ബസിന്റെ സീറ്റിനടിയിലെ ദ്വാരത്തിലൂടെ വീണ് വിദ്യാര്‍ത്ഥിനി മരിച്ചതില്‍ 3 പേര്‍ അറസ്റ്റില്‍
Jul 26, 2012, 15:41 IST
ADVERTISEMENT
മന:പൂര്‍വമല്ലാത്ത നരഹത്യക്കും അശ്രദ്ധമായ ഡ്രൈവിങ്ങിനുമാണ്‌ പോലീസ് കേസെടുത്തിരിക്കുന്നത്. ഇക്കാര്യത്തില്‍ തങ്ങള്‍ കുറ്റക്കാരെല്ലെന്നാണ് സ്കൂള് മാനേജ്‌മെന്റ് പറയുന്നത്. കരാറടിസ്ഥാനത്തില്‍ ഓടുന്ന ബസാണിത്. ബസ് സ്‌കൂളിന്റെ പേരിലാണ് രജിസ്റ്റര്‍ ചെയ്തിട്ടുള്ളതെന്ന് ഗതാഗത വകുപ്പിന്റെ അന്വേഷണത്തില്‍ വ്യക്തമായിട്ടുണ്ട്.
പഴകിയ ബസിന്റെ സീറ്റിനടിയില്‍ ചവിട്ടുപടിക്ക് സമീപത്ത് ദ്വാരമുണ്ടായിരുന്നത് പലക വെച്ച് അടച്ചിരിക്കുകയായിരുന്നു. ബസ് റോഡിലെ കുഴിയിലിറങ്ങിയതിനെ തുടര്‍ന്ന് കുലുങ്ങുകയും ദ്വാരം അടച്ചുവെച്ച പലക ഇതോടെ ഇളകിപ്പോകുകയും ചെയ്തപ്പോള്‍ വിദ്യാര്‍ത്ഥിനി ഇതിലൂടെ താഴെ റോഡില്‍ വീഴുകയും തല്‍ക്ഷണം മരിക്കുകയുമായിരുന്നു. സഹപാഠികള്‍ നിലവിളിച്ചെങ്കിലും ബസ് ഏറെ ദൂരം മുന്നോട്ടു പോയാണ് നിര്‍ത്തിയത്.
സംഭവത്തെ തുടര്‍ന്ന് തടിച്ചുകൂടിയ നാട്ടുകാര്‍ ബസ് കത്തിച്ചു. ബസ് ഡ്രൈവറെയും ക്ലീനറെയും മര്‍ദിച്ചവശരാക്കി പോലീസിന് കൈമാറി.
Keywords: Chennai, National, Accident, Student, School bus
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
