ന്യൂഡൽഹി: (KVARTHA) എടിഎം വഴി പണം പിൻവലിക്കുന്നതിലുപരി ധാരാളം ബാങ്കിങ് പ്രവർത്തനങ്ങൾ ചെയ്യാൻ കഴിയുമെന്ന് അറിയുമോ? ബാങ്ക് നിർദേശിക്കുന്ന മറ്റ് ചില സേവനങ്ങളും എടിഎം വഴി ലഭ്യമായിരിക്കും. അതായത്, ബാങ്കിൽ പോകാതെ തന്നെ പല ബാങ്കിങ് പ്രവർത്തനങ്ങളും ചെയ്യാൻ സാധിക്കും. 

1- പണം പിൻവലിക്കൽ

എടിഎം (ഓട്ടോമേറ്റഡ് ടേളർ മെഷീൻ) പ്രധാനമായും പണം പിൻവലിക്കാൻ ഉപയോഗിക്കുന്നു. പണം പിൻവലിക്കാൻ, ബാങ്കിന്റെ എടിഎം കാർഡ് അല്ലെങ്കിൽ ഡെബിറ്റ് കാർഡ് വേണം.  പിന്‍കോഡ് നൽകിക്കൊണ്ട്  നിമിഷങ്ങൾക്കുള്ളിൽ പണം പിൻവലിക്കാം.

2- ഡെബിറ്റ്‌ കാർഡിൽ നിന്ന് മറ്റൊരു കാർഡിലേക്ക് പണം അയക്കാം 

സ്റ്റേറ്റ് ബാങ്ക് ഓഫ് ഇന്ത്യയുടെ വെബ്സൈറ്റ് പ്രകാരം, എടിഎം ഉപയോഗിച്ച് എളുപ്പത്തിൽ പണം ട്രാൻസ്ഫർ ചെയ്യാം. എസ്‌ബിഐ ഡെബിറ്റ് കാർഡിൽ നിന്ന് മറ്റൊരു കാർഡിലേക്ക് ദിനംപ്രതി 40,000 രൂപ വരെ അയക്കാം. അതും ഒരു പൈസ പോലും ഫീസ് കൂടാതെ! നിങ്ങളുടെ കാർഡ്, പിൻ നമ്പർ, ലഭിക്കുന്നയാളുടെ കാർഡ് നമ്പർ ഇത്രമാത്രം മതി.

3- അക്കൗണ്ടിൽ നിന്ന് മറ്റൊരു അക്കൗണ്ടിലേക്കും പണം അയക്കാം 

നിങ്ങളുടെ ബാങ്കിൽ നിന്ന് മറ്റൊരു അക്കൗണ്ടിലേക്ക് പണം അയക്കാൻ എടിഎം  സഹായിക്കും. നിങ്ങളുടെ എടിഎം കാർഡ് ആ അക്കൗണ്ടുമായി ലിങ്ക് ചെയ്തിരിക്കണം എന്നത് മാത്രം. ഒരു കാർഡിൽ 16 വരെ അക്കൗണ്ടുകൾ ലിങ്ക് ചെയ്യാം! ഇത് വളരെ സുരക്ഷിതവും എളുപ്പവുമായ ഒരു രീതിയാണ്.

4- മിനി സ്റ്റേറ്റ്‌മെന്റ് എടുക്കാം 

എടിഎമ്മിൽ പോയി,  അക്കൗണ്ട് ബാലൻസ് പരിശോധിക്കാം. കൂടാതെ,  അവസാനത്തെ 10 ഇടപാടുകളുടെ വിശദാംശങ്ങൾ ഒരു മിനി സ്റ്റേറ്റ്‌മെന്റായി എടുക്കാനും കഴിയും. അതായത്, ഈ രണ്ട് കാര്യങ്ങൾക്കും ബാങ്കിൽ പോകേണ്ട ആവശ്യമില്ല.

5- വിസാ ക്രെഡിറ്റ് കാർഡ് ബിൽ അടക്കാം 

വിസ ക്രെഡിറ്റ് കാർഡ് ബിൽ  അടുത്തുള്ള എടിഎമ്മിൽ പോയി ഡെബിറ്റ് കാർഡ് ഉപയോഗിച്ച് എളുപ്പത്തിൽ  അടയ്ക്കാം. ഡെബിറ്റ് കാർഡിന്റെ പിൻ നമ്പർ മറക്കാതിരിക്കുക. ഈ സൗകര്യം ഉപയോഗിച്ച് എപ്പോൾ വേണമെങ്കിലും എവിടെ നിന്നും നിങ്ങളുടെ ബിൽ അടയ്ക്കാം.

