Ayodhya Temple | അയോധ്യ രാമക്ഷേത്രം: '1000 വർഷത്തേക്ക് അറ്റകുറ്റപ്പണികൾ ആവശ്യമില്ല; 6.5 തീവ്രതയുള്ള ഭൂകമ്പത്തെയും അതിജീവിക്കാൻ കഴിയും'; അറിയാം സവിശേഷതകൾ

കൂടാതെ, രണ്ട് ടൺ വീതം ഭാരമുള്ള 17,000 ഗ്രാനൈറ്റ് കല്ലുകൾ ഇതിൽ ഉപയോഗിച്ചിട്ടുണ്ട്. കുറഞ്ഞത് 1,000 വർഷത്തേക്ക് ക്ഷേത്രത്തിന് അറ്റകുറ്റപ്പണികൾ ആവശ്യമില്ലെന്നാണ് ട്രസ്റ്റിമാർ അഭിപ്രായപ്പെടുന്നത്. കൂടാതെ
6.5 തീവ്രതയുള്ള ഭൂകമ്പം പോലും അതിജീവിക്കാൻ കഴിയുമെന്ന് ഇവർ വ്യക്തമാക്കുന്നു. രാമക്ഷേത്രത്തിന്റെ മേൽക്കൂരയിൽ ഒരു കല്ല് മറ്റൊന്നുമായി ബന്ധിപ്പിക്കാൻ ചെമ്പ് പാളിയാണ് ഉപയോഗിക്കുന്നത്. ക്ഷേത്രം സുരക്ഷിതമായി നിലനിൽക്കുന്നുണ്ടെന്ന് ഉറപ്പാക്കാനാണ് പ്രത്യേക ശ്രദ്ധ ചെലുത്തുന്നത്. ക്ഷേത്രത്തിന്റെ നിർമാണത്തിൽ സ്റ്റീലും സാധാരണ സിമന്റും ഉപയോഗിച്ചിട്ടില്ല. ക്ഷേത്രത്തിന്റെ അടിത്തറ 12 മീറ്റർ ആഴമുള്ളതാണ്.

1992-ലെ 'ശിലാദാന' സമയത്തും അതിനുശേഷവും ലഭിച്ച ഇഷ്ടികകളും കഴിഞ്ഞ മൂന്ന് പതിറ്റാണ്ടുകളായി അയോധ്യയിലെ കർസേവകപുരത്ത് വിശ്വഹിന്ദു പരിഷത്ത് കൊത്തുപണികൾക്കായി കൊണ്ടുവന്ന കല്ലുകളും ക്ഷേത്രനിർമ്മാണത്തിന് ഉപയോഗിച്ചുവെന്നത് ശ്രദ്ധേയമാണ്. ആദ്യ ഘട്ടം പൂർത്തിയാക്കാൻ ഡിസംബർ 15 സമയപരിധി നിശ്ചയിച്ചിരുന്നു. രണ്ടാം ഘട്ടത്തിൽ, ഒന്നും രണ്ടും നിലകൾ, എല്ലാ ചുമർചിത്രങ്ങളും പ്രതിമകളും, താഴത്തെ സ്തംഭം, 360 ഓളം കൂറ്റൻ തൂണുകളിലെ കൊത്തുപണികൾ എന്നിവയാണ് പൂർത്തിയാക്കേണ്ടത്. 2024 ഡിസംബറോടെ ഈ ജോലി പൂർത്തിയാകുമെന്നാണ് പ്രതീക്ഷിക്കുന്നത്. മൂന്നാം ഘട്ടം 2025 ഡിസംബറോടെ പൂർത്തിയാക്കും.

ജനുവരി 22ന് പ്രധാനമന്ത്രിയുടെ സാന്നിധ്യത്തിൽ ‘പ്രാണപ്രതിഷ്ഠ’ എന്ന വിഗ്രഹം പ്രതിഷ്ഠിക്കുന്ന ചടങ്ങ് നടക്കും. പരിപാടിക്ക് മുന്നോടിയായി, പ്രധാനമന്ത്രി മോദിയുടെ സാന്നിധ്യത്തിൽ ശ്രീകോവിലിൽ സ്ഥാപിക്കുന്നതിനായി ക്ഷേത്ര ട്രസ്റ്റ് രാം ലല്ലയുടെ മൂന്ന് വിഗ്രഹങ്ങളിൽ ഒന്ന് തിരഞ്ഞെടുക്കും. മൂന്ന് വിഗ്രഹങ്ങൾക്കും 51 ഇഞ്ച് ഉയരമുണ്ടാകും, കയ്യിൽ അമ്പും വില്ലും ഉണ്ടായിരിക്കുമെന്ന് ഒരു ഉദ്യോഗസ്ഥൻ പറഞ്ഞു. ജനുവരി 27 ന് രാവിലെ മുതൽ പൊതുജനങ്ങൾക്ക് ദർശിക്കാനാകും. ഓരോ വിഗ്രഹത്തിന്റെയും ഉയരം ഏകദേശം ഏഴ് അടിയായിരിക്കും.

എല്ലാ രാമനവമിയിലും ഉച്ചയ്ക്ക് 12 മണിക്ക് വിഗ്രഹത്തിന്റെ നെറ്റിയിൽ സൂര്യപ്രകാശം തിരിച്ചുവിടാനും പ്രതിഫലിപ്പിക്കാനുമുള്ള സംവിധാനമാണ് ക്ഷേത്രത്തിന്റെ മറ്റൊരു പ്രത്യേകത. റൂർക്കിയിലെ സെൻട്രൽ ബിൽഡിംഗ് റിസർച്ച് ഇൻസ്റ്റിറ്റ്യൂട്ടും പൂനെയിലെ ആസ്‌ട്രോഫിസിക്‌സ് ഇൻസ്റ്റിറ്റ്യൂട്ടും ചേർന്നാണ് ഇത് രൂപകൽപന ചെയ്തിരിക്കുന്നത്.