Injured | അമിത വേഗതയില്‍ എത്തിയ കാര്‍ മരണ വീട്ടിലേക്ക് പാഞ്ഞുകയറി 18 പേര്‍ക്ക് ഗുരുതരം; അപകട സമയത്ത് ഡ്രൈവര്‍ മദ്യലഹരിയില്‍ ആയിരുന്നുവെന്ന് പ്രദേശവാസികള്‍
Nov 27, 2022, 12:02 IST
ADVERTISEMENT
ബിഹാര്‍: (www.kvartha.com) അമിത വേഗതയില്‍ എത്തിയ കാര്‍ മരണ വീട്ടിലേക്ക് പാഞ്ഞുകയറി 18 പേര്‍ക്ക് ഗുരുതരമായി പരുക്കേറ്റു. ബിഹാറിലെ സരണ്‍ ജില്ലയിലാണ് ദാരണമായ സംഭവം റിപോര്‍ട് ചെയ്തിരിക്കുന്നത്. നിയന്ത്രണംവിട്ട കാര്‍ ആദ്യം റോഡരികിലെ കടയിലേക്കാണ് ഇടിച്ച് കയറിയത്. പിന്നീട് ജനങ്ങള്‍ തിങ്ങി കൂടിയ മരണവീട്ടിലേക്ക് പാഞ്ഞുകയറുകയായിരുന്നു. പരുക്കേറ്റവരെ ഉടന്‍ ആശുപത്രിയില്‍ പ്രവേശിപ്പിച്ചു.
സംഭവ സമയത്ത് ഡ്രൈവര്‍ മദ്യലഹരിയില്‍ ആയിരുന്നുവെന്ന് പ്രദേശവാസികള്‍ ആരോപിച്ചു. തുടര്‍ന്ന് രോഷാകുലരായ പ്രദേശവാസികള്‍ പ്രധാന റോഡ് ഉപരോധിച്ചു.
കഴിഞ്ഞ ദിവസം ബിഹാറിലെ വൈശാലി ജില്ലയിലും സമാന സംഭവം നടന്നിരുന്നു. അപകടത്തില്‍ കുട്ടികളടക്കം എട്ട് പേര്‍ മരിച്ചിരുന്നു. വൈശാലി ജില്ലയിലെ മെഹ്നാര്‍ ഗ്രാമത്തിലാണ് അപകടമുണ്ടായത്. അമിത വേഗതയില്‍ വന്ന ട്രക് ജനക്കൂട്ടത്തിലേക്ക് ഇടിച്ചുകയറുകയായിരുന്നു.
Keywords: 18 injured as speeding car runs over crowd at roadside funeral feast in Bihar's Saran, Bihar, Accident, Injured, Hospital, Treatment, National, News.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
