ഓടോ ഡ്രൈവറും സഹായികളും ചേര്‍ന്ന് കോളജ് വിദ്യാര്‍ഥികളെ കത്തിമുനയില്‍ വെച്ച് കൊള്ളയടിച്ചതായി പരാതി

പൂന: (www.kvartha.com 09.03.2022) പൂനെയില്‍ ഓടോ ഡ്രൈവറും സഹായികളും ചേര്‍ന്ന് രണ്ട് കോളജ് വിദ്യാര്‍ഥികളെ കത്തിമുനയില്‍ വെച്ച് കൊള്ളയടിച്ചതായി പരാതി. ഞായറാഴ്ച മംഗള്‍വാര്‍ പേടിലെ റെയില്‍വേ ഗേറ്റിന് സമീപമാണ് സംഭവം.


ഇന്‍ഡ്യന്‍ എക്സ്പ്രസ് ആണ് ഇക്കാര്യം റിപോര്‍ട് ചെയ്തത്.ഞായറാഴ്ച എച് എസ് സിയിലെ വിദ്യാര്‍ഥിയായ അനൂപും സുഹൃത്ത് സര്‍തക് മല്‍ഖഡെയും ചേര്‍ന്ന് വൈകുന്നേരം 5.45 ഓടെ സംഗമവാടിയിലെ ഒരു സ്വകാര്യ ബസ് സ്റ്റാന്‍ഡിലേക്ക് പോകാന്‍ ഓടോറിക്ഷയില്‍ കയറിയപ്പോഴാണ് സംഭവം. പിറന്നാള്‍ സമ്മാനമായി അച്ഛന്‍ അയച്ചുകൊടുത്ത പാര്‍സല്‍ വാങ്ങാന്‍ പോകുകയായിരുന്നു ഇരുവരും.

എന്നാല്‍, ഓടോറിക്ഷാ ഡ്രൈവര്‍ ഇരുവരെയും മംഗള്‍വാര്‍ പേടിലെ റെയില്‍വേ ഗേറ്റിന് സമീപം കൂട്ടിക്കൊണ്ടുപോയി, മൂന്ന് സഹായികളെയും കൂട്ടി ഇരുവരെയും കത്തി കാണിച്ച് ഭീഷണിപ്പെടുത്തി 1000 രൂപ കവര്‍ന്നെടുക്കുകയായിരുന്നു.

മാത്രമല്ല, ഫോണ്‍പേ ആപ്ലികേഷന്‍ വഴി ഇരകളുടെ അകൗണ്ടില്‍ നിന്ന് 3,800 രൂപ ട്രാന്‍സ്ഫര്‍ ചെയ്തുവെന്നും തുടര്‍ന്ന് വിദ്യാര്‍ഥികളുടെ മൊബൈല്‍ ഫോണുകള്‍ തട്ടിയെടുത്ത് പ്രതികള്‍ സ്ഥലം വിട്ടുവെന്നും വിദ്യാര്‍ഥികള്‍ പൊലീസില്‍ നല്‍കിയ പരാതിയില്‍ പറയുന്നു.

സംഭവത്തില്‍ പ്രതികള്‍ക്കെതിരെ ഐപിസി 397, 34 വകുപ്പുകള്‍ പ്രകാരം കേസ് രജിസ്റ്റര്‍ ചെയ്യുകയും കൂടുതല്‍ അന്വേഷണങ്ങള്‍ നടത്തുകയാണെന്നും പൊലീസ് പറഞ്ഞു.

Keywords: Auto driver, his aides rob 2 college students at knifepoint in Pune, Pune,News,Local News, Police Station, Complaint, Robbery, Auto Driver, National.