6- ചെക്ക് ബുക്ക് അപേക്ഷ

പുതിയ ഒരു ചെക്ക്ബുക്ക് വേണമെങ്കിൽ, ബാങ്കിൽ പോകേണ്ട ആവശ്യമില്ല. ഇത് എടിഎം സഹായത്തോടെ ചെയ്യാവുന്നതാണ്. സമീപത്തുള്ള ഏതു എടിഎമ്മിലും പോയി, പുതിയ ചെക്ക്ബുക്ക് അപേക്ഷ നൽകാം. പക്ഷെ ചെക്ക്ബുക്ക്  ബാങ്കിൽ രജിസ്റ്റർ ചെയ്ത വിലാസത്തേക്കാണ് അയയ്ക്കുന്നത്. അതിനാൽ, വിലാസം മാറിയിട്ടുണ്ടെങ്കിൽ, ആ വിലാസം ആദ്യമായി ബാങ്കിൽ മാറ്റുക.

7- ലൈഫ് ഇൻഷുറൻസ് പ്രീമിയം പേയ്മെന്റ്

എടിഎം ഉപയോഗിച്ച് ലൈഫ് ഇൻഷുറൻസ് പ്രീമിയവും അടയ്ക്കാം. എൽഐസി, എച്ച്ഡിഎഫ്‌സി ലൈഫ്, എസ്ഐഐ ലൈഫ് പോലുള്ള പല ഇൻഷുറൻസ് കമ്പനികളും എടിഎം വഴി പ്രീമിയം അടയ്ക്കാൻ ബാങ്കുകളുമായി ധാരണാ പത്രം ഉണ്ടാക്കിയിട്ടുണ്ട്. പ്രീമിയം അടയ്ക്കുന്നതിന്,  എടിഎം കാർഡ് ഉണ്ടാകണം, പോളിസി നമ്പർ അറിയണം.

8- യൂടിലിറ്റി ബിൽ പേയ്മെന്റ്

എടിഎം ഉപയോഗിച്ച് വൈദ്യുതി തുടങ്ങിയ ഏതെങ്കിലും യൂടിലിറ്റി ബിൽ അടയ്ക്കാം. എന്നാൽ, എല്ലാ ബില്ലുകളും എടിഎം വഴി അടയ്ക്കാൻ കഴിയില്ല. അതിനാൽ, അവരുമായി ബാങ്കിന് ധാരണ ഉണ്ടോ എന്ന് പരിശോധിക്കുക. കുറച്ചു പേർ മാത്രമെ ഈ മാർഗം ഉപയോഗിച്ച് ബിൽ അടക്കുന്നുള്ളു. കൂടുതൽ പേർ യു.പി.ഐ ആപ്പ് ഉപയോഗിച്ച് ബിൽ അടക്കുന്നു.

9- പിന്‍കോഡ് മാറ്റൽ

എടിഎം കാർഡിന്റെ പിൻ നമ്പർ സുരക്ഷിതമായി സൂക്ഷിക്കുന്നത് വളരെ പ്രധാനമാണ്. ഇത് എപ്പോൾ വേണമെങ്കിലും നിങ്ങൾക്ക് സ്വയം മാറ്റാവുന്നതാണ്. എടിഎം വഴി പിന്‍കോഡ് മാറ്റാൻ കഴിയും. എടിഎമ്മിൽ പോകേണ്ട ആവശ്യമില്ലാതെ,  ബാങ്കിന്റെ മൊബൈൽ ആപ്പ് അല്ലെങ്കിൽ ഇന്റർനെറ്റ് ബാങ്കിംഗ് വഴിയും ഇത് എളുപ്പത്തിൽ ചെയ്യാവുന്നതാണ്. ഇന്ന് സൈബർ തട്ടിപ്പുകൾ വർദ്ധിച്ചു വരുന്ന സാഹചര്യത്തിൽ,  പിൻ നമ്പർ കാലാകാലങ്ങളിൽ മാറ്റി സൂക്ഷിക്കുന്നത് വളരെ പ്രധാനമാണ്.

10- മൊബൈൽ ബാങ്കിങ് രജിസ്ട്രേഷൻ

ഇന്ന് എല്ലാ ബാങ്കുകളും അക്കൗണ്ട് തുറക്കുമ്പോൾ തന്നെ ഇന്റർനെറ്റ് ബാങ്കിംഗും മൊബൈൽ ബാങ്കിംഗും നൽകുന്നു. നിങ്ങളുടെ മൊബൈൽ ബാങ്കിംഗ് ഇതുവരെ സജീവമാക്കിയിട്ടില്ലെങ്കിൽ,  അടുത്തുള്ള എടിഎം ഉപയോഗിച്ച് അത് എളുപ്പത്തിൽ ചെയ്യാം.

സ്മാർട്ട്‌ഫോണിൽ നിന്ന് തന്നെ ബാങ്ക് അക്കൗണ്ട് ബാലൻസ് പരിശോധിക്കുക, പണം പിൻവലിക്കുക, മറ്റുള്ളവർക്ക് പണം അയയ്ക്കുക തുടങ്ങിയ നിരവധി ബാങ്കിംഗ് സേവനങ്ങൾ നൽകുന്ന ഒരു സംവിധാനമാണ് മൊബൈൽ ബാങ്കിങ്.

#ATMservices #BankingTips #MobileBanking #DebitCard #UtilityBillPayment #CashWithdrawal