Killed | '500 രൂപയ്ക്ക് വേണ്ടി യുവാവ് സുഹൃത്തിന്റെ തല വെട്ടിയെടുത്തു'

ഗുവാഹതി: (www.kvartha.com) 500 രൂപയ്ക്ക് വേണ്ടി യുവാവ് സുഹൃത്തിന്റെ തല വെട്ടിയെടുത്തശേഷം കിലോമീറ്ററുകള്‍ താണ്ടി സ്റ്റേഷനിലെത്തി കീഴടങ്ങിയതായി പൊലീസ്. സ്വാതന്ത്ര്യദിനാഘോഷങ്ങളുടെ ഭാഗമായി നാട്ടിന്‍പുറത്ത് നടത്തിയ ഫുട്‌ബോള്‍ മത്സരത്തെ ചൊല്ലിയുള്ള തര്‍ക്കത്തിനൊടുവിലാണ് ക്രൂരമായ കൊലപാതകം നടന്നതെന്ന് പൊലീസ് പറഞ്ഞു.

സംഭവത്തെ കുറിച്ച് പൊലീസ് പറയുന്നത്:

വടക്കന്‍ അസമിലെ സോനിത് പൂര്‍ ജില്ലയിലായിരുന്നു ക്രൂരമായ കൊലപാതകം നടന്നത്. യുവാവ് സുഹൃത്തിന്റെ തല വെട്ടിയെടുത്തശേഷം 25 കിലോമീറ്ററോളം ദൂരം റോഡിലൂടെ നടന്ന് പൊലീസ് സ്റ്റേഷനില്‍ അറുത്തെടുത്ത തല എത്തിച്ചു.

സ്വാതന്ത്ര്യദിനാഘോഷങ്ങളുടെ ഭാഗമായി നടത്തിയ ഫുട്‌ബോള്‍ മത്സരത്തിനിടെ സുഹൃത്തുക്കളായ രണ്ടുപേര്‍ 500 രൂപ വാതുവെക്കുകയായിരുന്നു. തോറ്റതിന് ശേഷം പണം നല്‍കാത്തതിനെ തുടര്‍ന്നാണ് കൊലപാതകം നടത്തിയത്.

തുനിറാം മാഡ്രി എന്നയാളാണ് കൊലപാതകം നടത്തിയത്. ഇയാളുടെ സുഹൃത്ത് ഹേം റാമാണ് കൊല്ലപ്പെട്ടത്. തുനിറാമും ഹേം റാമും ഓരോ ടീമുകളെ പിന്തുണച്ചിരുന്നു.