Arvind Kejriwal | ഗുജറാതിലെ ടിവി ചാനലുകളോട് തെരഞ്ഞെടുപ്പ് ചര്‍ചകള്‍ക്ക് ആം ആദ്മി നേതാവിനെ ക്ഷണിക്കരുതെന്ന് പറഞ്ഞ് ബി ജെ പി ഭീഷണിപ്പെടുത്തി; അമിത് ഷായുടെ പാര്‍ടിയും ജഗദീഷ് താകൂറിന്റെ കോണ്‍ഗ്രസും തമ്മില്‍ ഐ ലവ് യു ബന്ധമെന്നും അരവിന്ദ് കേജ് രിവാള്‍

അഹ് മദാബാദ്: (www.kvartha.com) ബി ജെ പിക്കും കോണ്‍ഗ്രസിനുമെതിരെ ഗുരുതര ആരോപണങ്ങളുമായി ഡെല്‍ഹി മുഖ്യമന്ത്രിയും ആം ആദ് മി നേതാവുമായ അരവിന്ദ് കേജ് രിവാള്‍. സംസ്ഥാനത്ത് 27 വര്‍ഷത്തെ ബി ജെ പി ഭരണത്തില്‍ ജനങ്ങള്‍ മടുത്തിരിക്കുകയാണെന്നും ഒരു മാറ്റത്തിനുവേണ്ടിയാണ് ജനങ്ങള്‍ കാത്തിരിക്കുന്നതെന്നും കേജ് രിവാള്‍ പറഞ്ഞു.


ഗുജറാതിലെ എല്ലാ ടിവി ചാനലുകളോടും ആം ആദ്മിയുടെ നേതാവിനെ ക്ഷണിക്കരുതെന്ന് ബിജെപി ഭീഷണിപ്പെടുത്തി. മനീഷ് സിസോദിയയെക്കുറിച്ചുള്ള ചര്‍ചകളില്‍ പോലും ആം ആദ്മി പ്രാതിനിധ്യം ഇല്ലെന്നും കേജ് രിവാള്‍ കുറ്റപ്പെടുത്തി.

മോര്‍ബി പാലം തകര്‍ന്ന് 135 പേര്‍ മരിച്ച സംഭവത്തില്‍ പ്രതികളെ രക്ഷിക്കാനുള്ള ശ്രമങ്ങള്‍ നടക്കുന്നുണ്ടെന്നും അരവിന്ദ് കേജ് രിവാള്‍ ആരോപിച്ചു. പാലം പുതുക്കിപണിയുന്നതിന്റെയും പരിപാലനത്തിന്റെയും കരാര്‍ എങ്ങനെയാണ് ക്ലോക് കംപനിക്ക് ലഭിച്ചതെന്നും എന്‍ജിനീയറോ ഉന്നത ഉദ്യോഗസ്ഥനോ രാഷ്ട്രീയക്കാരനോ പ്രതിപട്ടികയില്‍ ഇല്ലാത്തതിന് കാരണമെന്താണെന്നും അദ്ദേഹം ചോദിച്ചു.

ബിജെപിയും കോണ്‍ഗ്രസും തമ്മിലാണ് മത്സരമെന്ന് അമിത് ഷാ ഒരു അഭിമുഖത്തില്‍ കഴിഞ്ഞദിവസം പറഞ്ഞിരുന്നു. എന്നാല്‍ ബിജെപിയും കോണ്‍ഗ്രസും തമ്മില്‍ പരസ്പരം സ്‌നേഹിക്കുകയാണ്, അവര്‍ക്കിടയില്‍ ഐലവ് യു ബന്ധമാണെന്നും കേജ് രിവാള്‍ പരിഹസിച്ചു.

Keywords: 'BJP, Congress Say ILU (I Love You) To Each Other': Arvind Kejriwal's Top Quotes, Ahmedabad, News, Politics, Assembly Election, AAP, BJP, Congress, Chief Minister, National.