വയനാട്: (KVARTHA) മുത്തങ്ങ പൊൻകുഴി ദേശീയപാതയിൽ റോഡിനു കുറുകെ ചാടിയ മാനിനെ ഇടിച്ച്‌ നിയന്ത്രണംവിട്ട ബൈക്ക് മരത്തിലിടിച്ചുണ്ടായ അപകടത്തിൽ ഒരാൾ മരിച്ചു. കോഴിക്കോട് വെള്ളിമാടുകുന്ന് സ്വദേശി ആൽബിൻ അഗസ്റ്റിൻ (24) ആണ് മരിച്ചത്.

ഒപ്പമുണ്ടായിരുന്ന കോഴിക്കോട് സ്വദേശി മീറ്റ് ആഷർ (22) നെ ഗുരുതര പരിക്കുകളോടെ സുൽത്താൻ ബത്തേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. പിന്നീട് കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റി.
ചൊവ്വാഴ്ച രാവിലെ 8.30 ഓടെയാണ് അപകടം സംഭവിച്ചത്. മൈസൂർ ഭാഗത്തേക്ക് പോകുകയായിരുന്നു യുവാക്കൾ. പൊൻകുഴി കാട്ടുനായ്ക്ക കോളനിക്ക് സമീപം വാഹനത്തിനു കുറുകെ ചാടിയ മാനിനെ ഇടിക്കുകയും തുടർന്ന് നിയന്ത്രണംവിട്ട ബൈക്ക് പാതയോരത്തെ മരത്തിലിടിക്കുകയുമായിരുന്നു. പോലീസ് അപകടത്തിന്റെ കാരണം അന്വേഷിക്കുകയാണ്.

പ്രദേശവാസികളുടെ ആശങ്ക

ഈ പ്രദേശത്ത് വന്യജീവികളുടെ സാന്നിധ്യം കൂടുതലായതിനാൽ ഇത്തരം അപകടങ്ങൾ പതിവായി സംഭവിക്കാറുണ്ട്. വന്യജീവികളെ സംരക്ഷിക്കുന്നതിനൊപ്പം റോഡ് സുരക്ഷയും ഉറപ്പാക്കേണ്ടതിന്റെ ആവശ്യകത ഈ സംഭവം വീണ്ടും ഉയർത്തിക്കാട്ടുന്നു.

#Wayanad #BikeAccident #Wildlife #RoadSafety #Youth #LocalNews