ChatGPT | ചാറ്റ് ജിപിടി നായയുടെ ജീവൻ രക്ഷിച്ചു! 'മൃഗഡോക്ടർക്ക് പോലും തിരിച്ചറിയാൻ കഴിയാത്ത പ്രശ്നം കണ്ടുപിടിച്ചത് എഐ ചാറ്റ്ബോട്ട്'

'മൃഗഡോക്ടറുടെ ചികിത്സയിൽ, കടുത്ത വിളർച്ച ഉണ്ടായിരുന്നിട്ടും നായയുടെ അവസ്ഥ താരതമ്യേന മെച്ചപ്പെട്ടു. എന്നിരുന്നാലും, കുറച്ച് ദിവസങ്ങൾക്ക് ശേഷം കാര്യങ്ങൾ കൂടുതൽ വഷളായി. മോണകൾ മഞ്ഞനിറമാകുന്നത് ശ്രദ്ധിച്ചു. തുടർന്ന് മൃഗഡോക്ടറെ വീണ്ടും സന്ദർശിച്ചു. രക്തപരിശോധനയിൽ തലേദിവസത്തെ അപേക്ഷിച്ച് കൂടുതൽ ഗുരുതരമായ വിളർച്ച കണ്ടെത്തി. ഡോക്ടർ കൂടുതൽ പരിശോധനകൾ നടത്തിയെങ്കിലും നെഗറ്റീവ് ആയിരുന്നു.

പിന്നീടും അവസ്ഥ മെച്ചപ്പെടാത്തതിനാൽ നായയെ ഡോക്ടറുടെ അടുത്തേക്ക് കൊണ്ടുപോയി, പക്ഷേ കൂടുതൽ രോഗനിർണയം നൽകാൻ അദ്ദേഹത്തിന് കഴിഞ്ഞില്ല. നായയുടെ അവസ്ഥ വഷളായിക്കൊണ്ടിരുന്നു. രോഗമെന്തെന്ന് മൃഗഡോക്ടർക്ക് അറിയില്ലായിരുന്നു. എന്താണ് സംഭവിക്കുന്നതെന്ന് കാത്തിരുന്ന് കാണാൻ അദ്ദേഹം നിർദേശിച്ചു. അത് എനിക്ക് സ്വീകാര്യമായില്ല, അതിനാൽ മറ്റൊരു ക്ലിനിക്കിലേക്ക് പോയി.

അതിനിടയിൽ, ചാറ്റ് ജിപിടിയുടെ സഹായം തേടാൻ തീരുമാനിച്ചു. സാഹചര്യം വിശദമായി വിവരിച്ചു, രക്തപരിശോധനാ ഫലങ്ങൾ അപ്‌ലോഡ് ചെയ്യുകയും രോഗനിർണയം ആവശ്യപ്പെടുകയും ചെയ്തു. എഐ ചാറ്റ്‌ബോട്ട് ഒരു മൃഗഡോക്ടറാണെന്ന് അവകാശപ്പെടുന്നില്ലെങ്കിലും, നായയ്ക്ക് ഇമ്മ്യൂൺ-ഇമ്യൂൺ ഹീമോലിറ്റിക് അനീമിയയെ (IMHA) ബാധിച്ചതാകാമെന്ന് ചാറ്റ് ബോട്ട് നിർദേശിച്ചു. ഇതിന്റെ അടിസ്ഥാനത്തിൽ മറ്റൊരു മൃഗഡോക്ടറുടെ അടുത്തേക്ക് കൊണ്ടുപോയി. അദ്ദേഹം അത് സ്ഥിരീകരിച്ച് നായയെ ഉചിതമായി ചികിത്സിക്കാൻ തുടങ്ങി. സാസി ഇപ്പോൾ പൂർണമായും സുഖം പ്രാപിച്ചു', കൂപ്പർ പറഞ്ഞു.

Keywords: New Delhi, National, News, Dog, Blood, Twitter, Disease, Treatment, Doctor, Top-Headlines,  ChatGPT saves life of dog, diagnoses problem that even vet could not identify.
< !- START disable copy paste -->