Oath Ceremony | ദൈവനാമത്തില്‍ സത്യപ്രതിജ്ഞ ചെയ്ത് ആന്ധ്രാ പ്രദേശ് മുഖ്യമന്ത്രിയായി ചന്ദ്രബാബു നായിഡു അധികാരമേറ്റു; വേദിയില്‍ സാക്ഷിയായി പ്രധാനമന്ത്രി അടക്കമുള്ള പ്രമുഖര്‍ 
 

 
Chandrababu Naidu Takes Oath As Andhra Chief Minister, Pawan Kalyan His Deputy, Amaravathy, News, Chandrababu Naidu, Oath Ceremony,  Andhra Chief Minister, Pawan Kalyan, Politics, National News


ഇത് നാലാം തവണയാണ് ആന്ധ്രാ പ്രദേശിന്റെ മുഖ്യമന്ത്രി പദം ചന്ദ്രബാബു നായിഡു ഏറ്റെടുക്കുന്നത്


പവന്‍ കല്യാണ്‍ ഉപമുഖ്യമന്ത്രിയായേക്കുമെന്നാണ് സൂചന
 

വിജയവാഡ: (KVARTHA) ദൈവനാമത്തില്‍ സത്യപ്രതിജ്ഞ ചെയ്ത് ആന്ധ്രാ പ്രദേശ് മുഖ്യമന്ത്രിയായി ചന്ദ്രബാബു നായിഡു അധികാരമേറ്റു. ഇത് നാലാം തവണയാണ് ആന്ധ്രാ പ്രദേശിന്റെ മുഖ്യമന്ത്രിയായി തെലുഗുദേശം പാര്‍ടി (ടിഡിപി) നേതാവ് ചന്ദ്രബാബു നായിഡു അധികാരമേല്‍ക്കുന്നത്. വിജയവാഡയിലെ കേസരപള്ളി ഐടി പാര്‍കിലായിരുന്നു സത്യപ്രതിജ്ഞാ ചടങ്ങ്. 

ജനസേനാ നേതാവും നടനുമായ പവന്‍ കല്യാണും മന്ത്രിയായി സത്യപ്രതിജ്ഞ ചെയ്തു. പവന്‍ കല്യാണ്‍ ഉപമുഖ്യമന്ത്രിയായേക്കുമെന്നാണ് സൂചന. അദ്ദേഹം ഉപമുഖ്യമന്ത്രി പദം ആവശ്യപ്പെട്ടതായുള്ള റിപോര്‍ടുകള്‍ പുറത്തുവന്നിരുന്നു. ചന്ദ്രബാബു നായിഡുവിന്റെ മകന്‍ നാരാ ലോകേഷും മന്ത്രിയായി സത്യപ്രതിജ്ഞ ചെയ്തു. നായിഡുവിനും പവന്‍ കല്യാണിനും പിന്നാലെ മൂന്നാമനായാണ് ലോകേഷിന്റെ സത്യപ്രതിജ്ഞ. ആകെ 24 പേര്‍ മന്ത്രിയായി സത്യപ്രതിജ്ഞ ചെയ്തു.


പ്രധാനമന്ത്രി നരേന്ദ്ര മോദി, ആഭ്യന്തര മന്ത്രി അമിത് ഷാ, ബിജെപി അധ്യക്ഷനും കേന്ദ്ര ആഭ്യന്തര മന്ത്രിയുമായ ജെപി നഡ്ഡ, ശിവസേനാ നേതാവ് ഏക് നാഥ് ഷിന്‍ഡെ, സിനിമാതാരങ്ങളായ ചിരഞ്ജീവി, നന്ദമുരി ബാലകൃഷ്ണ തുടങ്ങിയവര്‍ സത്യപ്രതിജ്ഞാച്ചടങ്ങില്‍ സംബന്ധിച്ചു.


ആന്ധ്ര നിയമസഭ കക്ഷിനില

ആകെ സീറ്റ് -175


ടിഡിപി -135


ജനസേന- 21

വൈ എസ് ആര്‍ - 11

ബിജെപി - 8

ഇവിടെ വായനക്കാർക്ക് അഭിപ്രായങ്ങൾ രേഖപ്പെടുത്താം. സ്വതന്ത്രമായ ചിന്തയും അഭിപ്രായ പ്രകടനവും പ്രോത്സാഹിപ്പിക്കുന്നു. എന്നാൽ ഇവ കെവാർത്തയുടെ അഭിപ്രായങ്ങളായി കണക്കാക്കരുത്. അധിക്ഷേപങ്ങളും വിദ്വേഷ - അശ്ലീല പരാമർശങ്ങളും പാടുള്ളതല്ല. ലംഘിക്കുന്നവർക്ക് ശക്തമായ നിയമനടപടി നേരിടേണ്ടി വന്നേക്കാം.

Tags

Share this story

wellfitindia