വാനം ചെയ്തിരിക്കുന്നത്.
അവഹേളനപരവും വെറുപ്പുളവാക്കുന്നതുമായ പ്രസ്താവനകളെ അപലപിക്കുകയാണെന്നും രോഗീ പരിചരണം തടസ്സപ്പെടുത്താതെ രാജ്യവ്യാപകമായി പ്രതിഷേധിക്കുകയാണെന്നും ഫോര്‍ഡ പറഞ്ഞു. രാംദേവ് പരസ്യമായി നിരുപാധികം മാപ്പു പറയണമെന്നും സംഘടന ആവശ്യപ്പെട്ടു.
വിഡ്ഢിത്തവും പരാജയപ്പെട്ടതുമായ കൊലപാതകികളായ ശാസ്ത്രം എന്നിങ്ങനെ തുടങ്ങുന്ന പരമാര്‍ശമാണ് രാംദേവ് അലോപതിക്കെതിരെ നടത്തിയത്. ആധുനിക വൈദ്യശാസ്ത്രത്തെയും ഡോക്ടര്‍മാരെയും അപമാനിച്ചുവെന്ന് വ്യക്തമാക്കി ഐ എം എ അടക്കം ഡോക്ടര്‍മാരുടെ സംഘനടകള്‍ രംഗത്തുവരികയായിരുന്നു.
അതേസമയം, പകര്‍ച്ചവ്യാധി നിയമപ്രകാരം രാംദേവിനെതിരെ എഫ് ഐ ആര്‍ രജിസ്റ്റര്‍ ചെയ്യണമെന്ന ആവശ്യവുമായി ഇന്‍ഡ്യന്‍ മെഡികല്‍ അസോസിയേഷന്റെ (ഐ എം എ) ഗുജറാത്ത് ഘടകം പൊലീസിനെ സമീപിച്ചു. ഐ എം എയുടെ അഞ്ച് സംസ്ഥാന ഘടകങ്ങള്‍ പൊലീസിനെ സമീപിച്ചതിന് പിന്നാലെയാണ് ഗുജറാത്ത് ഐ എം എയും പരാതി നല്‍കിയത്.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
