Expelled | പോക്‌സോ കേസിലെ പ്രതിയായ യൂത് കോണ്‍ഗ്രസ് നേതാവിനെ സംഘടനയില്‍ നിന്നും പുറത്താക്കി
Dec 28, 2022, 11:15 IST
പഴയങ്ങാടി: (www.kvartha.com) പോക്‌സോ കേസില്‍ അറസ്റ്റിലായ യൂത് കോണ്‍ഗ്രസ് നേതാവ് കെ സുനീഷിനെ സംഘടനയില്‍ നിന്നും പുറത്താക്കി. ജില്ലാ പ്രസിഡന്റ് സുധീപ് ജെയിംസ് ആണ് സുനീഷിനെ യൂത് കോണ്‍ഗ്രസിന്റെ പ്രാഥമിക അംഗത്വത്തില്‍ നിന്നും പുറത്താക്കിയതായി അറിയിച്ചത്.
11കാരനെ പീഡിപ്പിച്ചെന്ന പരാതിയിലാണ് യൂത് കോണ്‍ഗ്രസ് പയ്യന്നൂര്‍ നിയോജക മണ്ഡലം ജെനറല്‍ സെക്രടറി പെരുമ്പ തായത്തുവയലിലെ സുനീഷിനെ പൊലീസ് അറസ്റ്റുചെയ്തത്. ഈ മാസം 22ന് ആയിരുന്നു പരാതിക്കിടയാക്കിയ സംഭവം നടന്നത്. പയ്യന്നൂര്‍ സ്വദേശിയായ കുട്ടിയെ ആണ് ഇയാള്‍ പീഡനത്തിനിരയാക്കിയത്.
കുട്ടി വിവരമറിയിച്ചതിനെ തുടര്‍ന്ന് തിങ്കളാഴ്ചയാണ് രക്ഷിതാക്കള്‍ പൊലീസില്‍ പരാതി നല്‍കിയത്. കുട്ടിയുടെ മൊഴി രേഖപ്പെടുത്തിയശേഷം പോക്‌സോ വകുപ്പുപ്രകാരം കേസെടുത്ത് പയ്യന്നൂര്‍ പൊലീസ് ഇയാളെ പിടികൂടുകയായിരുന്നു.
Keywords: Youth Congress leader accused in POCSO case expelled from the party, Kannur, News, Police, Youth Congress, Arrested, Complaint, Kerala.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
