പശുവിനെ ദേശീയ മൃഗമായി പ്രഖ്യാപിക്കണം, അക്രമിക്കുന്നവര്ക്ക് കടുത്ത ശിക്ഷ നല്കണം; മൗലികാവകാശം നല്കുന്നത്തിന് പാര്ലമെന്റ് നിയമം പാസാക്കണമെന്നും അലഹബാദ് ഹൈകോടതി
Sep 1, 2021, 19:56 IST
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT
ലക്നൗ: (www.kvartha.com 01.09.2021) പശുവിന് മൗലികാവകാശം നല്കുന്നത്തിന് പാര്ലമെന്റ് നിയമം പാസാക്കണമെന്ന് ആവശ്യപ്പെട്ട് അലഹബാദ് ഹൈകോടതി. മാത്രമല്ല, പശുവിനെ ദേശീയ മൃഗമായി പ്രഖ്യാപിക്കണമെന്നും അവയെ അക്രമിക്കുന്നവര്ക്ക് കടുത്ത ശിക്ഷ തന്നെ നല്കണമെന്നും കോടതി ആവശ്യപ്പെട്ടു. അലഹബാദ് ഹൈകോടതിയിലെ സിംഗിള് ജഡ്ജ് ശേഖര് കുമാര് യാദവ് ആണ് ഇക്കാര്യം ആവശ്യപ്പെട്ടത്.
ഉത്തര്പ്രദേശിലെ ഗോവധം തടയല് നിയമം ലംഘിച്ചതിന് അറസ്റ്റിലായ ജാവേദിന് ജാമ്യം നിഷേധിച്ചുകൊണ്ടാണ് അലഹബാദ് ഹൈകോടതി സിംഗിള് ബെഞ്ചിന്റെ ഈ നിരീക്ഷണം. വ്യത്യസ്ത മതവിഭാഗങ്ങളും ആചാരങ്ങളും ഉണ്ടെങ്കിലും ഒരേ തരത്തില് പൗരന്മാര് ചിന്തിക്കുന്ന രാജ്യമാണ് ഇന്ഡ്യയെന്നും ജാമ്യാപേക്ഷ തള്ളിക്കൊണ്ട് കോടതി വ്യക്തമാക്കി. മുമ്പും ഇതേ കുറ്റത്തിന് അറസ്റ്റിലായിട്ടുളള ജാവേദിന് ജാമ്യം അനുവദിച്ചാല് സാമൂഹ്യസൗഹാര്ദം തകരുമെന്നും കോടതി അഭിപ്രായപ്പെട്ടു.
ഇന്ഡ്യയുടെ സംസ്കാരവുമായി ബന്ധപ്പെട്ടതാണ് പശു എന്ന് ജസ്റ്റിസ് ശേഖര് കുമാര് യാദവ് അഭിപ്രായപ്പെട്ടു. ഗോ സംരക്ഷണം ഏതെങ്കിലും ഒരു മതത്തിന്റെ മാത്രം കടമയല്ലെന്നും ഇന്ഡ്യയുടെ സംസ്കാരം സംരക്ഷിക്കേണ്ടത് എല്ലാ മതത്തിലുംപെട്ട പൗരന്മാരുടെ കടമയാണെന്നും അതിനാല് പശുവിനെ ദേശീയ മൃഗമായി പ്രഖ്യാപിക്കണമെന്നും കോടതി ആവശ്യപ്പെട്ടു.
ഉത്തര്പ്രദേശിലെ ഗോശാലകളുടെ ശോചനീയാവസ്ഥയും ഉത്തരവില് ജഡ്ജി പരാമര്ശിച്ചിട്ടുണ്ട്.
Keywords: Declare cow national animal, make its protection a fundamental right of Hindus: Allahabad HC, High Court, Bail plea, News, Protection, Arrested, National, Judge.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
