സമൂഹമാധ്യമങ്ങളിലൂടെ മോദിയെയും യോഗിയെയും അധിക്ഷേപിച്ചതായി പരാതി; 2 പേര്‍ അറസ്റ്റില്‍
Sep 25, 2021, 18:59 IST
ADVERTISEMENT
ലക്‌നൗ: (www.kvartha.com 25.09.2021) സമൂഹമാധ്യമങ്ങളിലൂടെ പ്രധാനമന്ത്രി നരേന്ദ്രമോദിയെയും ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥിനെയും അധിക്ഷേപിച്ചെന്ന പരാതിയില്‍ രണ്ട് പേരെ അറസ്റ്റ് ചെയ്തതായി യുപി പൊലീസ് അറിയിച്ചു. ഉത്തര്‍പ്രദേശ് ബല്ലിയയിലെ ഷേര്‍ ഗ്രാമവാസികളായ പ്രകാശ് വര്‍മ, രമേശ് യാദവ് എന്നിവരാണ് അറസ്റ്റിലായതെന്നാണ് വിവരം.
ബി ജെ പി നേതാക്കളുടെ പരാതിയിലാണ് യുപി പൊലീസിന്റെ നടപടി. സെപ്തംബര്‍ 23നാണ് സംഭവം. ഇരുവരും പുറത്തുവിട്ട വീഡിയോയില്‍ മോദിയെയും യോഗിയെയും അധിക്ഷേപിച്ചെന്നാണ് പരാതികാരന്‍ പറയുന്നത്.
ഇരുവരുടെയും വിഡിയോകള്‍ ട്വിറ്റെര്‍, ഫേസ്ബുക്, വാട്‌സ്ആപ് എന്നിവയില്‍ പങ്കുവച്ചിരുന്നു. കൂടാതെ നിമിഷനേരം കൊണ്ട് ഇവ വൈറലാകുകയും ചെയ്തു. തുടര്‍ന്നാണ് അധിക്ഷേപിക്കുന്ന തരത്തിലുള്ള വീഡിയോ ദൃശ്യങ്ങള്‍ പങ്കുവച്ചതിന് ഇരുവര്‍ക്കുമെതിരെ പരാതി ലഭിച്ചതെന്നും എഫ് ഐ ആര്‍ രെജിസ്റ്റര്‍ ചെയ്തതെന്നും പൊലീസ് പറഞ്ഞു.
നിങ്ങളുടെ അഭിപ്രായങ്ങൾ കെവാർത്തയുടെ ഫെയ്‌സ്‌ബുക്ക് പേജിൽ പങ്കുവെക്കാം.
അസഭ്യവും അശ്ലീലവും വിദ്വേഷം വളർത്തുന്നതുമായ കമന്റുകൾ പാടില്ല. നിയമവിരുദ്ധമായ
ഇത്തരം പരാമർശങ്ങൾ നടത്തുന്നത് ഐടി ആക്ട് പ്രകാരം കുറ്റകരമാണ്. കർശന
നിയമനടപടികൾ നേരിടേണ്ടിവന്നേക്കാം.
