Ram Temple | അയോധ്യ രാമക്ഷേത്രത്തിലെ ശ്രീകോവിലിന്റെ മേല്ക്കൂരയില് ചോര്ചയെന്ന് മുഖ്യപുരോഹിതന് ആചാര്യ സത്യേന്ദ്ര ദാസ്
ADVERTISEMENT
രാം ലല്ലയുടെ വിഗ്രഹം സ്ഥാപിച്ചിരിക്കുന്ന ശ്രീകോവിലിന്റെ മേല്ക്കൂര ആദ്യ മഴയില് തന്നെ ചോരാന് തുടങ്ങി
ക്ഷേത്രത്തില് നിന്ന് വെള്ളം പുറത്തേക്ക് ഒഴുക്കാന് മാര്ഗമില്ല
മഴ ശക്തി പ്രാപിക്കുകയാണെങ്കില് ക്ഷേത്രത്തില് ആരാധന നടത്താന് ബുദ്ധിമുട്ടാകും
ലക് നൗ: (KVARTHA) അയോധ്യയിലെ രാമക്ഷേത്രത്തിന്റെ ശ്രീകോവിലിന്റെ മേല്ക്കൂരയ്ക്ക് ചോര്ചയെന്ന് മുഖ്യപുരോഹിതന് ആചാര്യ സത്യേന്ദ്ര ദാസ്. ദേശീയ മാധ്യമങ്ങളാണ് ഇതുസംബന്ധിച്ച വാര്ത്ത റിപോര്ട് ചെയ്തത്. രാം ലല്ലയുടെ വിഗ്രഹം സ്ഥാപിച്ചിരിക്കുന്ന ശ്രീകോവിലിന്റെ മേല്ക്കൂര ആദ്യ മഴയില് തന്നെ ചോരാന് തുടങ്ങിയെന്ന് സത്യേന്ദ്രദാസിനെ ഉദ്ധരിച്ച് മാധ്യമങ്ങള് റിപോര്ട് ചെയ്തു.
VIDEO | "It is very surprising. So many engineers are here and the Pran Pratishtha was held on January 22, but water is leaking from the roof. Nobody would've thought this," says Ram Temple chief priest Acharya Satyendra Das.
— Press Trust of India (@PTI_News) June 24, 2024
(Full video available on PTI Videos -… pic.twitter.com/tf1zRDQ34D
എന്ത് പോരായ്മയാണുണ്ടായതെന്ന് ശ്രദ്ധിക്കണമെന്ന് പറഞ്ഞ സത്യേന്ദ്രദാസ് ഇത് വളരെ പ്രാധാന്യമുള്ള കാര്യമാണെന്നും ക്ഷേത്രത്തില് നിന്ന് വെള്ളം പുറത്തേക്ക് ഒഴുക്കാന് മാര്ഗമില്ലെന്നും വ്യക്തമാക്കി. മഴ ശക്തി പ്രാപിക്കുകയാണെങ്കില് ക്ഷേത്രത്തില് ആരാധന നടത്താന് ബുദ്ധിമുട്ടുണ്ടാകുമെന്നും അദ്ദേഹം പറഞ്ഞു. ഇക്കഴിഞ്ഞ ജനുവരി 22-നാണ് അയോധ്യയില് പ്രാണപ്രതിഷ്ഠ നടന്നത്.
