ന്യൂഡൽഹി: (KVARTHA) കേന്ദ്ര സർക്കാർ ജീവനക്കാർക്കും പെൻഷൻകാർക്കും വലിയ ദീപാവലി സമ്മാനം ലഭിച്ചേക്കും.  കേന്ദ്ര സർക്കാർ ജീവനക്കാർക്ക് ക്ഷാമബത്ത  (DA), പെൻഷൻകാർക്ക് ഡിആർനസ് റിലീഫ് (DR) വർധനയ്ക്ക് സാധ്യതയുണ്ടെന്ന് ദേശീയ മാധ്യമങ്ങൾ റിപ്പോർട്ട് ചെയ്‌തു. ഡിഎയിൽ മൂന്ന് ശതമാനം വർധനവ് പ്രഖ്യാപിക്കാൻ സർക്കാർ പദ്ധതിയിടുന്നുവെന്നാണ് റിപ്പോർട്ടുകൾ പറയുന്നത. നിലവിൽ 50 ശതമാനമായ ഡിഎ ഇതോടെ 53 ശതമാനമായി ഉയരും.

അതേസമയം കോവിഡ്-19 മഹാമാരി കാലത്ത് നിർത്തിവച്ച 18 മാസത്തെ ഡിഎ കുടിശ്ശികയ്ക്ക് സാധ്യതയില്ലെന്നാണ് റിപ്പോർട്ട്. എന്നാൽ ഈ സംബന്ധിച്ച ഔദ്യോഗിക പ്രഖ്യാപനം ഇതുവരെ ഉണ്ടായിട്ടില്ല. പണപ്പെരുപ്പം കൂടുമ്പോൾ ജീവനക്കാരുടെ സാമ്പത്തിക ശേഷി കുറയുന്നത് തടയാനാണ് ഡിഎ നൽകുന്നത്. ഇത് അടിസ്ഥാന ശമ്പളത്തിന്റെ ഒരു ശതമാനമായി കണക്കാക്കപ്പെടുന്നു. ലേബർ ബ്യൂറോ പ്രസിദ്ധീകരിക്കുന്ന ഉപഭോക്തൃ വില സൂചികയുടെ അടിസ്ഥാനത്തിലാണ് ഡിഎ നിർണയിക്കുന്നത്.

പണപ്പെരുപ്പം കൂടുമ്പോൾ വസ്തുക്കളുടെയും സേവനങ്ങളുടെയും വില വർധിക്കും. ഇത് ജീവനക്കാരുടെ സാമ്പത്തിക ശേഷിയെ ബാധിക്കും. ഡിഎ വർധിപ്പിക്കുന്നത് വഴി ജീവനക്കാരുടെ ജീവിത നിലവാരം നിലനിർത്താൻ സഹായിക്കുമെന്നാണ് പ്രതീക്ഷിക്കുന്നത്. 7-ാം ശമ്പള കമ്മീഷൻ ശുപാർശകൾ അനുസരിച്ച് ശമ്പളം ലഭിക്കുന്ന കേന്ദ്ര സർക്കാർ ജീവനക്കാർക്കും പെൻഷൻകാർക്കും ഡിഎ, ഡിആർ ലഭിക്കും. ഓരോ വർഷവും മാർച്ച്, സെപ്റ്റംബർ എന്നീ മാസങ്ങളിൽ രണ്ട് തവണയായി ഡിഎ വർധനവ് വരുത്തുന്നത് സർക്കാരിന്റെ പതിവാണ്.

#DAhike #CentralGovernmentEmployees #Pensioners #SalaryIncrease #IndiaNews