രണ്ട് പോലീസ് ഉദ്യോഗസ്ഥരെ വെടിവെച്ചുകൊലപ്പെടുത്തി പാക് ഭീകരന്‍ രക്ഷപ്പെട്ടു

ശ്രീനഗര്‍: (www.kvartha.com 06.02.2018) രണ്ട് പോലീസ് ഉദ്യോഗസ്ഥരെ വെടിവെച്ചുകൊലപ്പെടുത്തി പാക് ഭീകരന്‍ രക്ഷപ്പെട്ടു. നവീദ് ജാട്ട് എന്ന അബു ഹന്‍സുല്ലയാണ് കസ്റ്റഡിയില്‍ നിന്ന് രക്ഷപ്പെട്ടത്. ജമ്മു കശ്മീരിലെ ശ്രീനഗറിലാണ് സംഭവം. ശ്രീനഗറിലെ ശ്രീ മഹാരാജ ഹരിസിങ് ആശുപത്രിയില്‍ ഭീകരനെ പരിശോധനയ്ക്കായി കൊണ്ടുവന്നപ്പോഴാണ് സംഭവമുണ്ടായത്.

വെടിവെപ്പില്‍ രണ്ടുപേര്‍ക്ക് പരിക്കേറ്റിട്ടുണ്ട്. തടവുകാരന്റെ സുരക്ഷയ്ക്കായി നിയോഗിച്ചിരുന്ന പോലീസ് ഉദ്യോഗസ്ഥര്‍ക്ക് നേരെയാണ് വെടിവെപ്പുണ്ടായതെന്ന് വാര്‍ത്താ ഏജന്‍സി റിപ്പോര്‍ട്ടു ചെയ്തു. പോലീസിന്റെ കൈയ്യിലുണ്ടായിരുന്ന തോക്ക് കൈക്കലാക്കിയാണ് ഹന്‍സുല്ലാഹ് വെടിയുതിര്‍ത്തതെന്നാണ് വിവരം.


ആശുപത്രിയില്‍ നിലയുറപ്പിച്ചിരുന്ന മറ്റു ചിലരും ഇയാളെ രക്ഷപ്പെടാന്‍ സാഹായിച്ചിരുന്നുവെന്നും പറയുന്നു. പുല്‍വാമയില്‍ 2014ല്‍ പോലീസുകാരനെ കൊലപ്പെടുത്തിയ കേസില്‍ ഏതാനും മാസങ്ങള്‍ക്കു മുമ്പാണ് ഷോപിയാനില്‍വെച്ച് ഹന്‍സുല്ലാഹ് അറസ്റ്റിലായത്.

< !- START disable copy paste -->