Traffic Advisory | ഉപരാഷ്ട്രപതിയുടെ സന്ദർശനം വെള്ളിയാഴ്ച; ബെംഗ്ളുറു നഗരത്തിൽ ഗതാഗത നിയന്ത്രണം; ഈ നിർദേശങ്ങൾ പാലിക്കണമെന്ന് അധികൃതർ

 

ബെംഗ്ളുറു: (KVARTHA) ഉപരാഷ്ട്രപതി ജഗ്ദീപ് ധൻഖറിന്റെ സന്ദർശനം പ്രമാണിച്ച് മാർച്ച് എട്ടിന് വെള്ളിയാഴ്ച നഗരത്തിൽ ഗതാഗത നിയന്ത്രണം ഏർപ്പെടുത്തി. ബെംഗ്ളുറു നഗരത്തിലെ ഐഎസ്ആർഒ (ISITE) കേന്ദ്രത്തിലേക്കാണ് ഉപരാഷ്ട്രപതിയുടെ സന്ദർശനം. പൊതു സുരക്ഷയ്ക്കും സുഗമമായ വാഹന ഗതാഗതത്തിനുമായാണ് ഗതാഗത നിയന്ത്രണം ഏർപ്പെടുത്തിയിരിക്കുന്നത്. ഇതുസംബന്ധിച്ച് യാത്രക്കാർക്ക് നിർദേശങ്ങൾ പുറപ്പെടുവിച്ചിട്ടുണ്ട്.

Traffic Advisory | ഉപരാഷ്ട്രപതിയുടെ സന്ദർശനം വെള്ളിയാഴ്ച; ബെംഗ്ളുറു നഗരത്തിൽ ഗതാഗത നിയന്ത്രണം; ഈ നിർദേശങ്ങൾ പാലിക്കണമെന്ന് അധികൃതർ

യാത്രാനിയന്ത്രണമുള്ള റൂട്ടുകൾ 

വിശിഷ്ടാതിഥിയുടെ സന്ദർശന സമയത്ത് ഈ വഴിയുള്ള യാത്ര ഒഴിവാക്കണമെന്ന് അധികൃതർ നിർദേശിച്ചു.

* വർത്തൂർ റോഡ് (സുരഞ്ജൻദാസ് റോഡ് ജംഗ്ഷൻ മുതൽ മറാത്തഹള്ളി പാലം വരെ)
* ഔട്ടർ റിംഗ് റോഡ് (കാർത്തിക് നഗർ ജംഗ്ഷൻ മുതൽ മറാത്തഹള്ളി പാലം വരെ) 
* ദൊഡ്നക്കുണ്ടി മെയിൻ റോഡ് (വർത്തൂർ റോഡ് മുതൽ ദൊഡ്നക്കുണ്ടി ഐഎസ്ആർഒ വരെ) 
* ബസവംഗർ മെയിൻ റോഡ് 
* യമലൂർ മെയിൻ റോഡ്
* സുരഞ്ജൻദാസ് റോഡ്
* ഓൾഡ് എയർപോർട്ട് റോഡ് 

പാർക്കിംഗ് പാടില്ല 

താഴെ പറയുന്ന റോഡുകളിൽ എല്ലാത്തരം വാഹനങ്ങളും പാർക്ക് ചെയ്യുന്നത് കർശനമായി നിരോധിച്ചിരിക്കുന്നു

* വർത്തൂർ റോഡ് (സുരഞ്ജൻദാസ് റോഡ് ജംഗ്ഷനിലെ മറാത്തഹള്ളി പാലം വരെയുള്ള റോഡിൻ്റെ ഇരുവശവും) 
* ഹൊറവർതുല റോഡ് (കാർത്തിക് നഗർ ജംഗ്ഷനിലെ മറാത്തഹള്ളി പാലം വരെയുള്ള റോഡിൻ്റെ ഇരുവശവും) 
* ദൊഡ്നക്കുണ്ടി മെയിൻ റോഡ് (വർത്തൂർ റോഡിൽ നിന്ന് ദൊഡ്നകുണ്ടി ഐഎസ്ആർഒ വരെയുള്ള റോഡിൻ്റെ ഇരുവശവും) 

ഉപരാഷ്ട്രപതി വെള്ളിയാഴ്ച മൂന്ന് ദക്ഷിണേന്ത്യൻ സംസ്ഥാനങ്ങളാണ് സന്ദർശിക്കുന്നത്. ബെംഗളൂരുവിലെ ഐഎസ്ആർഒ സാറ്റലൈറ്റ് ഇൻ്റഗ്രേഷൻ ആൻഡ് ടെസ്റ്റിംഗ് എസ്റ്റാബ്ലിഷ്‌മെന്റാണ് ആദ്യം സന്ദർശിക്കുക. ഐഎസ്ആർഒ ശാസ്ത്രജ്ഞരുമായും സംവദിക്കും. ശേഷം തിരുവനന്തപുരത്ത് നടക്കുന്ന രാജനക പുരസ്‌കാര ദാന ചടങ്ങിൽ മുഖ്യാതിഥിയായി പങ്കെടുക്കും. തുടർന്ന് തമിഴ് നാട്ടിലെ കോയമ്പത്തൂരിലെ ഇഷ യോഗ സെൻ്ററിൽ നടക്കുന്ന മഹാശിവരാത്രി ആഘോഷങ്ങളിലും അദ്ദേഹം സംബന്ധിക്കും. Keywords: Bengaluru, Traffic, ISRO, Police, Vice President, Jagdeep Dhankhar, Thiruvananthapuram, ISITE, Bengaluru: Traffic Advisory Issued Ahead Of Vice President's Visit To ISITE.
  < !- START disable copy paste -->
ഇവിടെ വായനക്കാർക്ക് അഭിപ്രായങ്ങൾ രേഖപ്പെടുത്താം. സ്വതന്ത്രമായ ചിന്തയും അഭിപ്രായ പ്രകടനവും പ്രോത്സാഹിപ്പിക്കുന്നു. എന്നാൽ ഇവ കെവാർത്തയുടെ അഭിപ്രായങ്ങളായി കണക്കാക്കരുത്. അധിക്ഷേപങ്ങളും വിദ്വേഷ - അശ്ലീല പരാമർശങ്ങളും പാടുള്ളതല്ല. ലംഘിക്കുന്നവർക്ക് ശക്തമായ നിയമനടപടി നേരിടേണ്ടി വന്നേക്കാം.

Tags

Share this story

wellfitindia